Niverow 19:2 - An Bibel Kernewek 20234 (Kernewek Kemmyn)

² Hemm yw ordenans an lagha re worhemmynnis an Arloedh: Kows dhe vebyon Ysrael may trollons dhywgh lejek rudh heb difyk na namm, ha warnedhi na dheuth bythkweth yew.

Niverow 19:2 Iomraidhean Croise

Eksodus 12:5

Agas oen a vydh heb namm, gorow, unn bloedh; hwi a'n kemmer dhiworth an deves po dhiworth an gever;

Ysay 1:18

Dewgh, ha resnyn ni war-barth, yn-medh an Arloedh. Kyn fons agas peghosow kepar ha kogh, y fydhons mar wynn avel an ergh; kyn fons mar rudh avel purpur, y fydhons kepar ha gwlan.

Kynvannow 1:14

Kelmys veu ow threuspassow warnav avel yew; gans y leuv y fons nedhys war-barth ha gorrys war ow honna, ow kul dhe'm nerth fyllel; an Arloedh re'm ros yn diwla tus ma na allav sevel.

Levitikus 1:10

Ha mars yw y offrynn a'n flokk, deves po gever, rag sakrifis leskys, ev a dhre best gorow heb namm.

Levitikus 1:3

Mars yw y offrynn offrynn leskys a'n gwarthek, offrynnes ev best gorow heb namm: gwres ev y offrynna orth daras tylda an kuntelles, may kaffo favour dherag an Arloedh.

Levitikus 14:6

Hag ev a gemmer an edhen vew ha'n prenn keder ha'n pann kogh ha'n hyssop ha troghya an re ma ha'n edhen vew yn goes an edhen a veu ledhys a-ugh an dowr ow resek.

Niverow 19:1

Lemmyn an Arloedh a leveris dhe Moyses hag Aron:

Niverow 19:6

ha'n oferyas a wra kemmeres prenn keder ha hyssop ha pann kogh, ha'ga thewlel yn mysk losk an lejek.

Niverow 31:21

Hag Eleazar an oferyas a leveris dhe'n wer a vresel galsa dhe'n vatel: ‘Hemm yw ordenans an lagha re worhemmynnis an Arloedh dhe Moyses:

Luk 1:35

Ha'n el a worthybis dhedhi, ‘An Spyrys Sans a dheu warnas, ha nerth an Ughella a'th worskeus; rakhenna an flogh a vydh genys a vydh gelwys Mab Duw.

Dewteronomi 21:3

ha henavogyon an dre yw nessa dhe'n den ledhys a gemmer lejek na veu gorrys dhe lavur ha na dennas yn-dann yew.

Ebrowyon 7:26

Rag gwiw o bos dhyn arghoferyas a'n par na, sans, divlam, andhefolys, diberthys a'n beghadoryon, ughelhes a-ugh an nevow.

Ebrowyon 9:10

marnas dyghtya boes ha diwes hag omwolghans liesek, ordenansow an kig, gorrys warnedha bys termyn dasfurvyans.

1 Peder 1:19

mes gans goes drudh Krist kepar hag oen heb defowt ha heb namm.

1 Peder 2:22

‘Ny wrug peghadow, ha ny veu toell kevys war y anow.’

Diskwedhyans 1:5

ha dhiworth Yesu Krist, an test len, an kynsa dineythys a'n re varow, ha rewler myghternedh an norvys. Dhe neb a'gan kar ha'gan delivras mes a'gan peghosow der y woes,

1 Samuel 6:7

Lemmyn ytho, gwrewgh kert nowydh ha kemmerewgh diw vugh-wodra na borthas nevra yew warnedha, ha yewewgh an bughes dhe'n kert, mes kemmerewgh aga leughi tre, dhe-ves a-dhiworta.