Niverow 17:10 - An Bibel Kernewek 20234 (Kernewek Kemmyn)

¹⁰ Ha'n Arloedh a leveris dhe Moyses, ‘Daskorr gwelenn Aron a-rag an dustuni, dhe vos gwithys avel tokyn rag an vebyon a dhiwostytter, may hwrylli diwedh a'ga krodhvolyow warnav, ma na varwons.’

Niverow 17:10 Iomraidhean Croise

Salmow 57:4

Yma ow enev yn mysk lewyon; ha my a wrowedh yn mysk tus ow flammya gans sorr; aga dyns yw guwow ha sethow, ha'ga thaves yw kledha lymm.

Eksodus 16:32

Ha Moyses a leveris, ‘Hemm yw an pyth re worhemmynnis an Arloedh: “Bedhes gwithys omer anodho der agas henedhow, may hwellens an bara ganso may hwrug vy agas maga y'n gwylvos, pan y's dres yn-mes a bow Ejyp.” ’

Eksodus 16:34

Par dell worhemmynnis an Arloedh dhe Moyses, yndellma Aron a'n settyas a-rag an dustuni, dhe vos gwithys.

Ysay 1:2

Klew a nev, ha goslow a norvys; rag an Arloedh re gewsis: My a vagas mebyon ha'ga meythrin, mes i a rebellyas er ow fynn.

Hosea 10:9

A-dhia dhydhyow Gibea y peghsys, a Ysrael; ena y sevsons. A ny wrug bresel drehedhes dhe'n dhrogoberoryon yn Gibea?

Niverow 14:5

Ena Moyses hag Aron a goedhas war aga fas a-rag an gemmynieth oll a guntelles mebyon Ysrael.

Niverow 16:21

Diberthewgh dhiworth an kuntelles ma, ma'n kowlloskav yn unn lamm.

Niverow 16:38

Ynkyslestri an re ma, neb a beghas orth kost aga bewnans, bedhens gwrys yn platyow mortholys avel gorheras an alter, rag i a's offrynnas a-rag an Arloedh; rakhenna sans yns. Yndellma y fydhons tokyn dhe vebyon Ysrael.

Niverow 16:40

dhe vos kovheans dhe vebyon Ysrael, ma na wrello gour estren, ha nag yw a dhiyskynnysi Aron, dos nes dhe leski ynkys a-rag an Arloedh, ma na dheffo ha bos avel Koragh hag avel y gowethas – dell leveris an Arloedh dhe Eleazar dre leuv Moyses.

Niverow 17:11

Moyses a wrug kepar dell worhemmynnsa an Arloedh dhodho; yndella ev a wrug.

Niverow 17:4

Ena ty a's gorr yn tylda an kuntelles a-rag an dustuni, le may fetyav genes.

Niverow 17:9

Ena Moyses a dhros oll an gwelynni a-dhiworth lok an Arloedh dhe vebyon Ysrael oll, ha pub gour a viras ha kemmeres y welenn.

Niverow 20:9

Ytho Moyses a gemmeras an welenn esa a-dherag an Arloedh, dell worhemmynnis dhodho.

Niverow 4:18

‘Na as loeth teyluyow an Kohathysi dhe vos distruys yn mysk an Levysi;

1 Korinthianys 10:10

ha na grodhvolewgh par dell wrug rann anedha, hag y fons ledhys gans an distruer.

Efesianys 5:6

Na wres denvyth agas toella dre lavarow gwag; rag drefenn an taklow ma y teu sorr Duw war vebyon diwostytter.

Dewteronomi 9:24

Hwi re beu ow rebellya erbynn an Arloedh a-dhia'n kynsa dydh ma'gas aswonnis.

Dewteronomi 9:7

Porth kov, na ankov, fatell serrsys an Arloedh dha Dhuw y'n gwylvos. A-dhia'n jydh may teuth yn-mes a bow Ejyp bys may teuthewgh bys y'n tyller ma, hwi re beu ow rebellya erbynn an Arloedh.

Ebrowyon 9:4

a'n jevo ynno an alter owrek a ynkys hag argh an kevambos kudhys pub tenewen gans owr, hag ynni seth owrek a synsi an manna, ha gwelenn Aron hag a eginas, ha leghennow an kevambos;

1 Samuel 2:12

Lemmyn mebyon Eli o mebyon Belial; ny aswonnens an Arloedh.

1 Samuel 30:22

Ena oll an debeles, ha gwer Belial yn mysk an wer neb eth gans Davydh a leveris, ‘Drefenn na wrussons mones genen, ny wren ni ri dhedha travyth a'n preydh daskevys genen, saw pub gour a yll kemmeres y wreg ha'y fleghes hag omdenna.’