Niverow 14:2 - An Bibel Kernewek 20234 (Kernewek Kemmyn)

² Ha mebyon Ysrael oll a grodhvolas war Moyses hag Aron; oll an kuntelles a leveris dhedha, ‘A marwen yn pow Ejyp! Po a marwen y'n gwylvos ma!

Niverow 14:2 Iomraidhean Croise

1 Myghternedh 19:4

Mes ev y honan eth y'n gwylvos, vyaj unn jydh, ha dos hag esedha yn-dann brenn banadhel. Ev a bysis may farwa: ‘Lowr yw; lemmyn, A Arloedh, kemmer ow bewnans, rag nyns ov gwell ages ow thasow.’

Job 3:11

‘Prag na verwis y'n dorr, dos yn-rag dhiworth an dorr ha tremena?

Salmow 106:24

Ena i a skornyas an tir teg, ha ny gryssons dh'y er ev;

Salmow 106:25

mes i a grodhvolas yn aga thyldow; ny woslowsons orth lev an Arloedh.

Salmow 106:45

Hag ev a borthas kov a'y gevambos a'ga govis i, hag edrek a'n jeva herwydh y dregeredh meur;

Eksodus 14:11

hag i a leveris dhe Moyses, ‘Drefenn nag eus bedhow yn Ejyp yth yw, ty dh'agan gorra dhe verwel y'n gwylvos? Pandr'a wrussys dhyn, orth agan dri yn-mes a Ejyp?

Eksodus 15:24

Ha'n bobel a grodhvolas war Moyses, ow leverel, ‘Pandr'a evyn?’

Eksodus 17:3

Mes an bobel a's tevo syghes ena rag dowr, ha'n bobel a grodhvolas war Moyses, ow leverel, ‘Prag y'gan hembrenksys yn-mes a Ejyp, dh'agan ladha ha'gan fleghes ha'gan gwarthek dre syghes?’

Yona 4:3

Ytho lemmyn, A Arloedh, kemmer ow bewnans dhiworthiv, my a'th pys, rag gwell dhymm yw mernans es bewnans.’

Yona 4:8

Ha pan dhrehevis an howl, Duw a dhannvonas gwyns toemm dhiworth an howldrevel, ha'n howl a weskis war benn Yona, may klamderas. Hag ev a bysis may farwa, ow leverel, ‘Gwell dhymm yw merwel es bewa.’

Niverow 11:1

Pan grodhvolas an bobel yn klewans an Arloedh a-dro dh'aga anfeus, an Arloedh a glewas; y sorr a veu enowys, ha tan an Arloedh a loskas yntredha, ha kowlleski nebes rannow pella a'n kamp.

Niverow 11:15

Mar mynnydh dyghtya genev yndellma, ladh vy distowgh, mar kevis gras y'th wolok, ma na welliv ow anfeus.’

Niverow 11:5

Yma kov dhyn a'n puskes a dhybryn yn Ejyp heb kost, an kukumbrow, an melonyow, an por, an onyon, ha'n kennin;

Niverow 14:1

Ena oll an kuntelles a dhrehevis kri ughel; ha'n bobel a oelas an nos na.

Niverow 14:22

nagonan re welas ow golewder ha'm toknys hag a wrug vy yn Ejyp hag y'n gwylvos, ha hwath a'm gorras dhe'n prov an deg treveth ma ha ny glewas ow lev,

Niverow 16:13

Yw hi tra vyghan ty dh'agan dri yn-bann yn-mes a dir a dhinwa leth ha mel, dh'agan ladha y'n gwylvos, mayth yw res dhis ynwedh omwul bos penntern a-ughon?

Niverow 16:41

Mes dhe'n vorow oll an kuntelles a vebyon Ysrael a grodhvolas war Moyses ha war Aron, ow leverel, ‘Hwi re ladhas pobel an Arloedh.’

Niverow 17:6

Moyses a gewsis orth mebyon Ysrael; ha pubonan a'n hembrenkysi a ros gwelenn dhodho, unn welenn rag pub hembrenkyas, war-lergh chi aga thasow: dewdhek gwelenn; hag yth esa gwelenn Aron yn mysk aga gwelynni.

Niverow 20:2

Lemmyn nyns esa dowr rag an kuntelles; hag i a omguntellas war-barth erbynn Moyses hag erbynn Aron.

Niverow 20:3

Ha'n bobel a genkias gans Moyses ow leverel, ‘A marwen pan verwis agan breder a-rag an Arloedh!

Niverow 20:4

Prag y tresys kemmynieth an Arloedh a-berth y'n gwylvos ma, may ferwyn omma, ha ni ha'gan chatel?

Niverow 21:5

Ha'n bobel a gewsis erbynn Duw hag erbynn Moyses, ‘Prag y'gan dresys yn-mes a Ejyp dhe verwel y'n gwylvos? Rag nyns eus boes na dowr, ha kas yw genen an boes diles ma.’

1 Korinthianys 10:10

ha na grodhvolewgh par dell wrug rann anedha, hag y fons ledhys gans an distruer.

Dewteronomi 1:27

ha hwi a grodhvolas yn agas tyldow ha leverel, ‘Drefenn an Arloedh dh'agan kasa, ev re'gan dros yn-mes a bow Ejyp dh'agan ri yn leuv an Amorysi, dh'agan diswul.

Dewteronomi 9:23

Ha pan y'gas dannvonas an Arloedh dhiworth Kadesh-barnea, ow leverel, ‘Yskynnewgh hag eritewgh an tir a res dhywgh’, hwi a rebellyas erbynn gorhemmynn an Arloedh agas Duw, ha ny gryssowgh dhodho na goslowes orth y lev.

Ebrowyon 3:16

Piw ens a glewsons mes heb rebellya na hwath? A nyns ens oll an re a asas Ejyp yn-dann Moyses?

Lyther Yud 1:16

An re ma yw grolyogyon grodhek, omres dh'aga flesours aga honan, ha'ga ganow yw leun a vostyans, ow favera tus rag gwayn.