Niverow 1:22 - An Bibel Kernewek 20234 (Kernewek Kemmyn)

²² A vebyon Simeon, aga henedh, herwydh aga theyluyow, herwydh chiow aga thasow, an re anedha a veu niverys, herwydh niver an henwyn, penn ha penn, pub gorreydh a-dhia ugens bloedh ha moy, peub a ylli mos yn-rag dhe vresel:

Niverow 1:22 Iomraidhean Croise

Jenesis 29:33

Ha hi a gonsevyas arta ha dineythi mab ha leverel, ‘Rag an Arloedh dhe glewes ow bos skonys, ev re ros dhymm hemma ynwedh’, ha hi a elwis y hanow Simeon.

Jenesis 42:24

Ena ev a dreylyas dhe-ves dhiworta hag oela; hag ev a dhehwelis dhedha ha kewsel orta. Hag ev a gemmeras Simeon dhiworta ha'y gelmi a-dheragdha.

Jenesis 46:10

Mebyon Simeon: Yemuel, Yamin, Ohad, Yakin, Sohar ha Shaul mab an Gananyades.

Salmow 144:1

Benniges re bo an Arloedh ow harrek, neb a dhysk dhe'm diwleuv gwerrya, ha dhe'm bysies omladh;

Niverow 1:21

an re niverys a loeth Rewben o hwegh ha dew-ugens a vilyow, pymp kans.

Niverow 1:23

an re niverys a loeth Simeon o nownsek ha dew-ugens a vilyow, trihans.

Diskwedhyans 7:7

A loeth Simeon y feu selys dewdhek mil. A loeth Levi y feu selys dewdhek mil. A loeth Yssakar y feu selys dewdhek mil.