Niverow 12:13 - An Bibel Kernewek 20234 (Kernewek Kemmyn)

¹³ Ha Moyses a grias war an Arloedh, ‘Gwra hy sawya, a Dhuw, my a'th pys.’

Niverow 12:13 Iomraidhean Croise

Jenesis 20:17

Ytho Abraham a bysis war Dhuw ha Duw a sawyas Abimelek ha'y wreg ha'y vaghtethyon, hag i a dhineythis fleghes.

1 Myghternedh 13:6

An myghtern a leveris dhe wour Duw, ‘Pys lemmyn favour an Arloedh dha Dhuw, ha pys ragov, may fydh daskorrys ow leuv dhymm.’ Ytho gour Duw a bysis war an Arloedh; ha leuv an myghtern a veu daskorrys dhodho hag a dheuth ha bos par dell o kyns.

Salmow 30:2

A Arloedh ow Duw, my a grias warnas, ha ty re'm yaghhas.

Salmow 41:4

My a leveris, ‘Bydh grassyes orthiv, A Arloedh; yaghha ow enev, rag my re beghas er dha bynn.’

Eksodus 15:26

ow leverel, ‘Mar mynnowgh goslowes yn tiwysyk orth lev an Arloedh agas Duw, ha gul an pyth yw ewn yn y dhewlagas, ha koela orth y worhemmynnow ha gwitha oll y ordenansow, ny worrav warnowgh nagonan a'n klevesow a worris war an Ejyptianys; rag my yw an Arloedh agas sawyer.’

Eksodus 4:7

Ena Duw a leveris, ‘Daskorr dha dhorn dhe'th askra.’ Ytho, ev a dhaskorras y dhorn dh'y askra; ha pan y's tennas yn-mes, otta, y feu kepar ha remenant y gig.

Ysay 30:26

Golow an loer a vydh avel golow an howl, ha golow an howl a vydh seythplek, avel golow seyth dydh, y'n jydh may kelm an Arloedh torrva y bobel, ha yaghhe goli an strekys a weskis.

Yeremia 17:14

Yaghha vy, A Arloedh, ha my a vydh yaghhes; salw vy ha my a vydh selwys: rag ty yw ow gormel.

Niverow 11:2

Ena an bobel a grias war Moyses; ha Moyses a bysis dhe'n Arloedh, ha'n tan a lehas.

Niverow 12:12

Na as hi dhe vos avel neppyth genys marow, hag anodho an kig hanter dybrys pan dheu yn-mes a dorr y vamm.’

Niverow 14:2

Ha mebyon Ysrael oll a grodhvolas war Moyses hag Aron; oll an kuntelles a leveris dhedha, ‘A marwen yn pow Ejyp! Po a marwen y'n gwylvos ma!

Niverow 16:41

Mes dhe'n vorow oll an kuntelles a vebyon Ysrael a grodhvolas war Moyses ha war Aron, ow leverel, ‘Hwi re ladhas pobel an Arloedh.’

Luk 23:34

Ha Yesu a leveris, ‘A Das, gav dhedha, rag ny wodhons pandr'a wrons.’ Hag i a rannas y dhillas ow tewlel prenn.

Luk 6:28

bennigewgh an re a'gas millik, pysewgh rag an re a'gas despit.

Oberow 7:60

hag ow mos war benn-dewlin ev a grias, ughel y lev, ‘Arloedh, na syns an pegh ma er aga fynn.’ Pan lavarsa hemma, ev a goedhas yn kosk.

Romanyon 12:21

Na vedhewgh fethys gans an drog, mes fethewgh an drog gans an da.

Jamys 5:15

Ha pysadow fydh a wra sawya an klav, ha'n Arloedh a vynn y dhrehevel. Ha mar kwrug ev peghosow, y fydh henna gevys dhodho.

1 Samuel 12:23

Ynwedh dhe'm parth vy, pell bedhes dhiworthiv my dhe begha erbynn an Arloedh dre hedhi pysi ragowgh; ha my a dhysk dhywgh an da ha'n fordh ewn.

1 Samuel 15:11

‘Edrek a'm beus my dhe settya yn-bann Sowl dhe vos myghtern, rag ev re dreylyas dhe-ves dhiworthiv, ha ny gollenwis ow gorhemmynnow.’ Samuel o serrys; hag ev a grias war an Arloedh dres nos.