Niverow 15:3 - An Bibel Kernewek 20234 (Kernewek Kemmyn)

³ hag offrynna offrynn dre dan dhe'n Arloedh, offrynn leskys, po sakrifis dhe gollenwel ambos, po avel offrynn bolonjedhek a'n chatel po a'n flokk po orth agas goelyow apoyntys, rag gul sawer plegadow dhe'n Arloedh,

Niverow 15:3 Iomraidhean Croise

Jenesis 8:21

Ha'n Arloedh a vlasas an sawer plegadow, ha'n Arloedh a leveris yn y golonn, ‘Ny wrav vy mollethi an dor namoy drefenn mab-den; rag drog yw bodh kolonn mab-den a-dhia y yowynkneth. Ny wrav namoy gweskel pub tra vew, dell wrug vy.

Ezra 7:17

Gans an arghans ytho ty a vydh diwysyk ow prena lodhnow, hordhes, hag eyn, gans aga offrynnow greun hag offrynnow diwes, ha ty a's offrynn war alter chi agas Duw usi yn Yerusalem.

Salmow 54:6

My a wra sakrifis dhis gans offrynn bolonjedhek; my a wormel dha hanow, rag y vos mar dha.

Eksodus 29:18

ha leski an hordh dien war an alter; yth yw offrynn leskys dhe'n Arloedh; yth yw sawer plegadow, offrynn dre dan dhe'n Arloedh.

Eksodus 29:25

Ena ty a wra aga hemmeres dhiworth aga leuv, ha'ga leski war an alter war an offrynn leskys, avel sawer plegadow a-rag an Arloedh; yth yw offrynn dre dan dhe'n Arloedh.

Eksodus 29:41

Ha'n eyl oen ty a offrynn y'n gorthugher, hag offrynna ganso offrynn greun hag offrynn sans, avel myttinweyth, avel sawer plegadow, offrynn dre dan dhe'n Arloedh.

Levitikus 10:13

Ha hwi a'n deber yn tyller sans rag yth yw dha rann ha rann dha vebyon a'n sakrifisow dre dan dhe'n Arloedh, rag yndella erghys yw dhymmo.

Levitikus 27:2

Kows orth mebyon Ysrael, ha leverel dhedha: Gour mar kollenow ambos arbennik dhe ri tus dhe'n Arloedh, an dalvosogeth a vydh reknys yndella genes:

Levitikus 7:16

Mes mars yw sakrifis y offrynn der ambos po offrynn bolonjedhek, y fydh dybrys an keth jydh mayth offrynn y sakrifis, ha'n jydh a'y wosa y fydh dybrys an remenant anodho.

Niverow 28:27

mes offrynnewgh offrynn leskys, sawer plegadow dhe'n Arloedh; dew darow yowynk, unn hordh, seyth oen unn bloedh;

Niverow 29:8

Hwi a wra offrynna offrynn leskys dhe'n Arloedh, sawer plegadow: unn tarow yowynk, unn hordh, seyth oen unn bloedh; i a vydh dhywgh heb namm;

Niverow 6:15

ha kanstell a vara heb goell, tesennow rond a vleus fin kemmyskys gans oyl, ha tesennow tanow heb goell urys gans oyl, ha'ga offrynn greun ha'ga offrynnow diwes.

Matthew 3:17

hag awotta lev yn-mes a'n nevow ow leverel, ‘Hemm yw ow Mab karadow, mayth usi ynno ow delit.’

2 Korinthianys 2:15

drefenn agan bos odour hweg Krist dhe Dhuw yn mysk an re ow pos selwys hag yn mysk an re usi ow mos dhe goll,

2 Korinthianys 2:16

dhe'n re ma odour a vernans dhe'n mernans, ha dhe'n re na odour a vewnans dhe vewnans. Piw yw da lowr rag an traow ma?

Efesianys 5:2

ha kerdhewgh yn kerensa, kepar dell wrug Krist agas kara hag omri y honan ragon ni yn offrynn ha sakrifis dhe Dhuw, sawer plegadow.

Dewteronomi 12:11

Ha dhe'n tyller a wra an Arloedh agas Duw y dhewis rag gul dh'y hanow triga ena, dhodho y trowgh pup-tra a worhemmynnav dhywgh: agas offrynnow leskys, ha'gas sakrifisow, agas degedhow, ha'n offrynnow drehevys a'gas leuv, ha'n gwella a'gas offrynnow ambosel oll a ambosowgh dhe'n Arloedh.

Dewteronomi 12:17

Ny yllydh dybri a-berth y'th yetys dega a'th ys na'th win, na'th oyl, na'n kynsa-genys a'th chatel ha'th flokk, na pynagoll a'th ambosow a ambossi na'th offrynnow bolonjedhek nag offrynn drehevys a'th leuv.

Dewteronomi 12:6

Hwi a dhre di agas offrynnow leskys, ha'gas sakrifisow, ha'gas degedhow, hag offrynnow drehevys a'gas leuv, ha'gas ambosow, ha'gas offrynnow bolonjedhek, ha'n re kynsa-genys a'gas chatel ha'gas flokkys,

Filippianys 4:18

Pup-tra a'm beus hag y palshav; lenwys ov vy ow tegemmeres taklow dhiworthowgh der Epafroditus, sawer plegadow, sakrifis kemmeradow ha plegadow dhe Dhuw.