Niverow 18:1 - An Bibel Kernewek 20234 (Kernewek Kemmyn)

¹ Ytho an Arloedh a leveris dhe Aron: Ty ha'th vebyon ha chi dha das genes a wra doen kammweyth an sentri; ha ty ha'th vebyon genes a wra doen kammweyth agas oferyaseth.

Niverow 18:1 Iomraidhean Croise

Eksodus 28:38

War dal Aron y fydh, hag Aron a wra omgemmeres kabel pynag a dheffo a'n offrynn sans sakrys gans mebyon Ysrael avel aga rohow sans; y fydh pup-prys war y dal may fons degemmerys a-rag an Arloedh.

Ysay 53:11

Wosa godhevyans y enev, ev a wel golow, ha kontentys vydh; der y wodhvos ow gwas gwiryon a ewnha lies, hag ev a dheg aga hammweythresow.

Ysay 53:6

Ni oll avel deves re wandras; pubonan ahanan re dreylyas dh'agan fordh agan honan, ha'n Arloedh re worras warnodho an kammweyth ahanan ni oll.

Ezekiel 4:4

Ha ty, growedh war dha denewen kledh, ha gorr anewnder chi Ysrael warnas. Rag niver an dydhyow a wrowedhydh warnodho, ty a berth aga anewnder.

Levitikus 10:17

‘Prag na wrussowgh hwi dybri an offrynn pegh y'n tyller sans? rag yth yw an moyha sans, res dhywgh dhe berthi kammweyth an kuntelles ha gul dehwelyans ragdha dherag an Arloedh.

Levitikus 22:16

na'ga gasa dhe berthi kammweyth kammwrians pan dhebrons aga thaklow sans, rag an Arloedh ov vy, neb a wra aga sanshe.

Levitikus 22:9

Ytho, i a syns ow charj, na borthons pegh warnodho ha merwel dredho drefenn i dh'y dhefola. An Arloedh ov vy, neb a wra aga sanshe.

Niverow 14:34

War-lergh niver an dydhyow mayth aspisowgh an tir, dew-ugens dydh, rag pub dydh unn vlydhen, hwi a dheg agas kammweyth, dew-ugens blydhen, ha hwi a wra aswonn ow displesour.’

Niverow 16:10

Ev a'th tros ogas dhodho hag oll dha vreder, mebyon Levi, genes. A hwilowgh an oferyaseth ynwedh?

Niverow 17:13

Pubonan ow tos nes, neb a dheu nes dhe dabernakel an Arloedh, a verow. A wren ni oll mos dhe goll?’

Niverow 17:3

ha skrif hanow Aron war welenn Levi. Rag y fydh unn welenn rag penn chi pub tas.

Niverow 17:7

Ha Moyses a worras an gwelynni a-rag an Arloedh yn tylda an dustuni.

Niverow 18:11

Hemm yw dhis ynwedh, offrynn drehevys a'ga ro, oll an offrynnow gwevys a vebyon Ysrael; my re's ros dhis, ha dhe'th vebyon ha dhe'th vyrghes genes, avel ordenans bys vykken; pub huni yw glan y'th chi a yll dybri anodho.

Niverow 3:6

Doro loeth Levi yn ogas, ha'ga gorra a-rag Aron an oferyas, may fenystro dhodho.

Dewteronomi 10:8

Y'n termyn na an Arloedh a dhibarthas loeth Levi dhe dhegi argh kevambos an Arloedh, dhe sevel a-rag an Arloedh dh'y servya ha dhe venniga yn y hanow bys y'n jydh hedhyw.

Ebrowyon 13:17

Bedhewgh gostydh dh'agas hembrenkysi hag uvel dhedha; rag ymons i ow kwitha war agas enev, avel tus a goedh ri akont; gesewgh i dhe wul hemma yn lowen, heb kyni yn tristans, rag ny via henna dh'agas les.

Ebrowyon 4:15

Rag ny'gan beus arghoferyas na yll keskodhevel gans agan gwannder, mes onan neb re beu temptys avelon yn pub tremmynn, heb pegha hogen.

1 Peder 2:24

Ev y honan a borthas agan peghosow y'n prenn, may hwryllyn ni, marow dhe beghosow, bewa dhe ewnder. Gans y woliow sawys vewgh hwi.

Breusysi 17:12

Yndella Mika a sakras an Levyas, ha'n gour yowynk eth ha bos y oferyas, hag yth esa trigys yn chi Mika.