Niverow 1:3 - An Bibel Kernewek 20234 (Kernewek Kemmyn)

³ a-dhia ugens bloedh ha moy, peub yn Ysrael a yll mos yn-rag dhe vresel, ty hag Aron a wra aga nivera, lu ha lu.

Niverow 1:3 Iomraidhean Croise

2 Samuel 24:9

Ha Yoab a dherivas niver an bobel dhe'n myghtern: hag yth esa yn Ysrael neb eth kans mil wour krev a ylli handla an kledha; hag yn Yuda yth esa pymp kans mil wour.

1 Kroniklys 5:18

Mebyon Rewben ha Gad, ha'n hanter-loeth Manasse: aga hasoryon ervys gans skoes ha kledha, aga gwaregoryon ha'n soudoryon dyskys yn gwerryans, peswar ha dew-ugens a vilyow, seyth kans ha tri-ugens, o parys rag batel.

2 Kroniklys 25:5

Amasia a guntellas pobel Yuda, ha'ga gorra herwydh chi aga thasow yn-dann gaptenyon milyow ha kaptenyon kansow rag oll Yuda ha Benyamin. Ev a guntellas an re a ugens bloedh aga oes ha moy hag a gavas i dhe vos tri hans mil, kasoryon dhewisys gwiw rag bresel, gans an galloes dhe handla guw ha skoes.

Eksodus 12:17

Ha hwi a wra goelya goel an bara heb goell, rag an keth jydh ma my a dhros agas luyow yn-mes a bow Ejyp: rakhenna hwi a wra goelya an jydh ma, der agas henedhow, avel ordenans bys vykken.

Eksodus 30:14

Peub a dremen dhe'n re reknys, a ugens bloedh ha moy, a re offrynn dhe'n Arloedh.

Eksodus 38:26

beka pub penn (henn yw hanter shekel, war-lergh shekel an sentri), rag pubonan a veu reknys y'n niveryans, a ugens bloedh ha moy, rag hwegh kans ha tri a vilyow, pymp kans ha hanter-kans a dus.

Niverow 14:29

agas korfow marow a wra koedha y'n gwylvos ma; hag a'gas niver oll, niverys a-dhia ugens bloedh ha moy, re grodhvolas warnav,

Niverow 26:2

‘Gwra niveryans a'n kuntelles oll a vebyon Ysrael, a-dhia ugens bloedh ha moy, herwydh chiow aga thasow, peub yn Ysrael a yll mos yn-rag dhe vresel.’

Niverow 3:15

‘Gwra nivera mebyon Levi, herwydh chiow aga thasow, herwydh aga theyluyow; pub gorreydh a unn mis y oes ha moy ty a wra nivera.’

Niverow 32:11

“Yn sur denvyth a dheuth yn-bann yn-mes a Ejyp, a ugens bloedh ha moy, ny wra gweles an tir a des y ri dhe Abraham, dhe Ysak, ha dhe Yakob, drefenn na'm holsons yn tien;

Niverow 33:1

An re ma yw kerdhow mebyon Ysrael, pan ethons yn-mes a bow Ejyp herwydh aga luyow yn-dann leuv Moyses hag Aron.

Niverow 4:3

a dheg bloedh warn ugens dhe dheg bloedh ha dew-ugens, peub a yll entra servis an lu, dhe wul an ober yn tylda an kuntelles.

Dewteronomi 24:5

Pan wra gour kemmeres gwreg nowydh, nyns a yn-mes dhe'n lu, ha ny vydh gorrys warnodho charj vytholl; ev a vydh rydh yn y ji unn vlydhen, hag ev a vydh lowen gans y wreg neb a's kemmeras.

Dewteronomi 3:18

Ena my a worhemmynnis dhywgh y'n tor' na, ow leverel, ‘An Arloedh agas Duw re ros dhywgh an tir ma dh'y erita. Oll agas kasoryon, ervys rag batel, a wra mos a-dreus kyns agas breder, mebyon Ysrael.