Niverow 11:10 - An Bibel Kernewek 20234 (Kernewek Kemmyn)

¹⁰ Moyses a glewas an bobel owth oela der aga theyluyow, pub gour orth daras y dylda; ha sorr an Arloedh a dhewi yn toemm, ha Moyses o drok-pes.

Niverow 11:10 Iomraidhean Croise

Salmow 106:25

mes i a grodhvolas yn aga thyldow; ny woslowsons orth lev an Arloedh.

Salmow 139:21

A ny's kasav, A Arloedh, neb a'th kas jy? A ny'm beus keudh drefenn an re a sev er dha bynn?

Salmow 78:21

Ytho an Arloedh a glewas hemma, hag a sorras; tan o enowys yn Yakob, ha konnar a sordyas erbynn Ysrael,

Salmow 78:59

Pan glewas Duw hemma, serrys veu, hag ev a dhispresyas Ysrael yn feur.

Ysay 5:25

Rakhenna sorr an Arloedh a dhew erbynn y bobel, hag ev a ystynn y leuv er hy fynn ha'y gweskel. An menydhyow a gren, ha'ga horfow yw avel atal yn kres an stretys. Yn despit dhe oll hemma, ny dreyl y sorr dhe-ves, ha'y leuv yw hwath ystynnys.

Yeremia 17:4

Ha ty a lews dha leuv dhiworth dha eretons a res dhis; ha my a'th wra dhe servya dha eskerens y'n tir na aswonnydh: rag an tan re enowsowgh y'm sorr, a lesk bys vykken.

Niverow 11:1

Pan grodhvolas an bobel yn klewans an Arloedh a-dro dh'aga anfeus, an Arloedh a glewas; y sorr a veu enowys, ha tan an Arloedh a loskas yntredha, ha kowlleski nebes rannow pella a'n kamp.

Niverow 11:11

Moyses a leveris dhe'n Arloedh, ‘Prag y tebeldhyghtsys dha was? Ha prag na gevis gras y'th wolok, may korrydh begh an bobel oll ma warnav?

Niverow 11:9

Pan goedha an gluth war an kamp dhe nos, an manna a goedha ganso.

Niverow 12:3

Lemmyn an gour Moyses o pur glor, moy ages pub den oll war enep an nor.

Niverow 12:9

Ha sorr an Arloedh a veu enowys er aga fynn, hag ev eth dhe-ves.

Niverow 16:27

Ytho i a dhibarthas a gyrghynn annedh Koragh, Dathan hag Abiram, a bub tenewen; ha Dathan hag Abiram a dheuth yn-mes ha sevel orth daras aga thyldow, war-barth gans aga gwragedh, aga mebyon, ha'ga re vyghan.

Niverow 21:5

Ha'n bobel a gewsis erbynn Duw hag erbynn Moyses, ‘Prag y'gan dresys yn-mes a Ejyp dhe verwel y'n gwylvos? Rag nyns eus boes na dowr, ha kas yw genen an boes diles ma.’

Mark 10:14

Mes pan welas Yesu henna, ev a veu serrys, hag a leveris dhedha, ‘Gesewgh an fleghesigow dhe dhos dhymmo vy, ha na wrewgh aga lettya, rag dhe re a'n par ma yw gwlaskor Duw.

Mark 3:5

Ha wosa ev dhe vires a-dro orta gans sorr, hag ev grevys drefenn kaletter aga holonn, yn-medh ev dhe'n den, ‘Ystynn dha leuv.’ Hag ev a's ystynnas, ha'y leuv a veu restorys.

Dewteronomi 32:22

Rag tan re dhewis dre'm sorr ha leski a wra bys yn downderyow ifarn; ev a dheber an dor ha'y askorr, hag enowi gans tan selyow an menydhyow.