Biblia Todo Logo
Bìoball air-loidhne

- Sanasan -




Niverow 18:7 - An Bibel Kernewek 20234 (Kernewek Kemmyn)

7 Ha ty ha'th vebyon genes a wra attendya agas oferyaseth rag pup-tra ow tochya an alter hag a-ji dhe'n groglenn; ha hwi a wra servya. My a re agas oferyaseth yn ro; ha'n estren a dheu ogas a vydh gorrys dhe'n mernans.

Faic an caibideil Dèan lethbhreac




Niverow 18:7
28 Iomraidhean Croise  

A ji Aron, trest y'n Arloedh; ev yw aga gweres ha'ga skoes.


Ena doro y'th ogas Aron dha vroder, ha'y vebyon ganso, yn-mes a vebyon Ysrael, dhe'm servya avel oferysi – Aron ha mebyon Aron, Nadab hag Abihu, Eleazar hag Ithamar.


ha'ga grogysa gans grogysyow ha kelmi bondow-penn warnedha; ha'n oferyaseth a vydh dhedha der ordenans heb worfenn. Yndellma ty a wra sakra Aron ha'y vebyon.


Mes an oferysi leviek, mebyon Sadok, an re a withas charj a'm sentri pan eth mebyon Ysrael yn sowdhan dhiworthiv, i a dheu nes dhymm dhe'm servya, hag i a sev a-ragov dhe offrynna dhymm blonek ha goes, yn-medh an Arloedh Duw.


I aga honan a vydh owth entra y'm sentri, hag i aga honan a dheu nes dhe'm moes dhe venystra dhymm, hag i a with ow charj.


Ny withsowgh charj a'm taklow sans, mes hwi re settyas erell dhe witha charj a'm sentri.


Hag yn-medh an Arloedh dhe Moyses, Lavar dhe Aron dha vroder na dheffo pub eur oll a-berth y'n tyller sans a-ji dhe'n vayl dherag an dregeredhva usi war an argh, ma na varwo, rag my a vynn omdhiskwedhes y'n gommolenn war an dregeredhva.


Hemm yw rann Aron ha rann y vebyon a'n offrynnow dre dan a'n Arloedh, y'n jydh may fons profys dhe servya an Arloedh avel oferysi.


Pan wra an tabernakel mos yn-rag, an Levysi a wra y dhisevel; ha pan dheu an tylda dhe vos settys yn-bann, an Levysi a wra y sevel. Ha mar teffo estren yn ogas, ev a vydh gorrys dhe'n mernans.


dhe vos kovheans dhe vebyon Ysrael, ma na wrello gour estren, ha nag yw a dhiyskynnysi Aron, dos nes dhe leski ynkys a-rag an Arloedh, ma na dheffo ha bos avel Koragh hag avel y gowethas – dell leveris an Arloedh dhe Eleazar dre leuv Moyses.


Ha'n Arloedh a leveris dhe Aron: Ny' fydh eretons yn aga thir, na ny' fydh rann vyth yntredha; my yw dha rann ha'th eretons yn mysk mebyon Ysrael.


I a wra dha attendya ha gwitha deverow oll an tylda; mes ny wrons dos nes dhe lestri an sentri po dhe'n alter, ma na wrellons i, na hwi, merwel.


Ha ty a wra charjya Aron ha'y vebyon dhe witha aga dever oferyasek; mes mar teffo neb estren yn ogas, ev a vydh gorrys dhe'n mernans.


Ha'n re ow kampya a-rag an tabernakel dhe'n est, a-rag tylda an kuntelles war-tu ha'n howldrehevel, yw Moyses hag Aron ha'y vebyon, neb a with deverow an sentri, pypynag a dal bos gwrys rag mebyon Ysrael; ha mar teffo estren yn ogas, ev a vydh gorrys dhe'n mernans.


Yaghhewgh an glevyon, drehevewgh an re varow, glanhewgh an glavorogyon, tewlewgh yn-mes an dhywolow; heb kost y tegemmersowgh, rewgh heb kost.


Yowann a worthybis ha leverel, ‘Ny yll den degemmeres travyth, marnas henna a vo res dhodho dhiworth an nevow.


Dhymmo vy, yw le ages an lyha a'n syns oll, y feu res an ras ma dhe bregoth dhe'n Jentilys an rychys a Grist yw dres hwithra,


Ny'n jevydh eretons yn mysk y vreder; an Arloedh yw y eretons, kepar dell leveris dhodho.


Ha ny omgemmer denvyth an enor ragdho y honan, marnas ev a veu gelwys gans Duw, par dell veu Aron.


Mes nyns eus rann yn agas mysk dhe'n Levysi, rag oferyaseth an Arloedh yw aga eretons. Gad, Rewben ha hanter-loeth Manasse re dhegemmeras aga eretons dres an Yordan troha'n howldrevel, a ros dhedha Moyses gwas an Arloedh.’


bugelyewgh flokk Duw usi yn agas mysk, ow korweles heb konstryna mes bolonjedhek, war-lergh bodh Duw; heb hwansa gwayn plos, mes yn tiwysyk;


heb lordya war an re a withowgh, mes yn ensamplys dhe'n flokk,


My a'n dewisas mes a oll loethow Ysrael dhe vos ow oferyas, dhe vones yn-bann dhe'm alter, dhe leski ynkys, dhe wiska efod a-dheragov; ha my a ros dhe ji dha das oll an offrynnow gwrys gans tan gans tus Ysrael.


Lean sinn:

Sanasan


Sanasan