Niverow 21:4 - An Bibel Kernewek 20234 (Kernewek Kemmyn)

⁴ A-dhiworth menydh Hor i eth yn-kerdh der an fordh dhe'n Mor Rudh dhe vos a-dro dhe bow Edom; ha'n bobel a dheuth ha bos digolonnek war an fordh.

Niverow 21:4 Iomraidhean Croise

2 Myghternedh 3:8

Ev a wovynnas, ‘War by fordh a wren ni mos?’ Hag ev a worthybis, ‘Dre fordh gwylvos Edom.’

Eksodus 6:9

Moyses a gewsis yndellma dhe vebyon Ysrael; mes ny goelsons orth Moyses drefenn galar aga spyrys ha'ga gonis fell.

Niverow 14:25

Lemmyn, a-ban drig an Amalekysi ha'n Kananysi y'n nansow, treyl a-vorow ha mos yn-kerdh dhe'n gwylvos dre fordh an Mor Rudh.’

Niverow 20:27

Moyses a wrug dell worhemmynnis an Arloedh; hag i a yskynnas menydh Hor yn golok an kuntelles oll.

Niverow 32:7

Prag y tigennerthowgh kolonn mebyon Ysrael a dreusi dhe'n tir a ros an Arloedh dhedha?

Niverow 32:9

Rag pan yskynnsons dhe nans Eshkol, ha gweles an tir, i a dhigennerthas kolonn mebyon Ysrael a vones y'n tir re rosa an Arloedh dhedha.

Niverow 33:41

Hag i eth yn-kerdh a-dhiworth menydh Hor, ha kampya yn Salmona.

Oberow 14:22

ow surhe spyrys an dhyskyblon ha'ga ynnia pesya y'n fydh, ha leverel y tegoedh dhyn dre lies galar entra yn gwlaskor Duw.

Dewteronomi 1:40

Mes hwi, treylyewgh war-dhelergh, hag omdennewgh yn-mes war-tu ha'n gwylvos yn fordh an Mor Rudh.’

Dewteronomi 2:1

Ni a dreylyas hag omdenna yn-mes war-tu ha'n gwylvos war an fordh dhe'n Mor Rudh, dell leveris an Arloedh dhymm, ha mos a-dro menydh Seir lies dydh.

Breusysi 11:18

Ena i a vyajyas der an gwylvos, i a dremenas ryb pow Edom ha tir Moab hag a dheuth dhe denewen an est dhe bow Moab hag a gampyas a'n tu arall dhe Arnon. Ny entersons tir Moab, rag Arnon o or Moab.