Niverow 21:16 - An Bibel Kernewek 20234 (Kernewek Kemmyn)

¹⁶ Hag alena i a besyas mos bys yn Beer; henn yw an puth a gewsis anodho an Arloedh dhe Moyses, ‘Kuntell an bobel war-barth, ha my a re dhedha dowr.’

Niverow 21:16 Iomraidhean Croise

Jenesis 21:19

Ha Duw a igoras hy dhewlagas ha hi a welas puth dowr; hi eth, ha lenwel an groghen a dhowr ha'y ri dhe'n maw dhe eva.

Eksodus 17:6

Otta, my a sev a-ragos ena war an garrek yn Horeb, ha ty a wra gweskel an garrek, ha dowr a wra dos anedhi mayth effo an bobel.’ Ha Moyses a wrug yndella a-wel henavogyon Ysrael.

Ysay 12:3

Hwi a denn dowr gans lowena dhiworth an fentynyow a selwyans.

Ysay 15:8

Ytho an arm res eth oll a-dro dre dir Moab; hy oelva a dheu bys yn Eglaym, hy oelva bys yn Beer-elim.

Ysay 43:20

An bestes gwyls a'm enor, an owrgeun ha'n strusyow; rag my a re dowr y'n difeythtir, avonyow y'n gwylvos, dhe ri diwes dhe'm pobel dhewisys,

Ysay 49:10

Ny's tevydh na nown na syghes, ny's gwask na toemmder na howl, rag ev neb a gemmer truedh anedha a vynn aga hembronk, ha ryb fentynyow dowr aga hevarwoedha.

Niverow 20:8

Kemmer an welenn, ha dri an kuntelles war-barth, ty hag Aron dha vroder, ha kewsewgh orth an garrek a-rag aga lagasow ha hi a re hy dowr; yndellma ty a dhre dowr yn-mes a'n garrek ragdha; yndellma ty a re diwes dhe'n kuntelles ha'ga chatel.

Niverow 33:46

Hag i eth yn-kerdh a-dhiworth Dibon-gad, ha kampya yn Almon-diblathaym.

Yowann 4:10

Yesu a worthybis ha leverel dhedhi, ‘Mar kodhves ro Duw, ha piw yw neb a lever dhis, “Ro dhymm dhe eva”, ty a wrusses y bysi, hag ev a rossa dhis dowr bew.’

Yowann 4:14

mes piwpynag a effo a'n dowr a rov vy dhodho ny'n jevydh syghes bynitha; mes an dowr a rov dhodho a vydh ynno fenten a dhowr ow frosa bys yn bewnans heb diwedh.’

Diskwedhyans 21:6

Hag ev a leveris dhymm, ‘Gwrys yw. Alfa hag Omega ov vy, an dalleth ha'n diwedh. My a re dhe neb a'n jeves syghes a fenten an dowr a vewnans heb kost.

Diskwedhyans 22:1

Hag ev a dhiskwedhas dhymm avon a dhowr bewnans, kler avel gwrys, ow tos yn-mes a dron Duw hag a'n Oen.

Diskwedhyans 22:17

Hag yn-medh an Spyrys ha'n venyn bries, ‘Deus’, ha leveres neb a glewvo, ‘Deus’, ha des neb a'n jeffo syghes; neb a vynno, kemmeres ev a'n dowr a vewnans heb kost.

Breusysi 9:21

Ena Yotham a boenyas dhe-ves, hag a fias, ow mos dhe Beer, le may hwortas, rag own a'y vroder Abimelek.