Niverow 1:1 - An Bibel Kernewek 20234 (Kernewek Kemmyn)

¹ An Arloedh a gewsis orth Moyses yn gwylvos Sinay, yn tylda an kuntelles, yn kynsa dydh an nessa mis, y'n nessa blydhen wosa i dhe dhos yn-mes a Ejyp, ow leverel,

Niverow 1:1 Iomraidhean Croise

1 Myghternedh 6:1

Y'n peswar kans ha peswar-ugensves blydhen wosa fleghes Ysrael dhe dhos yn-mes a Ejyp, y'n peswora blydhen a reyn Solomon war Ysrael, yn mis Ziv, an eyl mis, ev a dhallathas drehevel chi an Arloedh.

Eksodus 19:1

Dhe'n tressa loer nowydh wosa mebyon Ysrael dhe vones yn-rag a bow Ejyp, y'n jydh na y teuthons yn gwylvos Sinay.

Eksodus 19:2

Ha pan ethons yn-kerdh a Refidim ha dos yn gwylvos Sinay, i a gampyas ena y'n gwylvos; hag Ysrael a gampyas a-rag an menydh.

Eksodus 25:22

Ena my a wra metya genes, hag a-ugh an dregeredhva, ynter an dhew jerub usi war argh an dustuni, my a gews genes a-dro dhe bup-tra a worhemmynnav dhis rag mebyon Ysrael.

Eksodus 40:17

Hag y'n kynsa mis y'n nessa blydhen, yn kynsa dydh an mis, an tabernakel a veu drehevys.

Eksodus 40:2

Y'n kynsa dydh a'n kynsa mis ty a dhrehav tabernakel tylda an kuntelles.

Levitikus 1:1

Ha'n Arloedh a elwis Moyses ha kewsel orto dhiworth tylda an kuntelles, ow leverel,

Levitikus 27:34

An re ma yw an gorhemmynnow a worhemmynnis an Arloedh dhe Moyses rag mebyon Ysrael yn menydh Sinay.

Niverow 1:18

hag yn kynsa dydh an nessa mis, i a geskorras war-barth an kuntelles oll, hag a omgovskrifas herwydh aga theyluyow, herwydh chiow aga thasow, herwydh an niver a henwyn, a-dhia ugens bloedh ha moy, penn ha penn,

Niverow 12:4

Ha distowgh an Arloedh a leveris dhe Moyses ha dhe Aron ha dhe Miryam, ‘Dewgh yn-mes, agas tri dhe dylda an kuntelles.’ Ha'ga thri a dheuth yn-mes.

Niverow 9:1

Ha'n Arloedh a gewsis dhe Moyses yn gwylvos Sinay, y'n kynsa mis a'n nessa blydhen wosa i dhe dhos yn-mes a bow Ejyp, ow leverel:

Dewteronomi 1:3

Y'n dew-ugensves blydhen, y'n unnegves mis, yn kynsa dydh an mis, Moyses a gewsis orth mebyon Ysrael herwydh pup-tra a wrug an Arloedh y worhemmynna dhedha,

Dewteronomi 2:14

Termyn agan kerdh dhiworth Kadesh-barnea bys pan dreussyn gover Zered o etek blydhen warn ugens; y'n kettermyn, oll henedh gwer an vresel re vawrsa yn-mes a'n kamp, dell dos an Arloedh dhedha.

Dewteronomi 2:7

Rag an Arloedh dha Dhuw re'th vennigas yn pub ober a'th leuv. Ev a woer dha gerdh dre'n gwylvos bras ma. An dew-ugens blydhen ma an Arloedh dha Dhuw re beu genes, ha ny fyllsys a dravyth.’