Niverow 10:9 - An Bibel Kernewek 20234 (Kernewek Kemmyn)

⁹ Ha pan ewgh dhe vresel war agas tir erbynn an eskar a wra agas beghya, hwi a wra hwytha gwarnyans gans an hirgern, may fowgh kovhes a-rag an Arloedh agas Duw, hag yndellma hwi a vydh sawys a'gas eskerens.

Niverow 10:9 Iomraidhean Croise

Jenesis 8:1

Mes Duw a borthas kov a Noy hag oll an bestes, hag oll an chatel esa ganso y'n gorhel ha Duw a wrug dhe wyns tremena war an nor ha bashes veu an dowrow.

2 Kroniklys 13:12

Yma Duw genen orth agan penn, ha'y oferysi a's teves aga hirgern rag seni an galow dhe'n vatel er agas pynn. A vebyon Ysrael, na vatelewgh orth an Arloedh, Duw agas tasow, rag ny yllowgh seweni.’

2 Kroniklys 13:14

Pan dreylyas Yuda yth esa an vatel a-ragdha hag a-dryv dhedha. I a grias dhe'n Arloedh ha'n oferysi a hwythas an hirgern.

Salmow 106:4

Porth kov ahanav, A Arloedh, herwydh dha ras orth dha bobel; deus dhymm gans dha selwyans;

Salmow 106:42

Ha'ga eskerens a's gwaskas, hag i a veu fethys yn-dann aga diwleuv.

Salmow 136:23

neb a borthas kov ahanan yn agan iselder, rag y dregeredh a dhur bys vykken;

Ysay 18:3

Oll trigoryon an norvys hag annedhysi an bys, pan vydh baner drehevys war an menydhyow, mirewgh! ha pan vydh hirgorn hwythys, klewewgh!

Ysay 58:1

Garm yn ughel, na fronn. Drehav dha lev avel hirgorn, ha deriv dhe'm pobel aga hammweyth, ha dhe ji Yakob aga feghosow.

Yeremia 4:19

Ow holodhyon, ow holodhyon! my a omwen yn payn, fosow ow holonn a lamm; ow holonn a wra tros ynnov; ny allav tewel; rag my re glewas son an hirgorn, ow enev re glewas an tros a vresel.

Yeremia 4:21

Pes termyn y hwelav an baner, ha klewes son an hirgorn?

Yeremia 4:5

Derivewgh yn Yuda, ha deklaryewgh yn Yerusalem, ha leverel: Hwythewgh an hirgorn y'n tir; kriewgh yn ughel ha leverewgh, ‘Omguntellewgh, hag entryn y'n sitys kerys!’

Yeremia 49:2

Rakhenna otta, an dydhyow a dheu, yn-medh an Arloedh, pan wrav an arm a vatel dhe vos klewys erbynn Rabba a'n Ammonysi; y fydh krug difeyth, ha'y threvow a vydh leskys gans tan; ena Ysrael a dhiserit an re a wrug y dhiserita ev, yn-medh an Arloedh.

Yeremia 6:1

Fiewgh rag sawder, A hwi fleghes Benyamin, yn-mes a Yerusalem, ha hwytha an hirgorn yn Tekoa, ha drehevewgh arwoedh-dan yn Beth-hakkerem: rag drogedh a omdhiskwedh yn-mes a'n gogledh, ha distruyans meur.

Yeremia 6:17

Ha my a worras goelyadoryon warnowgh, ow leverel, ‘Goslowewgh orth son an hirgorn.’ Mes yn-medhons, ‘Ny vynnyn goslowes.’

Ezekiel 7:14

I re hwythas an hirgorn ha pareusi pup-tra; mes nyns a denvyth dhe'n vatel, rag yma ow sorr war oll an routh anedha.

Hosea 5:8

Kenewgh an korn yn Gibea, an hirgorn yn Rama. Germewgh yn Beth-aven; war dha lergh Benyamin.

Levitikus 23:24

Kows orth mebyon Ysrael, ow leverel: Y'n seythves mis, yn kynsa dydh an mis, y fydh dhywgh sabot solem, kovadh deklarys gans hwytha hirgern, kuntelles sans.

Amos 3:6

Eus korn hwythys yn sita, heb bos an bobel ownek? A vydh anfeusi yn sita, marnas an Arloedh a'n gwrug?

Sefania 1:16

dydh hirgorn ha garm kas erbynn an sitys kerys hag erbynn an touryow ughel.

Niverow 31:6

Ha Moyses a's dannvonas dhe'n vresel, mil a bub loeth, war-barth gans Finehas mab Eleazar an oferyas, gans lestri an sentri ha'n hirgern rag gwarnyans yn y dhorn.

1 Korinthianys 14:8

Rag hirgorn mar tyllo son nag yw diblans, piw a wra ombareusi rag an gas?

Dewteronomi 20:1

Pan ewgh mes dhe'n gas erbynn dha eskar ha gweles mergh ha charettow, pobel moy agesos, na borth own anedha, drefenn an Arloedh dha Dhuw dhe vos genes, neb a'th tros yn-bann yn-mes a bow Ejyp.

Yoshua 6:5

Pan hwythons gans kern an hordhes, kettell glewowgh son an hirgorn, garmes oll lu gans garm vras; ena fos an sita a goedh yn hy le, ha gas oll lu dhe vos yn-bann, pub gour ow kerdhes a-ji yn tidro.’

Breusysi 10:12

An Sidonysi ynwedh ha'n Amalekysi, ha'n Maonysi a'gas arwaska; ha hwi a grias dhymmo ha my a'gas delivras dhiworth aga leuv.

Breusysi 10:8

hag i a vrewis hag arwaska mebyon Ysrael y'n vlydhen na. Etek blydhen i a waska oll mebyon Ysrael esa dres an Yordan yn pow an Amorysi, usi yn Gilead.

Breusysi 2:18

Peskweyth may trehevi an Arloedh breusysi ragdha, yth esa an Arloedh gans an breusyas, hag ev a wre aga sawya dhiworth diwla aga eskerens oll dydhyow an breusyas; rag an Arloedh a gemmeri truedh drefenn aga hanasa dre reson an re a wre aga duwenhe ha'ga gwaska.

Breusysi 3:27

Pan dheuth di, ev a hwythas an hirgorn yn bro venydhyek Efraym, ha mebyon Ysrael eth yn-nans ganso dhiworth an vro venydhyek, hag ev a-ragdha.

Breusysi 6:34

Mes spyrys an Arloedh a dheuth war Gideon; hag ev a hwythas an hirgorn ha'n Abiezrysi a veu gelwys dh'y holya.

Breusysi 6:9

ha my a'gas delivras dhiworth leuv Ejyp, ha dhiworth leuv oll an re a'gas arwaska; my a's tewlis yn-mes a-ragowgh, ha ri dhywgh hwi aga thir;

1 Samuel 10:18

hag yn-medh ev dhe vebyon Ysrael, ‘Yndellma y lever an Arloedh, Duw Ysrael: “My a dhros Ysrael yn-bann yn-mes a Ejyp, ha'gas selwel yn-mes a leuv an Ejyptianys, hag yn-mes a leuv oll an gwlaskordhow a wre agas arwaska.”