Niverow 14:9 - An Bibel Kernewek 20234 (Kernewek Kemmyn)

⁹ Mes, na sevewgh erbynn an Arloedh; ha na berthewgh own a bobel an tir, rag bara yns i ragon; aga skoes yw kemmerys a-dhiworta, hag yma an Arloedh genen; na berthewgh own anedha.’

Niverow 14:9 Iomraidhean Croise

Jenesis 48:21

Hag yn-medh Ysrael dhe Yosep, ‘Otta, yth esov ow merwel, mes y fydh Duw genowgh ha'gas dri arta dhe bow agas tasow.

2 Kroniklys 13:12

Yma Duw genen orth agan penn, ha'y oferysi a's teves aga hirgern rag seni an galow dhe'n vatel er agas pynn. A vebyon Ysrael, na vatelewgh orth an Arloedh, Duw agas tasow, rag ny yllowgh seweni.’

2 Kroniklys 15:2

Ev eth yn-mes rag metya gans Asa, hag a leveris dhodho, ‘Goslow orthiv, Asa hag oll Yuda ha Benyamin. Yma an Arloedh genowgh, ha hwi ganso. Mara's hwilowgh, ev a vydh kevys genowgh, mes mara's gesowgh, ev a'gas gas.

2 Kroniklys 20:17

Nyns yw an vatel ragowgh hwi dhe omladh; kemmerewgh agas le, sevewgh fyrv ha gwelewgh trygh an Arloedh a'gas govis, A Yuda ha Yerusalem.” Na vedhewgh ownek na digolonnek; a-vorow kewgh dh'aga dyerbynna, ha'n Arloedh a vydh genowgh.’

2 Kroniklys 32:8

Yma ganso bregh a gig; mes yma genen ni an Arloedh agan Duw rag agan gweres ha dhe vatalyas agan batelyow.’ An bobel o kolonnekhes gans geryow Hezekia myghtern Yuda.

Nehemia 4:14

Ha my a viras ha sevel ha leverel dhe'n ugheloryon, ha dhe'n soedhogyon ha dhe remenant an bobel, ‘Na berthewgh own anedha. Perthewgh kov a'n Arloedh yw meur hag euthyk, hag omledhewgh rag agas breder, agas mebyon, agas myrghes, agas gwragedh ha'gas chiow.’

Salmow 106:24

Ena i a skornyas an tir teg, ha ny gryssons dh'y er ev;

Salmow 121:5

An Arloedh yw dha withyas; an Arloedh yw dha skeus orth dha leuv dhyghow.

Salmow 14:4

A ny gonvedh an dhrogoberoryon oll, hag i ow tybri ow fobel kepar dell dhebrons bara? Ny alwsons war Dhuw.

Salmow 46:11

Yma Arloedh an luyow genen ni; Duw Yakob yw agan skovva. Sela.

Salmow 46:7

Yma Arloedh an luyow genen ni; Duw Yakob yw agan skovva. Sela.

Salmow 46:8

Dewgh, mirewgh orth obereth an Arloedh; pana derroes re wrug ev war an nor.

Salmow 74:14

Ty a derris pennow Lawethan dhe demmyn; ha'y ri avel boes dhe'n bobel trigys y'n difeyth.

Salmow 91:1

Seul a drig yn skovva an Ughella a bowes yn-dann woskes an Ollgalloesek.

Eksodus 14:13

Ha Moyses a leveris dhe'n bobel, ‘Na berthewgh own, sevewgh fyrv ha gweles selwyans an Arloedh a wra oberi ragowgh hedhyw; rag an Ejyptianys a welowgh hedhyw, ny wrewgh aga gweles nevra arta.

Eksodus 33:16

Rag fatell vydh godhvedhys y kevis gras y'th wolok, my ha'th pobel? A nyns yw ty ow kerdhes genen, may fen diblans, my ha'th pobel, a oll an poblow usi war enep an nor?’

Ysay 1:2

Klew a nev, ha goslow a norvys; rag an Arloedh re gewsis: My a vagas mebyon ha'ga meythrin, mes i a rebellyas er ow fynn.

Ysay 32:2

Pubonan a vydh avel kudhva rag an gwyns, ha skovva rag an annawel, avel goverow dowr yn tir sygh, avel an skeus a garrek bras yn tir skwith.

Ysay 41:10

na borth own, rag yth esov genes, na vydh digolonnek, rag my yw dha Dhuw; my a wra dha nertha, my a wra dha weres, my a'th syns gans dorn dhyghow ow selwyans.

Ysay 41:14

Na borth own, ty bryv, Yakob, ty gontronenn Ysrael! My a wra dha weres, yn-medh an Arloedh, dha Dhasprenyas, an Sans a Ysrael.

Ysay 63:10

Mes i a rebellyas ha grevya y Spyrys sans; rakhenna ev a dreylyas dhe vos eskar dhedha, hag ev y honan a vatalyas orta.

Yeremia 1:19

1 Hag i a wra omladh er dha bynn; mes ny wrons fetha; rag my a vydh genes, yn-medh an Arloedh, dhe'th telivra.

Yeremia 42:11

Na berthewgh own a vyghtern Babylon, may perthowgh own anodho; na berthewgh own anodho, yn-medh an Arloedh, rag my a vydh genowgh, dh'agas sawya ha'gas livra a'y leuv.

Yeremia 48:45

Yn skeus Heshbon fowesigyon a hedhis, heb nerth; rag tan a dheuth yn-mes a Heshbon, flamm yn-mes a ji Sihon; ev a dhistruis tal Moab, ha kurun penn mebyon an tervans.

Daniel 9:5

ni re beghas ha gul drog, ha gul kammweythres, ha rebellya, ow treylya dhiworth dha worhemmynnow ha'th vreusow.

Daniel 9:9

Dhe'n Arloedh agan Duw yma truedh ha gevyans; rag ni re rebellyas er y bynn,

Niverow 13:30

Mes Kaleb a goselhas an bobel a-rag Moyses, ha leverel, ‘Gwren mos yn-bann distowgh, ha'y gevannedhi; rag pur abel on dh'y fetha.’

Niverow 17:6

Moyses a gewsis orth mebyon Ysrael; ha pubonan a'n hembrenkysi a ros gwelenn dhodho, unn welenn rag pub hembrenkyas, war-lergh chi aga thasow: dewdhek gwelenn; hag yth esa gwelenn Aron yn mysk aga gwelynni.

Niverow 20:2

Lemmyn nyns esa dowr rag an kuntelles; hag i a omguntellas war-barth erbynn Moyses hag erbynn Aron.

Niverow 24:8

Duw a'n dre yn-mes a Ejyp; ev a'n jeves dell hevel kern an ojyon gwyls, ev a wra dybri kenedhlow y eskerens, ha terri aga eskern, ha'ga gwana gans y sethow.

Matthew 1:23

‘Awotta, an wyrghes a wra omdhoen ha dineythi mab hag i a'n henow Emmanuel’, yw dhe styrya, Genen ni Duw.

Romanyon 8:31

Pandr'a leveryn dhe'n taklow ma ytho? Mars usi Duw a-barth dhyn, piw eus er agan pynn?

Dewteronomi 1:21

Mir, an Arloedh dha Dhuw re settyas a-ragos an tir. Yskynn, ha'y gemmeres yn perghennogeth, kepar dell gewsis dhis an Arloedh Duw dha dasow. Na borth own, ha na vydh digolonnek.’

Dewteronomi 1:26

Mes ny vynnewgh yskynna hag yth ewgh hwi gorth dhe worhemmynn an Arloedh agas Duw,

Dewteronomi 1:29

Ha my a leveris dhywgh, ‘Na berthewgh euth nag own anedha.

Dewteronomi 31:6

Bedhewgh krev, ha bedhewgh kolonnek, na berthewgh own nag euth a-ragdha, drefenn an Arloedh dha Dhuw, ev yth yw neb a gerdh genes; ny wra dha asa na'th forsakya.’

Dewteronomi 31:8

An Arloedh dha Dhuw yth yw neb a gerdh a-ragos; ev a vydh genes, ny wra dha asa na'th forsakya; na borth own, ha na borth euth.’

Dewteronomi 32:42

My a wra dhe'm sethow bos medhow gans goes, ha'm kledha a dheber kig – gans goes an re ledhys ha'n gethyon, dhiworth pennow ledyoryon an eskar.

Dewteronomi 7:18

na borth own anedha, mes porth kov a'n pyth a wrug an Arloedh dha Dhuw dhe Faro ha dhe oll Ejyp,

Dewteronomi 7:21

Na borth euth anedha, drefenn an Arloedh dha Dhuw yn agas mysk bos Duw bras hag euthyk.

Dewteronomi 9:7

Porth kov, na ankov, fatell serrsys an Arloedh dha Dhuw y'n gwylvos. A-dhia'n jydh may teuth yn-mes a bow Ejyp bys may teuthewgh bys y'n tyller ma, hwi re beu ow rebellya erbynn an Arloedh.

Filippianys 1:27

Saw bedhes agas bewedh gwiw dhe'n aweyl a Grist, mar tov dh'agas gweles po gortos a-ves, may klewviv ahanowgh, hwi dhe sevel yn unn spyrys gans unn enev, ow strivya war-barth rag fydh an aweyl,

Yoshua 1:5

Ny sev gour vyth er dha bynn oll dydhyow dha vewnans. Kepar dell en vy gans Moyses, my a vydh genes jy; ny wrav dha eskasa na'th forsakya.

Yoshua 14:12

Ytho ro dhymm an vro venydhyek ma, a gewsis anodho an Arloedh y'n jydh na. Ty dha honan a glewas y'n jydh na bos an Anakim ena, ha bos an sitys bras ha kerys; martesen an Arloedh a vydh genev, ha my a's fes, dell leveris an Arloedh.’

Breusysi 1:22

Chi Yosep ynwedh eth yn-bann erbynn Bethel, hag yth esa an Arloedh gansa.