Niverow 20:8 - An Bibel Kernewek 20234 (Kernewek Kemmyn)

⁸ Kemmer an welenn, ha dri an kuntelles war-barth, ty hag Aron dha vroder, ha kewsewgh orth an garrek a-rag aga lagasow ha hi a re hy dowr; yndellma ty a dhre dowr yn-mes a'n garrek ragdha; yndellma ty a re diwes dhe'n kuntelles ha'ga chatel.

Niverow 20:8 Iomraidhean Croise

Jenesis 18:14

Eus travyth re gales rag an Arloedh? Y'n termyn apoyntys, my a dhehwel dhis, y'n vlydhen a dheu, hag y fydh dhe Sara mab.’

Nehemia 9:15

Ty a ros dhedha bara dhiworth nev rag aga nown, ha dri dowr ragdha yn-mes a'n garrek rag aga syghes, ha ty a leveris dhedha mayth ellens a-ji dhe erita an pow re doses gans leuv drehevys y ri dhedha.

Salmow 105:41

Ev a igoras an garrek, ha'n dowrow a dhewragas; avonyow a resas y'n syghtiryow.

Salmow 114:8

neb a dreylyas an garrek dhe boll a dhowr, an men flynt dhe fenten dowr.

Salmow 33:9

Rag ev a gewsis, hag yndella y feu gwrys; ev a worhemmynnis ha pup-tra a sevis yn fast.

Eksodus 14:16

Drehav dha welenn, hag ystynn dha dhorn dres an mor ha'y ranna, may hallo mebyon Ysrael mos war dhor sygh yn mysk an mor.

Eksodus 17:9

Ha Moyses a leveris dhe Yoshua, ‘Dewis gwer ragon ha mos yn-mes, omladh erbynn Amalek; a-vorow my a wra sevel war benn an vre gans gwelenn Duw y'm dorn.’

Eksodus 4:17

Ha ty a wra kemmeres an welenn ma ha gensi ty a wra an toknys.’

Eksodus 4:2

An Arloedh a leveris dhodho, ‘Pyth yw henna yn dha dhorn?’ Hag yn-medh ev, ‘Gwelenn.’

Eksodus 4:20

Ha Moyses a gemmeras y wreg ha'y vebyon ha'ga gorra war geyn asen ha dehweles dhe Ejyp; ha Moyses a gemmeras gwelenn Duw yn y dhorn.

Eksodus 7:20

Moyses hag Aron a wrug dell worhemmynnis an Arloedh; a-wel dhe Faro hag a-wel dh'y servysi, ev a dhrehevis an welenn ha gweskel an dowr esa y'n Nil, hag oll an dowr esa y'n Nil a dreylyas yn goes.

Ysay 43:20

An bestes gwyls a'm enor, an owrgeun ha'n strusyow; rag my a re dowr y'n difeythtir, avonyow y'n gwylvos, dhe ri diwes dhe'm pobel dhewisys,

Ysay 48:21

Ny's tevo syghes pan y's hembronkas der an difeythyow, ev a wrug may resekka an dowr ragdha a'n garrek, ev a folsas an garrek, ha'n dowr a frosas yn-mes.

Niverow 20:11

Ha Moyses a dhrehevis y dhorn ha gweskel an garrek gans y welenn diwweyth; ha dowr a dheuth yn-mes yn lanwes, ha'n kuntelles a evas, ha'ga chatel.

Niverow 20:7

ha'n Arloedh a leveris dhe Moyses:

Niverow 21:15

ha ledrow an nansow a ystynn dhe drigva Ar, hag a boes trohag or Moab.’

Niverow 21:18

An bennsevigyon a balas an puth, gwelhevin an bobel a'n kleudhyas gans an dernwelenn, gans aga gwelynni.’ Ha dhiworth an gwylvos i eth dhe Mattana,

Matthew 21:21

Ha Yesu a worthybis ha leverel dhedha, ‘Yn hwir y lavarav dhywgh, mar pydh genowgh fydh heb hokya, ny wrewgh yn unnsel an dra gwrys dhe'n figbrenn, mes ynwedh mar leverewgh dhe'n menydh ma, “Ty bydh drehevys ha tewlys y'n mor”, henna a hwyrvydh;

Luk 11:13

Hwi ytho, ow pos drog, mar kodhowgh ri rohow da dh'agas fleghes, pygemmys moy y re an Tas a nev an Spyrys Sans dhe seul a wovynn orto!’

Yowann 16:24

Bys lemmyn ny wovynnsowgh travyth y'm hanow vy; govynnewgh ha hwi a dhegemmer, rag may fo agas lowena kollenwys.

Oberow 1:14

Oll an re ma gans unn akord a omri dhe bysadow, gans an benynes ha Maria mamm Yesu ha gans y vreder.

Yoshua 6:20

Ytho i a hwythas an hirgern. Kettell glewas an lu son an hirgern, i a armas gans garm vras, ha'n fos a goedhas yn hy le; ytho an lu eth yn-bann y'n sita, pub den ow mos yn tidro, hag i a gemmeras an sita.

Yoshua 6:5

Pan hwythons gans kern an hordhes, kettell glewowgh son an hirgorn, garmes oll lu gans garm vras; ena fos an sita a goedh yn hy le, ha gas oll lu dhe vos yn-bann, pub gour ow kerdhes a-ji yn tidro.’

Diskwedhyans 22:1

Hag ev a dhiskwedhas dhymm avon a dhowr bewnans, kler avel gwrys, ow tos yn-mes a dron Duw hag a'n Oen.

Diskwedhyans 22:17

Hag yn-medh an Spyrys ha'n venyn bries, ‘Deus’, ha leveres neb a glewvo, ‘Deus’, ha des neb a'n jeffo syghes; neb a vynno, kemmeres ev a'n dowr a vewnans heb kost.