Niverow 18:6 - An Bibel Kernewek 20234 (Kernewek Kemmyn)

⁶ Hag otta, my re gemmeras agas breder an Levysi yn-mes a vebyon Ysrael; i yw ro dhis, res dhe'n Arloedh, dhe wul servis tylda an kuntelles.

Niverow 18:6 Iomraidhean Croise

Jenesis 6:17

Hag awotta, yth esov vy ow honan ow tri liv dowrow war an nor dhe dhistrui pub kig hag ynno anall bewnans yn-dann nev. Pup-tra eus war an nor a wra merwel.

Jenesis 9:9

‘Awotta, yth esov ow fastya ow hevambos genowgh ha gans agas has war agas lergh,

Eksodus 14:17

Ha my a galesha kolonn an Ejyptianys mayth ellons war aga lergh, ha my a gyv glori drefenn Faro hag oll y lu, y jarettow, ha'y varghogyon.

Eksodus 31:6

Hag otta, my re'n untyas ganso Oholiab mab Ahisamak, a loeth Dan; ha my re ros sleyghneth dhe bub krefter konnyk may hwrellons pup-tra re erghis dhis:

Ysay 48:15

My, my ow honan re gewsis ha'y elwel, my re'n dros, hag ev a wra seweni yn y fordh.

Ysay 51:12

My, my yw neb a'gas konfort. Ytho piw osta jy may perthydh own a dhen hag a verow, hag a vab-den neb a wedher avel gwels?

Ezekiel 34:11

Rag yndellma y lever an Arloedh Duw: Ottavy, my ow honan, ow hwilas ow deves ha'ga hwithra.

Ezekiel 34:20

Rakhenna yndella y lever dhedha an Arloedh Duw: Ottavy, my ow honan, ow preusi ynter an deves tew ha'n deves tanow.

Niverow 3:12

‘Otta, my re gemmeras an Levysi yn-mes a vebyon Ysrael yn le pub kynsa-genys a iger an brys yn mysk mebyon Ysrael. An Levysi a vydh dhymm,

Niverow 3:13

rag pub kynsa-genys yw dhymm; y'n jydh may ledhis pub kynsa-genys yn pow Ejyp, my a sakras dhymm ow honan pub kynsa-genys yn Ysrael, hag a vab-den hag a vest; i a vydh dhymm: my yw an Arloedh.’

Niverow 3:45

‘Kemmer an Levysi yn le pub kynsa-genys yn mysk mebyon Ysrael, ha chatel an Levysi yn le aga chatel; ha'n Levysi a vydh dhymm: my yw an Arloedh.

Niverow 3:6

Doro loeth Levi yn ogas, ha'ga gorra a-rag Aron an oferyas, may fenystro dhodho.

Niverow 3:9

Ha ty a re an Levysi dhe Aron ha'y vebyon; i yw res oll yn tien dhodho yn sur a-dhiworth mebyon Ysrael.