Niverow 20:2 - An Bibel Kernewek 20234 (Kernewek Kemmyn)

² Lemmyn nyns esa dowr rag an kuntelles; hag i a omguntellas war-barth erbynn Moyses hag erbynn Aron.

Niverow 20:2 Iomraidhean Croise

Salmow 106:32

I a'n sorras ynwedh ryb dowrow Meriba, may porthas Moyses dregynn a-barth dhedha;

Eksodus 16:12

‘My re glewas krodhvolyow mebyon Ysrael; lavar dhedha, “Dhe dewlwolow hwi a wra dybri kig, hag y'n myttin hwi a vydh lenwys gans bara; ena hwi a wodhvydh my dhe vos an Arloedh agas Duw.” ’

Eksodus 16:2

Ha'n kuntelles oll a vebyon Ysrael a grodhvolas war Moyses hag Aron y'n gwylvos,

Eksodus 16:7

hag y'n myttin hwi a welvydh golewder an Arloedh, rag ev dhe glewes agas krodhvolyow war an Arloedh. Rag pyth on ni may krodhvolowgh warnan?’

Niverow 14:2

Ha mebyon Ysrael oll a grodhvolas war Moyses hag Aron; oll an kuntelles a leveris dhedha, ‘A marwen yn pow Ejyp! Po a marwen y'n gwylvos ma!

Niverow 14:9

Mes, na sevewgh erbynn an Arloedh; ha na berthewgh own a bobel an tir, rag bara yns i ragon; aga skoes yw kemmerys a-dhiworta, hag yma an Arloedh genen; na berthewgh own anedha.’

Niverow 16:19

Ena Koragh a guntellas oll an kuntelles er aga fynn dhe dharas tylda an kuntelles. Ha golewder an Arloedh a omdhiskwedhas dhe'n kuntelles oll.

Niverow 16:3

hag i a omguntellas war-barth erbynn Moyses hag erbynn Aron, ha leverel dhedha, ‘Hwi res eth re bell! Rag oll an kuntelles yw sans, peub anedha, hag yma an Arloedh yn aga mysk; ytho prag yth omughelhowgh a-ugh kemmynieth an Arloedh?’

Niverow 16:42

Ha pan veu kuntellys an kuntelles erbynn Moyses hag erbynn Aron, i a dreylyas war-tu ha tylda an kuntelles; hag otta, an gommolenn a'n kudhas, ha golewder an Arloedh a omdhiskwedhas.

Niverow 21:5

Ha'n bobel a gewsis erbynn Duw hag erbynn Moyses, ‘Prag y'gan dresys yn-mes a Ejyp dhe verwel y'n gwylvos? Rag nyns eus boes na dowr, ha kas yw genen an boes diles ma.’