Niverow 17:5 - An Bibel Kernewek 20234 (Kernewek Kemmyn)

⁵ Ha gwelenn an gour a dhewisav a wra egina; yndellma my a wra dhe hedhi a-dhiwarnav krodhvolyow mebyon Ysrael may krodhvolons warnas.

Niverow 17:5 Iomraidhean Croise

2 Kroniklys 26:16

Mes pan ova gyllys krev, gyllys goethus o ynwedh, bys dh'y dhiswrians. Ev o dislen dhe'n Arloedh y Dhuw, hag yth entras yn tempel an Arloedh dhe leski ynkys war alter an ynkys.

Ezra 2:62

An re ma a hwilas aga hovadh yn mysk an re esa omrolys y'n aghskrifow, mes nyns ens i kevys: ytho i a veu difennys a entra y'n oferyaseth, rag i dhe vos avlan.

Salmow 105:26

Ev a dhannvonas Moyses y was, hag Aron neb re dhewissa ev.

Eksodus 16:7

hag y'n myttin hwi a welvydh golewder an Arloedh, rag ev dhe glewes agas krodhvolyow war an Arloedh. Rag pyth on ni may krodhvolowgh warnan?’

Ysay 11:1

Egin a dheu yn-mes dhiworth kyf Yesse, ha skorrenn a dyv dhiworth y wreydh.

Ysay 13:11

My a gessydh an norvys rag y dhroktra, ha'n debeles rag aga sherewynsi. My a wra dhe woeth an re orgelus sessya, hag uvelhe balghder turans.

Ysay 27:6

Y'n termyn a dheu, gwreydhya a wra Yakob, Ysrael a egin ha bleujyowa ha lenwel enep an nor a frut.

Ysay 5:24

Rakhenna kepar dell wra tavosow tan dybri an sowl, hag kepar dell wra gwels sygh sedhi y'n flammow, yndellma aga gwreydh a vydh avel poder, ha'ga bleujyow a yn-bann avel doust; drefenn i dhe nagha lagha Arloedh an luyow, ha skonya lavar Sans Ysrael.

Ezekiel 16:41

I a lesk dha jiow gans tan, ha gul breusow er dha bynn a-wel dhe lies benyn. My a worr diwedh dhe'th fornikasyon, hag ynwedh ny redh gober arta.

Ezekiel 23:27

My a re diwedh dhe'th avlander ha'th fornikasyon a-dhia'th termyn yn Ejyp. Ny vydhydh ow trehevel dha dhewlagas dhedha, ha ny berthydh kov a Ejyp na fella.

Hosea 14:5

My a vydh avel an gluth dhe Ysrael; ev a wra bleujyowa avel an lili, ha dannvon y wreydh yn-nans kepar ha kederwydh Lebanon.

Niverow 1:51

Pan wra an tabernakel mos yn-rag, an Levysi a wra y dhisevel; ha pan dheu an tylda dhe vos settys yn-bann, an Levysi a wra y sevel. Ha mar teffo estren yn ogas, ev a vydh gorrys dhe'n mernans.

Niverow 11:1

Pan grodhvolas an bobel yn klewans an Arloedh a-dro dh'aga anfeus, an Arloedh a glewas; y sorr a veu enowys, ha tan an Arloedh a loskas yntredha, ha kowlleski nebes rannow pella a'n kamp.

Niverow 16:11

Ytho yth yw erbynn an Arloedh ty ha'th kowetha oll dhe omguntell war-barth; pyth yw Aron may krodhvolydh warnodho?’

Niverow 16:5

hag ev a leveris dhe Koragh ha'y gowetha oll, ‘Y'n myttin an Arloedh a wra diskwedhes piw yw dhodho, ha piw yw sans, hag a wra dhodho dos nes dhodho; ev neb a dhewis ev a'n gwra dhe dhos nes dhodho.

Niverow 17:10

Ha'n Arloedh a leveris dhe Moyses, ‘Daskorr gwelenn Aron a-rag an dustuni, dhe vos gwithys avel tokyn rag an vebyon a dhiwostytter, may hwrylli diwedh a'ga krodhvolyow warnav, ma na varwons.’

Niverow 17:6

Moyses a gewsis orth mebyon Ysrael; ha pubonan a'n hembrenkysi a ros gwelenn dhodho, unn welenn rag pub hembrenkyas, war-lergh chi aga thasow: dewdhek gwelenn; hag yth esa gwelenn Aron yn mysk aga gwelynni.

Niverow 17:8

Ha'n vorow Moyses eth a-berth yn tylda an dustuni; hag otta, gwelenn Aron rag chi Levi re eginsa ha dyllo eginyow, ha dri bleujennow yn-mes; ha hi a dhug alamandow adhves.

1 Korinthianys 10:10

ha na grodhvolewgh par dell wrug rann anedha, hag y fons ledhys gans an distruer.

Yoshua 4:7

ena hwi a lever dhedha, y feu dowrow an Yordan stoppys a-rag argh kevambos an Arloedh. Pan dreusis an Yordan, stoppys veu dowrow an Yordan. Ytho an meyn ma a vydh kovadh dhe'n Ysraelysi bys vykken.’