Niverow 17:7 - An Bibel Kernewek 20234 (Kernewek Kemmyn)

⁷ Ha Moyses a worras an gwelynni a-rag an Arloedh yn tylda an dustuni.

Niverow 17:7 Iomraidhean Croise

Eksodus 38:21

Homm yw rol taklow an tabernakel, tabernakel an dustuni, dell vons reknys orth gorhemmynn Moyses, rag ober an Levysi yn-dann gevarwoedhyans Ithamar mab Aron an oferyas.

Niverow 1:50

mes sett an Levysi war dabernakel an dustuni, ha war oll y dhaffar, ha war bup-tra eus dhodho; i a dheg an tabernakel hag oll y dhaffar, hag i a'n serv, ha kampya a-dro dhe'n tabernakel.

Niverow 1:53

mes an Levysi a wra kampya a-dro dhe dylda an dustuni, ma na vo sorr war guntelles mebyon Ysrael; ha'n Levysi a with charj tabernakel an dustuni.’

Niverow 14:10

Mes oll an kuntelles a vynnas aga labydha gans meyn. Ena golewder an Arloedh a omdhiskwedhas yn tylda an kuntelles a-rag mebyon Ysrael oll.

Niverow 17:4

Ena ty a's gorr yn tylda an kuntelles a-rag an dustuni, le may fetyav genes.

Niverow 17:6

Moyses a gewsis orth mebyon Ysrael; ha pubonan a'n hembrenkysi a ros gwelenn dhodho, unn welenn rag pub hembrenkyas, war-lergh chi aga thasow: dewdhek gwelenn; hag yth esa gwelenn Aron yn mysk aga gwelynni.

Niverow 18:2

Ha genes doro dha vreder ynwedh, loeth Levi, loeth dha das, may hallons junya genes, ha menystra dhis pan vydhydh ty, ha'th vebyon genes, a-rag tylda an dustuni.

Niverow 9:15

Y'n jydh may feu sevys an tabernakel, an gommolenn a gudhas an tabernakel, tylda an dustuni; ha dhe'n gorthugher yth esa a-ugh an tabernakel kepar ha semlans tan bys y'n myttin.

Oberow 7:44

‘Yth esa dh'agan tasow tylda an dustuni y'n gwylvos dell erghis ev neb a leveris dhe Moyses, may fe gwrys war-lergh an patron re welsa.