Niverow 11:1 - An Bibel Kernewek 20234 (Kernewek Kemmyn)

¹ Pan grodhvolas an bobel yn klewans an Arloedh a-dro dh'aga anfeus, an Arloedh a glewas; y sorr a veu enowys, ha tan an Arloedh a loskas yntredha, ha kowlleski nebes rannow pella a'n kamp.

Niverow 11:1 Iomraidhean Croise

Jenesis 38:10

Mes drog yn golok an Arloedh o an pyth a wrug, hag ev a'n ladhas ynwedh.

2 Samuel 11:27

Wosa an kynvann dhe vos passyes, Davydh a dhannvonas ha'y hyrghes dh'y ji, ha hi eth ha bos y wreg, ha dineythi dhodho mab. Mes drog yn golok an Arloedh o an pyth re wrussa Davydh.

2 Myghternedh 1:12

Elias a worthybis, ‘Mars ov gour Duw, des tan dhiworth an nev ha dha gonsumya, ty ha'th hanter-kans den.’ Ena tan Duw a goedhas dhiworth an nev

Job 1:16

Pan esa ev hwath ow kewsel, y teuth onan moy ha leverel, ‘Tan Duw a goedhas dhiworth an nev hag a loskas an deves ha'n servysi, ha'ga howlleski, ha my ow honan re dhienkas rag leverel dhis.’

Salmow 106:18

Ha tan a dardhas yn aga huntelles; an flamm a loskas an debeles.

Salmow 78:21

Ytho an Arloedh a glewas hemma, hag a sorras; tan o enowys yn Yakob, ha konnar a sordyas erbynn Ysrael,

Salmow 78:63

Tan a dhybris aga thus yowynk, ha ny veu aga maghtethyon res yn demmedhyans.

Eksodus 16:7

hag y'n myttin hwi a welvydh golewder an Arloedh, rag ev dhe glewes agas krodhvolyow war an Arloedh. Rag pyth on ni may krodhvolowgh warnan?’

Eksodus 16:9

Ha Moyses a leveris dhe Aron, ‘Lavar dhe'n kuntelles oll a vebyon Ysrael, “Dewgh nes a-rag an Arloedh, rag ev re glewas agas krodhvolyow.” ’

Ysay 10:17

Golow Ysrael a vydh avel tan, ha'y Sans avel flamm; hag ev a lesk ha devorya y spedhas ha'y spern yn unn jydh.

Ysay 30:33

Rag Tofeth re beu ordenys a hirneth, ynwedh parys yw rag an myghtern. Re beu gwrys down ha ledan, gans tan ha palster a brenn. Anall an Arloedh avel gover a loskven a wra y enowi.

Ysay 33:14

An beghadoryon yn Sion a berth own; kren a dhalghenn an re dhidhuw: ‘Piw ahanan a yll triga gans an tan a dhevor? Piw ahanan a yll triga gans flammow a dhur bys vykken?’

Kynvannow 3:39

Prag y krodhvol den bew, gour, war gessydhyans y beghes?

Ezekiel 20:36

Kepar dell vreusis agas tasow yn difeythtir pow Ejyp, yndella my a wra agas breusi hwi, yn-medh an Arloedh Duw.

Levitikus 10:2

Ha tan eth yn-mes dhiworth an Arloedh ha'ga howlleski, hag i a verwis dherag an Arloedh.

Nahum 1:5

An menydhyow a dhegren a-ragdho, ha'n bronnow a deudh: an dor yw difeythys a-ragdho, an norvys ha myns eus trigys ynno.

Habakkuk 3:5

A-dheragdho yth a an vall, hag yn-rag yth a an pla orth y dreys.

Niverow 10:33

Ytho i eth yn-kerdh a venydh an Arloedh vyaj tri dydh; hag argh kevambos an Arloedh eth a-ragdha vyaj tri dydh, dhe hwilas powesva ragdha.

Niverow 11:18

Ha lavar dhe'n bobel, Omsakrewgh erbynn a-vorow, ha hwi a dheber kig; rag hwi re oelas yn klewans an Arloedh, ow leverel, “Piw a re dhyn kig dhe dhybri? Rag yth o da genen yn Ejyp.” Rakhenna an Arloedh a vynn ri dhywgh kig, ha hwi a wra dybri.

Niverow 12:2

hag i a leveris, ‘A ny gewsis an Arloedh yn hwir marnas dre Moyses? A ny gewsis dredhon ni ynwedh?’ Ha'n Arloedh a'n klewas.

Niverow 14:2

Ha mebyon Ysrael oll a grodhvolas war Moyses hag Aron; oll an kuntelles a leveris dhedha, ‘A marwen yn pow Ejyp! Po a marwen y'n gwylvos ma!

Niverow 14:22

nagonan re welas ow golewder ha'm toknys hag a wrug vy yn Ejyp hag y'n gwylvos, ha hwath a'm gorras dhe'n prov an deg treveth ma ha ny glewas ow lev,

Niverow 14:27

Pes termyn y hwra an tebel guntelles ma krodhvolas warnav? My re glewas krodhvolyow mebyon Ysrael, hag a grodhvolsons warnav.

Niverow 14:28

Lavar dhedha, ‘Dell vewav’, yn-medh an Arloedh, ‘an pyth re leversowgh y'm klewans my a'n gwra dhywgh:

Niverow 16:11

Ytho yth yw erbynn an Arloedh ty ha'th kowetha oll dhe omguntell war-barth; pyth yw Aron may krodhvolydh warnodho?’

Niverow 16:35

Ha tan a dheuth yn-mes dhiworth an Arloedh, hag a gowlloskas an dhew kans ha hanter kans gour ow profya an ynkys.

Niverow 17:5

Ha gwelenn an gour a dhewisav a wra egina; yndellma my a wra dhe hedhi a-dhiwarnav krodhvolyow mebyon Ysrael may krodhvolons warnas.

Niverow 21:5

Ha'n bobel a gewsis erbynn Duw hag erbynn Moyses, ‘Prag y'gan dresys yn-mes a Ejyp dhe verwel y'n gwylvos? Rag nyns eus boes na dowr, ha kas yw genen an boes diles ma.’

1 Korinthianys 10:10

ha na grodhvolewgh par dell wrug rann anedha, hag y fons ledhys gans an distruer.

Dewteronomi 25:18

neb a'th vetyas y'n fordh ha treghi yn-nans an re esa ow treynya a-dryv, pan veus skwith ha gwann; ha ny borthas own a Dhuw.

Dewteronomi 32:22

Rag tan re dhewis dre'm sorr ha leski a wra bys yn downderyow ifarn; ev a dheber an dor ha'y askorr, hag enowi gans tan selyow an menydhyow.

Dewteronomi 9:22

Orth Tabera ynwedh hag orth Massa hag orth Kibroth-hattaava hwi a brovokyas an Arloedh dhe sorr.

Ebrowyon 12:29

rag agan Duw yw tan a gowllesk.

Jamys 5:4

Otta, gobrow an wonisysi a vysas agas gwelyow hag a wrussowgh gwitha dhiworta yn fals, ymons ow karma; ha garmow an vysoryon re dhrehedhas diwskovarn Arloedh an luyow.

Lyther Yud 1:16

An re ma yw grolyogyon grodhek, omres dh'aga flesours aga honan, ha'ga ganow yw leun a vostyans, ow favera tus rag gwayn.