Niverow 11:12 - An Bibel Kernewek 20234 (Kernewek Kemmyn)

¹² A wrug vy omdhoen ha dineythi oll an bobel ma? may leverri dhymm, “Gwra aga doen y'th askra, dell dheg mager flogh-dena, dhe'n tir a desys y ri dh'aga thasow”?

Niverow 11:12 Iomraidhean Croise

Jenesis 13:15

Rag my a re oll an tir a welydh dhiso jy ha dhe'th has bys vykken.

Jenesis 24:7

An Arloedh Duw a'n nevow neb a'm kemmeras dhiworth chi ow thas ha pow ow genesigeth ha neb a gewsis genev ha neb a dos dhymm, ow leverel, “My a re an pow ma dhe'th has”, ev a dhannvon y el a-dheragos, ha ty a gemmer gwreg rag ow mab alena.

Jenesis 26:3

Trig y'n pow ma ha my a vydh genes ha'th venniga, rag dhiso jy ha dhe'th has my a vynn ri oll an powyow ma. My a gollenow an ti a dos dhe Abraham dha das.

Jenesis 50:24

Hag yn-medh Yosep dh'y vreder, ‘Yth esov ow merwel. Duw sertan a wra agas visitya, ha'gas dri yn-bann mes a'n pow ma bys y'n pow a ambosas ev dre di dhe Abraham, dhe Ysak ha dhe Yakob.’

2 Myghternedh 10:1

Ahab a'n jevo deg mab ha tri-ugens yn Samaria. Ha Yehu a skrifas lytherow ha'ga dannvon dhe Samaria, dhe rewloryon Yezreel, dhe'n henavogyon, ha dhe withysi mebyon Ahab, ow leverel,

2 Myghternedh 10:5

Ytho menystrer an palys, governour an sita, an henavogyon ha'n withysi, a dhannvonas messaj dhe Yehu, ow leverel, ‘Dha wesyon on, ha ni a wra pup-tra a bysydh. Ny wren dhe dhenvyth bos myghtern; gwra an pyth yw ewn y'th tewlagas.’

Eksodus 13:11

‘Ha pan y'th trollo an Arloedh dhe diredh an Kananysi, dell ambosas dhis ha dhe'th tasow, ha'y ri dhis,

Eksodus 13:5

Ha pan y'th trollo an Arloedh dhe bow an Kananysi, an Hittysi, an Amorysi, an Hivysi, ha'n Yebusysi, hag a ambosas dhe'th tasow dhe ri dhis, tir a dhinwa leth ha mel, ty a wra gwitha an deves ma y'n mis ma.

Eksodus 33:1

An Arloedh a leveris dhe Moyses, ‘Dibarth, ke alemma, ty ha'n bobel a wrussys dri yn-mes a bow Ejyp, dhe'n tir a ambosis dhe Abraham, Ysak ha Yakob, ow leverel, “Dhe'th tiyskynnysi my a'n re.”

Eksodus 6:8

Ha my a'gas dre bys yn tir hag a des y ri dhe Abraham, dhe Ysak ha dhe Yakob; my a'n re dhywgh yn perghennogeth. My yw an Arloedh.” ’

Ysay 40:11

Avel bugel ev a vag y flokk; gans y vregh ev a guntell y eyn ha'ga doen yn y askra; ev a hembronk yn hwar an re usi ow ri bronn.

Ysay 49:15

A yll benyn ankevi an flogh orth hy bronn? po fyllel kemmeres truedh a vab hy thorr? I ynwedh a yll ankevi, mes my, ny'th ankovav.

Ysay 49:23

Myghternedh a vydh dha dasvethow, ha'ga fennsevigesow a vydh dha vammvethow, i a ombleg dhis ha'ga fas dhe'n dor, ha lapya doust dha dreys. Ena ty a woer my dhe vos an Arloedh; an re a'm gorta, ny's tevydh meth.

Ezekiel 34:23

My a dhrehav warnedha unn bugel, ow gwas Davydh, hag ev a's mag; ev a's mag, ha bos dhedha bugel.

Yowann 10:11

‘My yw an bugel da. An bugel da a dhaskorr y vewnans rag y dheves.

1 Korinthianys 4:15

Rag kyn fo dhywgh deg mil a dhyskadoryon yn Krist, nyns eus dhywgh nameur a dasow; yn tevri my a dheuth ha bos agas tas yn Krist der an aweyl.

Galatianys 4:19

Ow fleghesigow, mayth esov arta yn gloesow genesigeth ragowgh bys pan vo Krist formys ynnowgh,

Dewteronomi 1:31

hag y'n gwylvos, le may hwelsys fatell wrug an Arloedh dha Dhuw dha dhoen, dell dheg den y vab, dres oll an fordh a gerdhsowgh bys pan dheuthewgh y'n tyller ma.

1 Thessalonianys 2:7

kyn hyllyn poesa warnowgh avel abesteli Krist. Mes klor en ni yn agas mysk kepar ha mammeth ow chershya hy fleghes.