Niverow 19:21 - An Bibel Kernewek 20234 (Kernewek Kemmyn)

²¹ Hag y fydh ordenans bys vykken ragdha. Ev neb a skoell an dowr a lanheans a wra golghi y dhillas; hag ev neb a doch an dowr a lanheans a vydh avlan bys an gorthugher.

Niverow 19:21 Iomraidhean Croise

Eksodus 27:21

Yn tylda an kuntelles, a-ves dhe'n vayl usi a-rag an dustuni, Aron ha'y vebyon a wra y witha a'n gorthugher dhe'n myttin a-rag an Arloedh. Y fydh ordenans bys vykken dhe vebyon Ysrael der aga henedhow.

Levitikus 11:25

Ha nebonan a dhokko korf onan anedha a wra golghi y dhillas ha bos avlan bys y'n gorthugher.

Levitikus 11:40

Ha neb a dheppro an korf a wolgh y dhillas ha bos avlan bys y'n gorthugher; ha neb a dhokko y gorf a wolgh y dhillas ha bos avlan bys y'n gorthugher.

Niverow 18:23

Mes an Levysi a wra servis tylda an kuntelles, hag i a wra doen aga hammweyth; y fydh ordenans bys vykken der agas henedhow; hag yn mysk mebyon Ysrael ny's tevydh eretons.

Niverow 19:10

Hag ev neb a guntell lusu an lejek a wra golghi y dhillas, ha bos avlan bys an gorthugher. Ha hemma a vydh dhe vebyon Ysrael, ha dhe'n alyon usi trigys yntredha, ordenans bys vykken.

Niverow 19:7

Ena an oferyas a wra golghi y dhillas ha badhya y gorf yn dowr, hag a-wosa ev a yll dos y'n kamp; ha'n oferyas a vydh avlan bys y'n gorthugher.

Niverow 19:8

Ev neb a lesk an lejek a wra golghi y dhillas yn dowr, ha badhya y gorf yn dowr, hag a vydh avlan bys y'n gorthugher.

Ebrowyon 10:4

Rag ny yll goes terewi na gever dilea peghosow.

Ebrowyon 7:19

(rag ny wrug an lagha travyth perfydh); a'y gila, govenek gwell yw dres, dredho may teun nes dhe Dhuw.

Ebrowyon 9:10

marnas dyghtya boes ha diwes hag omwolghans liesek, ordenansow an kig, gorrys warnedha bys termyn dasfurvyans.