Niverow 12:11 - An Bibel Kernewek 20234 (Kernewek Kemmyn)

¹¹ Hag Aron a leveris dhe Moyses, ‘Ogh, ow arloedh, na wra agan kessydhya drefenn ni dhe wul yn foll ha pegha.

Niverow 12:11 Iomraidhean Croise

2 Samuel 19:19

ha leverel dhe'n myghtern, ‘Na wres ow arloedh rekna an blam er ow fynn, na perthi kov a'n kammweyth a wrug dha was y'n jydh mayth eth ow arloedh an myghtern yn-mes a Yerusalem. Na wres an myghtern y gemmeres dh'y golonn.

2 Samuel 24:10

Ha kolonn Davydh a veu gweskys wosa ev dhe nivera an bobel. Hag yn-medh Davydh dhe'n Arloedh, ‘My re beghas yn feur y'n pyth re wrugavy. Mes lemmyn, A Arloedh, my a'th pys, gav kammweyth dha was; rag my re wrug yn foll.’

1 Myghternedh 13:6

An myghtern a leveris dhe wour Duw, ‘Pys lemmyn favour an Arloedh dha Dhuw, ha pys ragov, may fydh daskorrys ow leuv dhymm.’ Ytho gour Duw a bysis war an Arloedh; ha leuv an myghtern a veu daskorrys dhodho hag a dheuth ha bos par dell o kyns.

2 Kroniklys 16:9

Rag dewlagas an Arloedh a wander dres oll an norvys rag krevhe an re hag yth yw aga holonn lel dhodho. Ty re wrug tra foll y'n dra ma; rag alemma rag ty a' fydh breselyow.’

Eksodus 12:32

Kemmerewgh agas greow ha'gas oghen, dell leversowgh, ha kewgh dhe-ves; ha bennigewgh vy ynwedh!’

Lavarow Koth 30:32

Mars es foll, owth omughelhe, mars eses ow tevisya drog, gorr dha dhorn war dha anow.

Yeremia 42:2

ha leverel dhe Yeremia an profoes, ‘Gas, ni a'th pys, agan pledyans dhe vos degemmerys a-ragos, ha pys dhe'n Arloedh a'gan govis, rag oll an remenant ma (rag ni yw gesys marnas boghes a'n lies, dell wel dha dhewlagas)

Niverow 11:2

Ena an bobel a grias war Moyses; ha Moyses a bysis dhe'n Arloedh, ha'n tan a lehas.

Niverow 12:12

Na as hi dhe vos avel neppyth genys marow, hag anodho an kig hanter dybrys pan dheu yn-mes a dorr y vamm.’

Oberow 8:24

Ha Simon a worthybis, ‘Pysewgh ragov war an Arloedh, ma na dheffo warnav nagonan a'n taklow re leversys.’

Diskwedhyans 3:9

Otta, y hwrav gul dhedha a'n synaga a Satnas a lever aga bos Yedhewon, ha nyns yns, mes i a wowlever – otta, y hwrav gul dhedha dos dhe omblegya a-dherag dha dreys, ha godhvos my dhe'th kara.

1 Samuel 12:19

Oll an bobel a leveris dhe Samuel, ‘Pys war an Arloedh dha Dhuw rag dha wesyon, rag na verwyn; rag ni re geworras dhe oll agan peghosow an drog ma, dhe wovynn myghtern ragon.’

1 Samuel 2:30

Rakhenna an Arloedh, Duw Ysrael a dhiskler: “My a leveris yn hwir dha ji ha chi dha das dhe gerdhes a-dheragov bys vykken”; mes lemmyn an Arloedh a dhiskler: “Pell bedhes dhiworthiv; rag an re neb a'm enor my a enor, ha'n re neb a'm dispres a vydh dyghtys gans bismer.