Niverow 20:11 - An Bibel Kernewek 20234 (Kernewek Kemmyn)

¹¹ Ha Moyses a dhrehevis y dhorn ha gweskel an garrek gans y welenn diwweyth; ha dowr a dheuth yn-mes yn lanwes, ha'n kuntelles a evas, ha'ga chatel.

Niverow 20:11 Iomraidhean Croise

1 Kroniklys 15:13

Drefenn na's dugowgh hwi an kynsa prys, an Arloedh agan Duw a dardhas warnan, drefenn na hwilsyn dhiworto y'n vaner ordenys.’

1 Kroniklys 15:2

Ena Davydh a leveris, ‘Ny yll nagonan doen argh Duw marnas an Levysi, rag an Arloedh a's dewisas dhe dhoen argh an Arloedh ha dhe venystra dhodho bys vykken.’

Salmow 105:41

Ev a igoras an garrek, ha'n dowrow a dhewragas; avonyow a resas y'n syghtiryow.

Salmow 114:8

neb a dreylyas an garrek dhe boll a dhowr, an men flynt dhe fenten dowr.

Salmow 74:15

Ty a folsas an fenten ha'n fros; ty a dhesyghas avonyow prest ow resek.

Salmow 78:15

Ev a folsas an karregi y'n difeyth, hag a ros diwes dhedha, kepar ha pan dheffa yn-mes a dhownderyow meur.

Salmow 78:16

Ev a dhros frosow yn-mes a'n garrek hag a wrug dhe dhowrow dewraga kepar hag avonyow.

Salmow 78:20

Otta, ev a weskis an garrek may tewragas an dowrow, ha'n frosow a fennas. Mes a yll ev ri bara ynwedh, po darbari kig dh'y bobel?’

Eksodus 17:6

Otta, my a sev a-ragos ena war an garrek yn Horeb, ha ty a wra gweskel an garrek, ha dowr a wra dos anedhi mayth effo an bobel.’ Ha Moyses a wrug yndella a-wel henavogyon Ysrael.

Ysay 43:19

Otta, y hwrav tra nowydh, lemmyn y hwra ev egina: a ny'n gwelowgh? My a wra hyns y'n difeythtir, avonyow y'n gwylvos.

Ysay 48:21

Ny's tevo syghes pan y's hembronkas der an difeythyow, ev a wrug may resekka an dowr ragdha a'n garrek, ev a folsas an garrek, ha'n dowr a frosas yn-mes.

Hosea 13:5

My a'th wodhya y'n gwylvos, yn tir a syghter.

Levitikus 10:1

Ena Nadab hag Abihu, mebyon Aron, a gemmeras, pubonan, y ynkyslester ha gorra tan ynno ha settya ynkys warnodho hag offrynna tan astranj dherag an Arloedh, na wrug ev erghi dhedha.

Niverow 20:8

Kemmer an welenn, ha dri an kuntelles war-barth, ty hag Aron dha vroder, ha kewsewgh orth an garrek a-rag aga lagasow ha hi a re hy dowr; yndellma ty a dhre dowr yn-mes a'n garrek ragdha; yndellma ty a re diwes dhe'n kuntelles ha'ga chatel.

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

1 Korinthianys 10:4

hag oll a evas an keth diwes spyrysel; rag i a evas a'n garrek spyrysel a'ga siwyas, ha'n garrek o Krist.

Dewteronomi 8:15

neb a wrug dhis kerdhes y'n gwylvos bras hag euthyk, le mayth esa a'n sarf danek ha'n skorpyon, ha syghtir le ma nag eus dowr; neb a dhros dowr yn-mes dhis dhiworth karrek an kellester;

Jamys 1:20

Rag ny wra sorr gour avonsya ewnder Duw.

Breusysi 15:19

Yndella Duw a folsas igor an pans usi yn Lehi, ha dowr a dheuth anodho, ha'y spyrys a dhasvewas. Ytho henwys o En-hakkore, usi yn Lehi bys y'n jydh hedhyw.

1 Samuel 15:19

Ytho prag na obaysys lev an Arloedh? Prag y koedhsys war an preydh, ha gul drog yn golok an Arloedh?’

1 Samuel 15:24

Ha Sowl a leveris dhe Samuel, ‘My re beghas; my a gammdremenas erbynn gorhemmynn an Arloedh ha'th eryow, drefenn my dhe berthi own a'n bobel hag obaya aga lev.