Niverow 19:13 - An Bibel Kernewek 20234 (Kernewek Kemmyn)

¹³ Piwpynag a docchyo den marow, korf den pynag re verwis, ha ny omlanha, a dhefol tabernakel an Arloedh, ha'n den na a vydh treghys a-dhiworth Ysrael; drefenn na veu skoellys warnodho an dowr a lanheans, ev a vydh avlan; yma y avlander hwath warnodho.

Niverow 19:13 Iomraidhean Croise

Eksodus 30:33

Neb a gemmysko oyl avello po neb a worro anodho war estren a vydh treghys a'y bobel.’

Lavarow Koth 14:32

An tebelwas yw domhwelys der y dhroktra, mes an den gwiryon a'n jeves harber yn y lander.

Ezekiel 44:26

Wosa bos glanhes, i a reken seyth dydh ragdho.

Levitikus 15:31

Yndella hwi a dhiberth mebyon Ysrael dhiworth aga avlander, ma na varwons yn aga avlander drefenn defola ow thabernakel usi yn aga mysk.

Levitikus 20:3

Ha my a vynn settya ow fas erbynn an gour na ha'y dreghi dhe-ves a'y bobel, rag ev re ros a'y has dhe Molek dhe dhefola ow sentri ha disakra ow hanow sans.

Levitikus 22:3

Lavar dhedha, Piwpynag oll a'gas has, der agas henedhow, a dheffo nes dhe'n taklow sans a wra mebyon Ysrael aga sakra dhe'n Arloedh, ha warnodho y avlander, an den na a vydh treghys dhe-ves a'm golok. An Arloedh ov vy.

Levitikus 22:4

Piwpynag a has Aron a vo klavorek, po mayth eus dhodho sygerans ny wra dybri a'n taklow sans erna vo glan. Ha piwpynag a docchyo neppyth re dheuth ha bos avlan dre gorf marow, po gour re gavas dyllans has,

Levitikus 5:17

Ha mar pegh den ha gul neppyth erbynn onan a worhemmynnow an Arloedh na dal bos gwrys, kyn fo heb y wodhvos, kablus vydh, hag ev a dheg an blam a'y gammweyth.

Levitikus 5:3

Po mar toch den a vo avlan, pypynag a wrello an den dhe vos avlan, ha henn yw kelys dhiworto, pan y'n goer, kablus vydh.

Levitikus 5:6

Hag ev a dhre y offrynn kammweyth dhe'n Arloedh rag an pegh re wrug, davas venow a'n flokk, oen po mynn a'n gever rag offrynn pegh ha'n oferyas a wra dehwelyans ragdho rag y begh.

Levitikus 7:20

Mes ev neb a dheber neppyth a gig sakrifis an offrynnow kres a bew an Arloedh, hag ev avlan, an den ma a vydh treghys dhe-ves dhiworth y bobel.

Levitikus 7:21

Ha mar tocchyo nebonan tra avlan pynag, kepar ha den a vo avlan po best avlan po neppyth kasadow a vo avlan, ha dybri kig sakrifis an offrynnow kres a bew an Arloedh, an den na a vydh treghys dhe-ves dhiworth y bobel.

Niverow 15:30

Mes an den neb a wra neppyth, ughel y dhorn, kyn fo genesik po alyon, a villik an Arloedh; ha'n den na a vydh treghys dhe-ves dhiworth y bobel.

Niverow 19:14

Homm yw an lagha pan verow den yn tylda; pub huni a dheu y'n tylda ha pub huni usi y'n tylda, a vydh avlan seyth dydh.

Niverow 19:18

ena gour glan a wra kemmeres hyssop, ha'y dhroghya y'n dowr, ha'y skoellya war an tylda, ha war oll an daffar ha war an dus esa ena, ha warnodho neb a davas an askorn, po an den ledhys, po an den marow, po an bedh;

Niverow 19:19

ha'n den glan a wra skoellya war an den avlan y'n tressa dydh hag y'n seythves dydh; yndellma y'n seythves dydh ev a'n glanha, hag ev a wra golghi y dhillas hag omvadhya yn dowr, ha dhe'n gorthugher ev a vydh glan.

Niverow 19:20

Mes an den yw avlan ha ny omlanha, an enev na a vydh treghys a-dhiworth an gemmynieth, drefenn ev dhe dhefola sentri an Arloedh; drefenn na veu skoellys warnodho an dowr a lanheans, ev yw avlan.

Niverow 19:9

Ha gour neb yw glan a wra kuntell lusu an lejek, ha'ga gorra yn-mes a'n kamp yn tyller glan; hag i a vydh gwithys rag kuntelles mebyon Ysrael rag an dowr a lanheans, rag dileans pegh.

Niverow 8:7

Hag yndellma ty a wra dhedha, dh'aga glanhe: gwra skoellya dowr an glanheans warnedha, ha gas i dhe vos gans altenn war oll aga horf, ha golghi aga dillas hag omlanhe.

Niverow 9:13

Mes an gour yw glan ha heb bos ow vyajya, mes hwath a omwith rag gwitha an pask, an den na a vydh treghys a'y bobel, rag ny offrynnas offrynn an Arloedh yn y dermyn apoyntys; an gour na a berth y begh.

Yowann 8:24

Ytho my a leveris dhywgh, hwi dhe verwel yn agas peghosow. Rag mar ny grysowgh my dhe vos ev, hwi a verow yn agas peghosow.’

Ebrowyon 10:29

Pygemmys gweth an kessydhyans, tybi a wrewgh, a vydh breusys gwiw dhe neb a stank war Vab Duw ha synsi dhe vos avlan goes an kevambos dredho may feu sanshes, hag arvedh an Spyrys a ras?

Ebrowyon 9:10

marnas dyghtya boes ha diwes hag omwolghans liesek, ordenansow an kig, gorrys warnedha bys termyn dasfurvyans.

Diskwedhyans 21:8

Mes an ownogyon, ha'n dhiskryjygyon, ha'n re gasadow, ha denledhysi, ha'n re a wra fornikasyon, ha pystrioryon ha gordhyoryon idolys, ha pub gowleveryas a's teves aga rann y'n lynn a lesk gans tan ha loskven, hag yw an nessa mernans.’

Diskwedhyans 22:11

Neb yw kammhynsek, kammhynsek bedhes hwath: ha neb yw plos, plos bedhes hwath: ha neb yw ewn, ewn bedhes hwath: ha neb yw sans, sans bedhes hwath.’

Diskwedhyans 22:15

A-ves yma an keun, ha'n bystrioryon, ha'n re a wra fornikasyon ha denladh, ha'n re a wordh idolys, ha pubonan a gar ha gul falsuri.