Niverow 18:8 - An Bibel Kernewek 20234 (Kernewek Kemmyn)

⁸ Ena an Arloedh a leveris dhe Aron: Otta, my re ros dhis charj a'n offrynnow drehevys dhymm, oll an taklow sakrys a vebyon Ysrael; my re's ros dhis avel rann, ha dhe'th vebyon avel ordenans bys vykken.

Niverow 18:8 Iomraidhean Croise

2 Myghternedh 12:16

Ny veu an arghans dhiworth an offrynnow kammweyth ha'n offrynnow pegh dres a-berth y'n chi an Arloedh; an oferysi a's pewas.

2 Kroniklys 31:4

Ev a worhemmynnis dhe'n bobel trigys yn Yerusalem ri aga rann dhe'n oferysi ha'n Levysi, rag may hallens aga omri dhe lagha an Arloedh.

2 Kroniklys 31:5

Kettell lesas an ger, pobel Ysrael a ros yn palster kynsa froeth a ys, gwin, oyl, mel, hag a oll trevas an mes; hag i a dhug yn palster an dega a bup-tra.

Eksodus 28:43

Hag i a vydh war Aron ha war y vebyon pan ons a-ji dhe dylda an kuntelles, po pan dhons ogas dhe'n alter dhe venystra y'n tyller sans; ma na dhokkons kabel warnedha aga honan ha merwel. Hemma a vydh ordenans bys vykken ragdho ev ha'y dhiyskynnysi war y lergh.

Eksodus 29:21

Ena ty a gemmer neppyth a'n goes usi war an alter, hag a oyl an untyans, ha'ga skoellya war Aron ha war y wiskasow, ha war y vebyon ha war wiskasow y vebyon ganso; hag ev ha'y wiskasow a vydh sans, ha'y vebyon ha gwiskasow y vebyon ganso.

Eksodus 29:28

Y fydh rag Aron ha'y vebyon avel ordenans bys vykken dhiworth mebyon Ysrael, rag yth yw offrynn, hag y fydh offrynn gans mebyon Ysrael dhiworth sakrifisow aga offrynnow kres, offrynn dhe'n Arloedh.

Eksodus 29:29

Gwiskasow sans Aron a vydh rag y vebyon war y lergh, dhe vos untys ynna ha sakrys ynna.

Eksodus 40:13

ha gorra war Aron an gwiskas sans, ha ty a wra y untya ha'y sakra, ma'm serfyo avel oferyas.

Eksodus 40:15

ha'ga untya, dell untsys aga thas, ma'm serfyons avel oferysi: ha'ga untya a vydh dhedha rag oferyaseth vythkwethek dres aga henedhow.

Ysay 10:27

Y'n jydh na y vegh a vydh drehevys a-dhiwar dha skoedh, ha'y yew a-dhiwar dha gonna. Ev res eth yn-bann dhiworth Rimmon,

Levitikus 21:10

Ha neb yw an arghoferyas yn mysk y vreder, may feu dinewys war y benn oyl an untyans, hag yw sakrys dhe wiska an dillas, ny wra ev diskudha y benn na skwardya y dhillas.

Levitikus 23:20

Ha'n oferyas a wra aga gwevya gans bara an kynsa frut rag offrynn gwevys dherag an Arloedh, gans an dhew oen. Sans vydhons dhe'n Arloedh rag an oferyas.

Levitikus 6:16

Hag Aron ha'y vebyon a dheber an remenant avel bara heb goell yn tyller sans. Yn klos tylda an kuntelles y hwrons y dhybri.

Levitikus 6:18

Pub gorreydh yn mysk fleghes Aron a dheber anodho. Ordenans vydh bys vykken der agas henedhow dhiworth offrynnow dre dan dhe'n Arloedh. Piwpynag a's tocchyo a vydh sans.

Levitikus 6:20

Hemm yw an offrynn a offrynn Aron ha'y vebyon dhe'n Arloedh y'n jydh mayth yw untys: unn degves rann a efa a vleus fin avel offrynn greun pub-dydhyek, hanter anodho y'n myttin ha hanter anodho y'n nos.

Levitikus 6:26

An oferyas neb a'n offrynn rag pegh, a'n deber. Y fydh dybrys yn tyller sans, yn klos tylda an kuntelles.

Levitikus 7:14

Hag a'n re na, ev a dhre onan dhiworth oll y offrynnow, offrynn drehevys dhe'n Arloedh; ev a vydh rag an oferyas a skoell goes an offrynnow kres.

Levitikus 7:28

Ha'n Arloedh a gewsis orth Moyses, ow leverel:

Levitikus 7:6

Pub gorreydh yn mysk an oferysi a dheber anodho. Y fydh dybrys yn tyller sans. An moyha sans yw.

Levitikus 8:30

Ha Moyses a gemmeras rann a oyl an untyans hag a'n goes esa war an alter ha'y skoellya war Aron ha war y dhillas, ha war y vebyon ha war dhillas y vebyon ganso; hag ev a sanshas Aron, ha'y dhillas, ha'y vebyon, ha dillas y vebyon ganso.

Niverow 18:9

Hemma a vydh dhis a'n taklow an moyha sans, gwithys a'n tan: pub offrynn anedha – pub offrynn greun anedha, ha pub offrynn pegh anedha ha pub offrynn kammweyth anedha, hag a rons dhymm – a vydh an moyha sans dhis ha dhe'th vebyon.

Niverow 5:9

Pub offrynn, oll an rohow sans a vebyon Ysrael, hag a dhrons dhe'n oferyas, a vydh dhodho.

1 Korinthianys 9:13

A ny wodhowgh hwi an re arvethys y'n tempel dhe gavoes aga boes dhiworth an tempel, ha'n re ow servya orth an alter dhe gevrenna an pyth re beu offrynnys?

Dewteronomi 12:11

Ha dhe'n tyller a wra an Arloedh agas Duw y dhewis rag gul dh'y hanow triga ena, dhodho y trowgh pup-tra a worhemmynnav dhywgh: agas offrynnow leskys, ha'gas sakrifisow, agas degedhow, ha'n offrynnow drehevys a'gas leuv, ha'n gwella a'gas offrynnow ambosel oll a ambosowgh dhe'n Arloedh.

Dewteronomi 12:6

Hwi a dhre di agas offrynnow leskys, ha'gas sakrifisow, ha'gas degedhow, hag offrynnow drehevys a'gas leuv, ha'gas ambosow, ha'gas offrynnow bolonjedhek, ha'n re kynsa-genys a'gas chatel ha'gas flokkys,

Dewteronomi 18:1

Ny vydh dhe'n oferysi leviek, loeth Levi oll, kevrenn nag eretons gans Ysrael. I a dheber an offrynnow dre dan dhe'n Arloedh, yw aga eretons.

Dewteronomi 26:13

Ena ty a lever a-rag an Arloedh dha Dhuw, ‘My re removas an dra sans dhiworth an chi, hag ynwedh my re'n ros dhe'n Levyas ha dhe'n alyon, dhe'n omdhivas ha dhe'n wedhwes herwydh oll dha worhemmynn a worhemmynnsys dhymm. Ny dremenis dres dha worhemmynnow na'ga ankevi.

Ebrowyon 1:9

Ty re garas ewnder ha kasa anlaghedh; yndella Duw, dha Dhuw, re'th untyas gans oyl lowender dres dha geskowetha.’

1 Yowann 2:20

Mes hwi a'gas beus untyans gans an Sans, ha hwi a woer pup-tra.

1 Yowann 2:27

Mes an untyans re gevsowgh ganso a drig ynnowgh ha ny'gas beus edhomm a dhyskans gans denvyth: mes par dell wra an keth untyans ma agas dyski a-dro dhe bup-tra, ha'n untyans yw gwir, ha nyns yw gow, trigewgh ynno, dell re'gas dyskas.