Niverow 18:2 - An Bibel Kernewek 20234 (Kernewek Kemmyn)

² Ha genes doro dha vreder ynwedh, loeth Levi, loeth dha das, may hallons junya genes, ha menystra dhis pan vydhydh ty, ha'th vebyon genes, a-rag tylda an dustuni.

Niverow 18:2 Iomraidhean Croise

Jenesis 29:34

Ha hi a gonsevyas arta ha dineythi mab ha leverel, ‘Lemmyn an weyth ma y fydh ow gour junys dhymm, rag my dhe dhineythi tri mab dhodho.’ Rag henna, y feu y hanow gelwys Levi.

2 Kroniklys 30:16

I a sevis yn aga thylleryow herwydh lagha Moyses, gour Duw; an oferysi a skoellyas an goes a dhegemmersons dhiworth diwla an Levysi.

Ezekiel 44:11

I a vydh menystrys y'm sentri, gans charj a yetys an tempel, hag ow servya y'm tempel; i a ladh an offrynn leskys ha'n sakrifis rag an bobel, hag i a sev a-ragdha ha'ga servya.

Ezekiel 44:15

Mes an oferysi leviek, mebyon Sadok, an re a withas charj a'm sentri pan eth mebyon Ysrael yn sowdhan dhiworthiv, i a dheu nes dhymm dhe'm servya, hag i a sev a-ragov dhe offrynna dhymm blonek ha goes, yn-medh an Arloedh Duw.

Malaki 2:4

Hwi a wra godhvos y tannvenis dhywgh an gorhemmynn ma, rag may pessyo ow hevambos gans Levi, yn-medh Arloedh an luyow.

Niverow 1:53

mes an Levysi a wra kampya a-dro dhe dylda an dustuni, ma na vo sorr war guntelles mebyon Ysrael; ha'n Levysi a with charj tabernakel an dustuni.’

Niverow 16:40

dhe vos kovheans dhe vebyon Ysrael, ma na wrello gour estren, ha nag yw a dhiyskynnysi Aron, dos nes dhe leski ynkys a-rag an Arloedh, ma na dheffo ha bos avel Koragh hag avel y gowethas – dell leveris an Arloedh dhe Eleazar dre leuv Moyses.

Niverow 17:7

Ha Moyses a worras an gwelynni a-rag an Arloedh yn tylda an dustuni.

Niverow 18:4

I a wra junya genes, hag attendya tylda an kuntelles, rag servis oll an tylda; ha ny wra dos ogas dhywgh estren.

Niverow 3:5

Ha'n Arloedh a leveris dhe Moyses,

Niverow 4:15

Ha pan vydh Aron ha'y vebyon gorfennys ow kudha an sentri hag oll daffar an sentri, dell dhalleth an kamp war an fordh, wosa henna mebyon Kohath a wra dos dhe dhoen an re ma, mes ny goedh dhedha tochya an taklow sans, ma na varwons. An re ma yw taklow tylda an kuntelles a vydh degys gans mebyon Kohath.

Niverow 8:19

Ha my re ros an Levysi yn ro dhe Aron ha'y vebyon yn mysk mebyon Ysrael, dhe wul servis rag mebyon Ysrael yn tylda an kuntelles, ha dhe wul prenedh rag mebyon Ysrael, ma na vo pla yn mysk mebyon Ysrael mar teffons nes dhe'n sentri.

Niverow 8:22

Ha wosa henna an Levysi a entras dhe wul aga servis yn tylda an kuntelles a-rag Aron ha'y vebyon; dell worhemmynnsa an Arloedh dhe Moyses a-dro dhe'n Levysi, yndellma i a wrug dhedha.

Ebrowyon 9:6

An darbarow ma gwrys yndellma, yth a an oferysi pup-prys y'n kynsa tabernakel rag gul aga gwasonieth;