Niverow 11:22 - An Bibel Kernewek 20234 (Kernewek Kemmyn)

²² A vydh flokkys ha greow ledhys, dhe vos lowr dhedha? Po a vydh oll puskes an mor bos kuntellys war-barth dhedha, dhe vos lowr dhedha?’

Niverow 11:22 Iomraidhean Croise

2 Myghternedh 7:2

Ena an kapten mayth esa an myghtern ow poesa war y leuv a worthybis dhe wour Duw ha leverel, ‘Otta, a kwrella an Arloedh igeri fenestri y'n nev, ny allsa hemma bos’ Elisha a leveris, ‘Ty a'n gwel gans dha dhewlagas dha honan, mes ny wredh dybri a-dhiworto.’

Niverow 11:13

A-ble kavav kig dhe ri dhe'n bobel oll ma? Rag i a oel a-ragov ow leverel, “Ro dhyn kig, may typpryn.”

Niverow 11:21

Mes Moyses a leveris, ‘An bobel le mayth esov yn aga mysk yw hwegh kans mil aga niver war droes; ha ty re leveris, “My a re dhedha kig may tepprons mis kowal.”

Niverow 11:23

Ha'n Arloedh a leveris dhe Moyses, ‘Yw dorn an Arloedh re verr? Lemmyn ty a welvydh mar teu ow ger dhe wiryonedh ragos po na.’

Matthew 15:33

Ha'n dhyskyblon a leveris dhodho, ‘A-ble kevyn bara lowr y'n gwylvos may hyllyn maga routh mar vras?’

Mark 6:37

Mes ev a worthybis ha leverel dhedha, ‘Rewgh hwi dhedha may tepprons.’ Hag yn-medhons dhodho, ‘A wren ni mos dhe brena bara a dhew kans diner, ha ri dhedha dhe dhybri?’

Mark 8:4

Ha'y dhyskyblon a'n gorthybis, ‘A-ble haller kavoes bara lowr ragdha omma y'n gwylvos?’

Luk 1:18

Ha Zakaria a leveris dhe'n el, ‘Fatell wonn vy hemma? – rag gour koth ov vy, ha'm gwreg gyllys pell yn hy dydhyow.’

Luk 1:34

Ha Maria a leveris dhe'n el, ‘Fatell vydh hemma, a-ban na aswonnav gour?’

Yowann 6:9

‘Yma maw omma, ha dhodho pymp torth-vara heydh ha dew bysk vyghan; mes pyth yw henna rag kemmys tus?’