Niverow 13:22 - An Bibel Kernewek 20234 (Kernewek Kemmyn)

²² I a yskynnas dhe'n Negeb, ha dos dhe Hebron; hag yth esa ena Ahiman, Sheshay, ha Talmay, diyskynnysi Anak. (Hebron a veu drehevys seyth blydhen kyns es Soan yn Ejyp.)

Niverow 13:22 Iomraidhean Croise

Jenesis 13:18

Ena Abram a gavas gwiryow peuri ha dos ha triga ryb derow Mamre usi yn Hebron ha drehevel alter dhe'n Arloedh y'n tyller na.

Jenesis 23:2

Ha Sara a verwis yn Kiryath-arba, yw Hebron yn pow Kanan, hag Abraham a dheuth dhe gyni rag Sara hag oela rygdhi.

2 Samuel 2:1

Wosa hemma Davydh a wovynnas orth an Arloedh, ‘A wrav vy mos yn-bann a-ji dhe onan a sitys Yuda?’ Ha'n Arloedh a leveris dhodho, ‘Ke yn-bann.’ Davydh a wovynnas, ‘Ple'th av yn-bann?’ Hag yn-medh ev, ‘Dhe Hebron.’

2 Samuel 2:11

An termyn mayth esa Davydh myghtern yn Hebron war ji Yuda o seyth blydhen ha hwegh mis.

2 Samuel 21:16

Hag Yshbi-benob, onan a vebyon an gewri, may feu poes y wuw trihans shekel a vrons, hag ev grogysys gans kledha nowydh, a brederis ev dhe ladha Davydh.

Salmow 78:12

Taklow marthys a wrug ev yn golok agan tasow yn pow Ejyp, yn gwel Soan.

Salmow 78:43

Fatell wrussa ev y doknys yn Ejyp, ha'y varthusyon yn gwel Soan.

Ysay 19:11

Yn hwir, fellyon yw pennsevigyon Soan; kusulyoryon fur Faro a re kusul gokki. Fatell leverowgh dhe Faro, ‘Mab tus fur ov vy, mab myghternedh goth’?

Ysay 19:13

Pennsevigyon Soan a dheuth ha bos fellyon, pennsevigyon Nof yw toellys; pennmeyn hy loethow re ledyas Ejyp yn stray.

Ysay 30:4

Kyn fo y bennsevigyon yn Soan, ha'y gannasow devedhys bys yn Hanes,

Niverow 13:17

Moyses a's dannvonas dhe aspia pow Kanan, ha leverel dhedha, ‘Kewgh yn-hons y'n Negeb, hag yskynna y'n vro venydhyek,

Niverow 13:28

Mes an bobel trigys y'n tir yw krev, ha'n sitys yw kerys ha pur vras; ha dres henna, ni a welas diyskynnysi Anak ena.

Niverow 13:33

Hag ena ni a welas an Nefilim (mebyon Anak a dheuth dhiworth an Nefilim), hag yth en ni yn agan dewlagas agan honan kepar ha kulyeges-reden, hag yndellma o agan semlans dhedha i.’

Dewteronomi 9:2

pobel vras ha hir, mebyon an Anakim a aswonnydh, ha ty re'n klewas bos leverys, ‘Piw a yll sevel a-rag mebyon Anak?’

Yoshua 10:36

Ena Yoshua eth yn-bann hag oll Ysrael ganso dhiworth Eglon dhe Hebron; hag i a omladhas er hy fynn,

Yoshua 21:13

Dhe vebyon Aron an oferyas i a ros Hebron, sita meneghi rag an ladher, gans hy feurva, ha Libna gans hy feurva,

Breusysi 1:10

Yuda eth erbynn an Kananysi trigys yn Hebron (hanow Hebron o Kiryath-arba seuladhydh); hag i a weskis Sheshay, Ahiman ha Talmay.

1 Samuel 30:31

ha dhe'n re esa yn Hebron, henn yw dhe oll an tylleryow mayth esa Davydh y honan ha'y wer ow kwandra.