Niverow 13:2 - An Bibel Kernewek 20234 (Kernewek Kemmyn)

² ‘Dannvon gwer dhe aspia pow Kanan, hag a rov dhe vebyon Ysrael; a bub loeth a'ga thasow ty a dhannvon gour, pubonan hembrenkyas yntredha.’

Niverow 13:2 Iomraidhean Croise

Eksodus 18:25

Moyses a dhewisas gwer abel yn-mes a oll Ysrael, ha gul dhedha bos pennow war an bobel, rewloryon a vilyow, a gansow, a hanter-kansow hag a dhegow.

Niverow 1:4

Hag y fydh genowgh gour a bub loeth, pubonan ow pos penn y deylu.

Niverow 11:16

Ha'n Arloedh a leveris dhe Moyses, ‘Kuntell dhymm deg gour ha tri-ugens a henavogyon Ysrael, hag a wodhes bos henavogyon an bobel ha soedhogyon a-ughta; ha doro i dhe dylda an kuntelles, ha'ga gasa dhe sevel ena genes.

Niverow 13:16

An re ma o henwyn an wer a dhannvonas Moyses dhe aspia an tir. Ha Moyses a ros dhe Hoshea mab Nun an hanow Yoshua.

Niverow 13:3

Ytho Moyses a's dannvonas a-dhiworth gwylvos Paran, war-lergh gorhemmynna an Arloedh, i oll gwer neb o pennow mebyon Ysrael.

Niverow 32:8

Yndella y hwrug agas tasow, pan y's dannvenis a Kadesh-barnea dhe weles an tir.

Niverow 34:18

Ty a wra kemmeres unn hembrenkyas a bub loeth, dhe ranna an tir rag eretons.

Dewteronomi 1:15

My a gemmeras pennow agas loethow, gwer fur hag aswonnys, ha'ga settya avel pennow warnowgh, kaptenyon a vilyow, kaptenyon a gansow, kaptenyon a hanter-kansow, kaptenyon a dhegow, ha soedhogyon rag agas loethow.

Dewteronomi 9:23

Ha pan y'gas dannvonas an Arloedh dhiworth Kadesh-barnea, ow leverel, ‘Yskynnewgh hag eritewgh an tir a res dhywgh’, hwi a rebellyas erbynn gorhemmynn an Arloedh agas Duw, ha ny gryssowgh dhodho na goslowes orth y lev.

Yoshua 3:12

Lemmyn kemmerewgh dewdhek gour dhiworth loethow Ysrael, unn gour dhiworth pub loeth.