Niverow 20:1 - An Bibel Kernewek 20234 (Kernewek Kemmyn)

¹ Ha mebyon Ysrael, an kuntelles oll, a dheuth a-ji dhe wylvos Sin y'n kynsa mis, ha'n bobel a wortas yn Kadesh; ha Miryam a verwis ena, hag a veu ynkleudhys ena.

Niverow 20:1 Iomraidhean Croise

Jenesis 14:7

Hag i a dhehwelis ha dos dhe En-mishpat (henn yw Kadesh) ha fetha gwlas oll an Amalekysi ha'n Amorysi ynwedh esa trigys yn Haseson-tamar.

Salmow 29:8

lev an Arloedh a wra dhe'n difeyth krena, an Arloedh a wra dhe dhifeyth Kadesh krena.

Eksodus 15:20

Ena Miryam, an brofoeses, hwoer Aron, a gemmeras tabourik yn hy leuv ha'n benynes oll eth war hy lergh gans tabourigow ha gans donsyow.

Eksodus 2:4

ha'y hwoer a wortas a neb pellder dhe wodhvos pandr'a hwarvedha dhodho.

Eksodus 2:7

Ha'y hwoer a leveris dhe vyrgh Faro, ‘A wrav vy mos dhe gyrghes mammeth a'n Ebrowyon a wra maga an meppik ragos?’

Ezekiel 47:19

Yn tenewen an soth y fydh dhiworth Tamar bys dowrow Meribath-kadesh, ena ryb an avon dhe'n Mor Bras. Hemma a vydh or an soth.

Mika 6:4

Pan y'th tres yn-mes a bow Ejyp, ha'th tasprena a ji an gethneth, ha dannvon a-dheragos Moyses, Aron ha Miryam.

Niverow 12:1

Miryam hag Aron a gewsis erbynn Moyses drefenn an Gushyades re dhemmedhsa, rag ev dhe dhemmedhi Kushyades;

Niverow 12:10

Pan omdennas an gommolenn a-dhiwar an tylda, otta, Miryam o lovrek, mar wynn avel an ergh. Hag Aron a dreylyas tu ha Miryam, hag otta, hi o lovrek.

Niverow 12:15

Ytho Miryam a veu kes yn-mes a'n kamp seyth dydh; ha ny dhallathas an bobel war an kerdh bys pan veu Miryam dres arta a-ji.

Niverow 13:21

Ytho i a yskynnas hag aspia an tir a wylvos Sin dhe Rehob, troha Lebo-hamath.

Niverow 13:26

Hag i a dheuth dhe Moyses hag Aron ha dhe'n kuntelles oll a vebyon Ysrael bys yn gwylvos Paran, dhe Kadesh; i a dhros ger dhedha ha dhe'n kuntelles oll, ha diskwedhes dhedha frut an tir.

Niverow 20:16

Ha pan grisyn war an Arloedh, ev a glewas agan lev, ha dannvon el, ha'gan dri yn-mes a Ejyp; hag ottani yn Kadesh, sita war amal dha diredh.

Niverow 20:22

Hag i a dravalyas a-dhiworth Kadesh, ha mebyon Ysrael, an kuntelles oll, a dheuth dhe venydh Hor.

Niverow 20:28

Ha Moyses a dhiwiskas a-dhiwar Aron y dhillas, ha'ga gorra war Eleazar y vab; hag Aron a verwis ena war benn an menydh. Ena Moyses hag Eleazar a dhiyskynnas a'n menydh.

Niverow 26:59

Hanow gwreg Amram o Yokebed myrgh Levi, a veu genys dhe Levi yn Ejyp; ha hi a dhineythis dhe Amram Aron ha Moyses ha Miryam aga hwoer.

Niverow 27:14

rag ty dhe rebellya erbynn ow ger yn gwylvos Sin dres strif an kuntelles, dhe'm sanshe der an dowrow a-rag aga lagasow.’ (An re ma yw dowrow Meriba a Kadesh yn gwylvos Sin.)

Niverow 33:36

Hag i eth yn-kerdh a-dhiworth Esyon-geber, ha kampya yn gwylvos Sin (henn yw, Kadesh).

Dewteronomi 1:46

Ytho yth esewgh trigys yn Kadesh lies dydh, oll an dydhyow a drigsowgh ena.

Dewteronomi 2:14

Termyn agan kerdh dhiworth Kadesh-barnea bys pan dreussyn gover Zered o etek blydhen warn ugens; y'n kettermyn, oll henedh gwer an vresel re vawrsa yn-mes a'n kamp, dell dos an Arloedh dhedha.

Dewteronomi 32:51

drefenn agas bos dislel dhymm yn mysk mebyon Ysrael orth dowrow Meriba-kadesh yn gwylvos Sin; drefenn na wrussowgh ow sanshe yn mysk mebyon Ysrael.

Breusysi 11:16

mes pan dheuthons yn-bann dhiworth Ejyp, Ysrael eth der an gwylvos dhe'n Mor Rudh hag a dheuth dhe Kadesh.