Niverow 1:2 - An Bibel Kernewek 20234 (Kernewek Kemmyn)

² Gwra niveryans a'n kuntelles oll a vebyon Ysrael, herwydh aga theyluyow, herwydh chiow aga thasow, herwydh an niver a henwyn, pub gorreydh penn ha penn;

Niverow 1:2 Iomraidhean Croise

Eksodus 12:37

Ha mebyon Ysrael eth yn-rag a Rameses dhe Sukkoth, neb hwegh kans mil wour war droes, heb rekna an fleghes.

Eksodus 30:12

Pan gemmerydh niveryans mebyon Ysrael, ena peub a re daspren ragdho ev y honan dhe'n Arloedh pan y's niverydh, ma na vo pla yn aga mysk pan y's niverydh.

Eksodus 38:25

Hag arghans tus an kuntelles a veu niverys o kans talent ha mil seyth kans pymthek ha tri-ugens a shekalim, war-lergh shekel an sentri:

Eksodus 38:26

beka pub penn (henn yw hanter shekel, war-lergh shekel an sentri), rag pubonan a veu reknys y'n niveryans, a ugens bloedh ha moy, rag hwegh kans ha tri a vilyow, pymp kans ha hanter-kans a dus.

Niverow 1:18

hag yn kynsa dydh an nessa mis, i a geskorras war-barth an kuntelles oll, hag a omgovskrifas herwydh aga theyluyow, herwydh chiow aga thasow, herwydh an niver a henwyn, a-dhia ugens bloedh ha moy, penn ha penn,

Niverow 1:19

dell worhemmynnis an Arloedh dhe Moyses. Yndella ev a's niveras yn gwylvos Sinay.

Niverow 1:22

A vebyon Simeon, aga henedh, herwydh aga theyluyow, herwydh chiow aga thasow, an re anedha a veu niverys, herwydh niver an henwyn, penn ha penn, pub gorreydh a-dhia ugens bloedh ha moy, peub a ylli mos yn-rag dhe vresel: