Niverow 16:9 - An Bibel Kernewek 20234 (Kernewek Kemmyn)

⁹ Yw hi tra re vyghan ragowgh, Duw Ysrael dh'agas diberth dhiworth kuntelles Ysrael, dh'agas dri ogas dhodho y honan, dhe wul servis yn tabernakel an Arloedh, ha dhe sevel a-rag an kuntelles dhe venystra dhedha?

Niverow 16:9 Iomraidhean Croise

Jenesis 30:15

Yn-medh hi dhedhi, ‘Yw tra vyghan ty dhe gemmeres ow gour, ha ty a vynn kemmeres ynwedh mandragorow ow mab?’ Yn-medh Raghel, ‘Yn attal rag mandragorow dha vab, ev a yll growedha genes haneth.’

2 Samuel 7:19

Hwath tra vyghan o y'th wolok, A Arloedh Duw; ty re gewsis ynwedh a ji dha was rag termyn hir dhe dhos. Yw hemma dha fordh usadow a dhyghtya mab-den, A Arloedh Duw?

2 Kroniklys 35:3

Ev a leveris dhe'n Levysi esa ow tyski oll Ysrael hag o sakrys dhe'n Arloedh, ‘Gorrewgh an argh sans y'n chi a dhrehevis Solomon mab Davydh. Nyns yw res dhywgh y dhoen war agas diwskoedh. Lemmyn servyewgh an Arloedh agas Duw ha'y bobel Ysrael.

Nehemia 12:44

Y'n jydh na, gwer a veu apoyntys dhe gavoes charj a'n roumys rag an proviansow, an offrynnow, an kynsa frut ha'n degedhow, dhe guntell ynna dhiworth an gwelyow a-dro dhe'n trevow an rannow erghys der an lagha rag an oferysi ha'n Levysi; rag Yuda a lowenhas drefenn an oferysi ha'n Levysi esa ow menystra.

Ysay 7:13

Ena yn-medh ev: ‘Goslowewgh, chi Davydh! A'n synsowgh tra vyghan hwi dhe skwitha tus, mes hwi a vynn ynwedh skwitha ow Duw?

Ezekiel 34:18

A nyns yw lowr ragowgh, hwi dhe dhybri an beurva dha, mes hwi a drett yn-dann agas treys remenant agas peurva ynwedh? ha hwi dhe eva dowr kler, ha gul an remenant leysek gans agas treys?

Ezekiel 44:16

I aga honan a vydh owth entra y'm sentri, hag i aga honan a dheu nes dhe'm moes dhe venystra dhymm, hag i a with ow charj.

Niverow 1:53

mes an Levysi a wra kampya a-dro dhe dylda an dustuni, ma na vo sorr war guntelles mebyon Ysrael; ha'n Levysi a with charj tabernakel an dustuni.’

Niverow 16:13

Yw hi tra vyghan ty dh'agan dri yn-bann yn-mes a dir a dhinwa leth ha mel, dh'agan ladha y'n gwylvos, mayth yw res dhis ynwedh omwul bos penntern a-ughon?

Niverow 16:8

Ha Moyses a leveris dhe Koragh, ‘Klewewgh lemmyn, hwi vebyon Levi:

Niverow 3:6

Doro loeth Levi yn ogas, ha'ga gorra a-rag Aron an oferyas, may fenystro dhodho.

Niverow 3:9

Ha ty a re an Levysi dhe Aron ha'y vebyon; i yw res oll yn tien dhodho yn sur a-dhiworth mebyon Ysrael.

Oberow 13:2

Hag i ow kordhya an Arloedh hag ow penys, an Spyrys Sans a leveris, ‘Diberthewgh ragov Barnabas ha Sowl rag an gonis ma's gelwis vy.’

1 Korinthianys 4:3

Byttegyns ny'm deur mann ow bos breusys genowgh hwi po gans breuslys vytholl a vab-den; ha my ynwedh, ny ombreusav,

Dewteronomi 10:8

Y'n termyn na an Arloedh a dhibarthas loeth Levi dhe dhegi argh kevambos an Arloedh, dhe sevel a-rag an Arloedh dh'y servya ha dhe venniga yn y hanow bys y'n jydh hedhyw.

1 Samuel 18:23

Ytho gwesyon Sowl a dherivas an geryow dhe Davydh yn privedh. Ha Davydh a leveris, ‘A hevel dhywgh tra vyghan dhe vos deuv an myghtern, a-ban ov gour boghosek ha heb ger-da?’