Niverow 11:16 - An Bibel Kernewek 20234 (Kernewek Kemmyn)

¹⁶ Ha'n Arloedh a leveris dhe Moyses, ‘Kuntell dhymm deg gour ha tri-ugens a henavogyon Ysrael, hag a wodhes bos henavogyon an bobel ha soedhogyon a-ughta; ha doro i dhe dylda an kuntelles, ha'ga gasa dhe sevel ena genes.

Niverow 11:16 Iomraidhean Croise

Jenesis 46:27

Ha mebyon Yosep a veu dineythys dhodho yn Ejyp a veu dew enev. Oll an enevow a ji Yakob a dheuth dhe Ejyp a veu deg ha tri-ugens.

Eksodus 18:25

Moyses a dhewisas gwer abel yn-mes a oll Ysrael, ha gul dhedha bos pennow war an bobel, rewloryon a vilyow, a gansow, a hanter-kansow hag a dhegow.

Eksodus 24:1

Hag ev a leveris dhe Moyses, ‘Yskynn dhe'n Arloedh, ty hag Aron, Nadab, hag Abihu, ha deg ha tri-ugens dhiworth henavogyon Ysrael, ha gordhya a-bell.

Eksodus 24:9

Ena Moyses hag Aron, Nadab, hag Abihu, ha'n deg ha tri-ugens dhiworth henavogyon Ysrael a yskynnas,

Eksodus 4:29

Ena yth eth Moyses hag Aron ha kuntell oll an henavogyon a vebyon Ysrael,

Yeremia 19:1

Yndellma y lever an Arloedh: Ke ha prena kostrel a bri dhiworth priweythor, ha kemmer genes re a henavogyon an bobel ha re a henavogyon an oferysi,

Ezekiel 8:11

Hag yth esa deg ha tri-ugens gour dhiworth henavogyon chi Ysrael ow sevel a-ragdha, ha Yaazania mab Shafan ow sevel yn aga mysk. Ha peub a'n jeva y ynkyslester yn y leuv, hag ethenn kommolenn an ynkys a yskynnas.

Niverow 11:24

Ytho Moyses eth yn-mes ha leverel dhe'n bobel geryow an Arloedh; hag ev a guntellas deg gour ha tri-ugens a henavogyon an bobel, ha'ga gorra a-dro dhe'n tylda.

Niverow 16:25

Ena Moyses a sevis ha mos dhe Dathan hag Abiram; ha henavogyon Ysrael a'n holyas.

Luk 10:1

Wosa hemma, an Arloedh a apoyntyas dewdhek ha tri-ugens arall ha'ga dannvon dew ha dew a-dheragdho dhe bub sita ha tyller may fynna ev mos.

Luk 10:17

Ha'n dewdhek ha tri-ugens a dhehwelis gans lowena, ow leverel, ‘Arloedh, ynwedh an dhywolow yw gorrys yn-dannon y'th hanow jy!’

Dewteronomi 1:15

My a gemmeras pennow agas loethow, gwer fur hag aswonnys, ha'ga settya avel pennow warnowgh, kaptenyon a vilyow, kaptenyon a gansow, kaptenyon a hanter-kansow, kaptenyon a dhegow, ha soedhogyon rag agas loethow.

Dewteronomi 16:18

Ty a re breusysi ha soedhogyon yn oll dha yetys a wra an Arloedh dha Dhuw aga ri dhis, dre dha loethow; hag i a vreus an bobel gans gwirvreus.

Dewteronomi 31:28

Kuntellewgh dhymm oll henavogyon agas loethow ha'gas soedhogyon, rag may kewssiv yn aga diwskovarn an geryow ma, ha gelwel nev ha nor yn test er aga fynn.