Niverow 12:6 - An Bibel Kernewek 20234 (Kernewek Kemmyn)

⁶ Hag ev a leveris, ‘Klewewgh ow geryow: Mars eus profoes yntredhowgh, my an Arloedh a vydh aswonnys dhodho yn gwelesigeth, my a gews orto yn hunros.

Niverow 12:6 Iomraidhean Croise

Jenesis 15:1

Wosa an taklow ma, ger an Arloedh a dheuth dhe Abram yn gwelesigeth, ow leverel, ‘Na borth own, Abram, my yw dha skoes, dha wober pur vras.’

Jenesis 20:7

Lemmyn ytho, daskorr y wreg dhe'n gour, rag profoes yw ev, hag ev a bys ragos, ha ty a vew. Mes mar ny wredh hy daskorr, gwra godhvos ty dhe verwel yn sur, ty ha myns eus dhis.’

Jenesis 28:12

Hag ev a hunrosas hag otta, skeul a veu drehevys war an nor ha'y fenn ow tochya an nevow, hag yth esa eledh Duw owth yskynna ha diyskynna warnedhi.

Jenesis 28:16

Ena Yakob a dhifunas a'y gosk ha leverel, ‘Yn sur, yma an Arloedh y'n tyller ma, ha ny'n godhyen vy.’

Jenesis 37:5

Lemmyn Yosep a hunrosas hunros ha'y dherivas dh'y vreder; hag i a'n kasas hwath moy.

Jenesis 37:9

Hag ev a hunrosas hunros arall ha'y dherivas dh'y vreder, ha leverel, ‘Otta, my re hunrosas hunros arta, hag otta, an howl ha'n loer hag unnek ster a omblegyas dhymm.’

Jenesis 46:2

Ha Duw a gewsis orth Ysrael dre welesigethow y'n nos ha leverel, ‘Yakob, Yakob.’ Hag yn-medh ev, ‘Ottavy.’

2 Samuel 7:4

Mes y'n keth nos na, ger an Arloedh a dheuth dhe Nathan, ow leverel,

1 Myghternedh 3:15

Ena Solomon a dhifunas; hunros o. Ev a dheuth dhe Yerusalem le may sevis a-rag argh kevambos an Arloedh. Ev a offrynnas offrynnow leskys hag offrynnow kres, ha provia gwledh rag oll y wesyon.

1 Myghternedh 3:5

Yn Gibeon an Arloedh a omdhiskwedhas dhe Solomon yn hunros yn nos: ha Duw a leveris, ‘Govynn orthiv an pyth a vynnydh my dhe ri dhis.’

Job 33:15

Yn hunros, yn gwelesigeth a'n nos, pan goedh kosk down war dus, hag i ow koska yn aga gweli,

Job 4:13

Yn mysk prederow anes dhiworth gwelesigethow an nos, pan goedh kosk down war dus,

Salmow 105:15

‘Na dochyewgh an re untys genev, ha na bystigewgh ow frofoesi.’

Salmow 89:19

Yn termyn passys y kewssys orth dha syns yn gwelesigeth, ha leverel: ‘My re worras gweres war onan galloesek; my re dhrehevis onan dewisys yn-mes a'n bobel.

Eksodus 7:1

Ha'n Arloedh a leveris dhe Moyses, ‘Mir, my a'th wrug avel Duw dhe Faro, hag Aron dha vroder a vydh dha brofoes.

Yeremia 23:25

My re glewas an pyth a lever an brofoesi usi ow profoesa gowyow y'm hanow, ow leverel, ‘My re hunrosas, my re hunrosas!’

Yeremia 23:28

An profoes neb a'n jeves hunros, gas dhodho derivas an hunros, ha neb a'n jeves ow ger, gas ev dhe gewsel ow ger yn lel. Pyth yw an kulyn dhe'n gwaneth? yn-medh an Arloedh.

Ezekiel 1:1

Y'n trydhegves blydhen, y'n peswora mis, yn pympes dydh an mis, pan esen yn mysk an dhivresow ryb an avon Kebar, an nevow a veu igerys, ha my a welas gwelesigethow Duw.

Daniel 10:8

Ytho y feuv gesys ow honan, ow kweles fisment a veu treylys warnav dhe dhiswrians, ha ny'm bo nerth namoy.

Daniel 2:19

Ena y feu displetys an kevrin dhe Daniel dre welesigeth yn nos. Ena Daniel a vennigas Duw nev.

Daniel 7:1

Y'n kynsa blydhen a Belshassar myghtern Babylon, Daniel a welas Daniel hunros ha gwelesigethow yn y benn, hag ev a'y wrowedh yn y weli. Ena ev a skrifas an hunros, ha derivas an mater yn kott.

Daniel 8:2

Ha my a welas y'n welesigeth, ha my ow mires, yth esen yn Shushan an bennsita, hag usi yn rannvro Elam. Ha my a welas y'n welesigeth, ow bos ryb an dowrgleudh Ulay.

Hosea 12:11

Eus droktra yn Gilead? Yn hwir yth yns i koegyon! A sakrifions terewi yn Gilgal? Aga alteryow ynwedh a vydh avel kals meyn war fynnglow an gwel.

Yoel 3:1

Rag otta, y'n dydhyow na hag y'n termyn na, pan dhrov vy arta kethyon Yuda ha Yerusalem,

Zekaria 1:8

Y'n nos my a viras, hag otta gour ow marghogeth war vargh rudh, ow sevel yn mysk an myrtwydh yn kownans, hag a-dryv dhodho mergh rudh, gorm ha gwynn.

Niverow 24:4

ger anodho ev neb a glew geryow Duw, neb a wel gwelesigeth an Ollgalloesek, ow koedha yn transyek, mes ankudhys y dhewlagas:

Matthew 1:20

Hag ev owth ombrederi a-dro dhe'n taklow ma, awotta, el an Arloedh a omdhiskwedhas dhodho dre hunros, ow leverel, ‘Yosep mab Davydh, na borth own a gemmeres Maria yn gwreg dhis; rag an pyth usi omdhegys ynni yw der an Spyrys Sans.

Matthew 2:19

Wosa Herod dhe verwel, awotta, el a'n Arloedh a omdhiskwedhas dhe Yosep dre hunros yn Ejyp,

Matthew 23:31

Yndella yth owgh hwi dustunioryon er agas pynn agas honan, hwi dhe vos mebyon an re a ladhas an brofoesi.

Matthew 23:34

Rakhenna, otta, my a dhannvon dhywgh profoesi ha tus fur ha skribys: re anedha hwi a's ladh ha'ga krowsya, ha skorjya re a wrewgh yn agas synagys ha'ga helghya a sita dhe sita;

Matthew 23:37

‘Yerusalem, Yerusalem neb a ladh an brofoesi ha labydha an re yw dannvenys dhis! Peskweyth y yeunis vy kuntell dha fleghes war-barth, kepar dell guntell yar hy yerigow yn-dann hy eskelli, mes hwi ny vynnsowgh.

Matthew 27:19

Ha pan ova esedhys yn barr an vreus, y wreg a dhannvonas dhodho, ow leverel, ‘Ty na wra mellya gans an den gwiryon na, rag my a wodhevis lower hedhyw yn hunros a'y wovis ev.’

Luk 1:11

El an Arloedh a omdhiskwedhas dhodho, ow sevel a'n barth dhyghow dhe alter an ynkys.

Luk 1:22

Ha pan dheuth yn-mes, ny ylli kewsel orta, hag i a wodhva ev dhe weles gwelesigeth y'n tempel; hag ev a wrug sinys orta, ha pesya avlavar.

Luk 20:6

Mes mar leveryn “Dhiworth tus”, an bobel oll a wra agan labydha, rag i a syns Yowann dhe vos profoes.’

Oberow 10:11

hag ev a welas an nev igerys, ha lester kepar ha lien bras ow tiyskynna, ow pos iselhes er peswar korn dhe'n dor,

Oberow 10:17

Lemmyn, ha Peder penndegys a-dro dhe styr an welesigeth a welsa, otta, an wer re bia dannvenys gans Kornelius a wovynnas ple'th esa chi Simon, hag a dheuth dhe'n porth,

Efesianys 4:11

Hag ev a ros re dhe vos abesteli, re profoesi, re aweylers, re bugeledh ha dyskadoryon,

Dewteronomi 18:15

An Arloedh dha Dhuw a dhrehav profoes ragos yn-mes ahanas, dhiworth dha vreder, haval dhymm. Orto ev hwi a woslow.

Dewteronomi 18:18

My a dhrehav ragdha yn-mes a'ga breder profoes yw haval dhis. My a worr ow geryow yn y anow, hag ev a gews dhedha pup-tra a worhemmynnav.

Ebrowyon 1:1

Yn lies fordh hag yn lies gis, Duw a gewsis y'n kothenep dh'agan tasow der an brofoesi;

Diskwedhyans 11:10

Ha'n re a drig war an nor a wra lowenhe warnedha, ha heudhhe, ha dannvon rohow an eyl dh'y gila, rag an dhew brofoes ma a dormentyas an re usi trigys war an nor.

Diskwedhyans 11:3

Ha my a rov galloes dhe'm dew dest hag i a wra profoesa mil dhydh dew kans ha tri-ugens, ow kwiska yskar.’

1 Samuel 28:6

Ha pan wovynnas Sowl orth an Arloedh, ny worthybis an Arloedh dhodho, na der hunrosow, na der Urim, na dre brofoesi.

1 Samuel 3:15

Ha Samuel a wrowedhas ena bys y'n myttin; ena ev a igoras darasow chi an Arloedh. Ha Samuel a borthas own a leverel an welesigeth dhe Eli.

1 Samuel 3:21

Ha'n Arloedh a besyas omdhiskwedhes yn Shilo, rag an Arloedh a dhiskwedhas y honan dhe Samuel yn Shilo dre er an Arloedh.