Nehemia 9:8 - An Bibel Kernewek 20234 (Kernewek Kemmyn)

⁸ ha ty a gavas y golonn lel a-dheragos ha gul an kevambos ganso dhe ri dh'y has tir an Kananysi, an Hittysi, an Amorysi, an Perizzysi, an Yebusysi ha'n Girgashysi. Ty re geweras dha eryow, rag gwiryon os.

Nehemia 9:8 Iomraidhean Croise

Jenesis 12:7

Ha'n Arloedh a omdhiskwedhas dhe Abram ha leverel dhodho, ‘My a vynn ri an tir ma dhe'th has jy.’ Ytho ev a dhrehevis alter dhe'n Arloedh neb a omdhiskwedhas dhodho.

Jenesis 15:6

Hag ev a fydhyas y'n Arloedh, hag ev a'n akontyas dhodho avel ewnder.

Jenesis 22:12

Hag yn-medh ev, ‘Na ystynn dha dhorn war an maw, na gul travyth dhodho, rag lemmyn my a woer ty dhe berthi own a Dhuw, a-ban na wruss'ta skonya a ri dhymm dha vab, dha unn vab.’

2 Samuel 22:31

Duw – y fordh yw perfydh; lavar an Arloedh yw prevys; skoes yw dhe seul a hwila skovva ynno.

1 Kroniklys 1:14

an Yebusysi ynwedh, an Amorysi an Girgashysi

1 Kroniklys 16:16

an kevambos a wrug gans Abraham, ha'n ti a dos dhe Ysak;

Ezra 9:15

A Arloedh, Duw Ysrael, ty yw gwiryon: rag ni yw gesys hedhyw avel remenant a skapyas. Ottani a-ragos yn agan kammweyth: drefenn ny yllyn ni sevel a-ragos drefenn hemma.’

Nehemia 9:33

Hwath ty re beu gwiryon yn pup-tra re dheuth warnan, rag ty dhe dhyghtya yn lel genen ha ni re beghas.

Salmow 116:5

Grassyes yw an Arloedh, ha gwiryon; devri truedhek yw agan Duw.

Eksodus 3:17

hag ambosa a wrav agas dri yn-bann yn-mes a galar Ejyp dhe bow an Kananysi, an Hittysi, an Amorysi, an Perizzysi, an Hivysi ha'n Yebusysi, tir a dhinwa leth ha mel.”

Eksodus 3:8

ha my re dhiyskynnas dh'aga livra yn-mes a leuv an Ejyptianys ha dh'aga dri a'n tir na dhe dir mas ha ledan, dhe dir a dhinwa leth ha mel, dhe dyller an Kananysi, an Hittysi, an Amorysi, an Perizzysi, an Hivysi ha'n Yebusysi.

Ezekiel 33:24

Mab den, an re trigys y'n magoryow na yn pow Ysrael a lever, ‘Abraham o onan hag ev a eritas an tir, mes ni yw lies, dhyn ni re beu an tir res avel eretons.’

Niverow 13:29

Yma an Amalekysi trigys yn tir an Negeb; hag yma an Hittysi, an Yebusysi, ha'n Amorysi trigys y'n vro venydhyek; hag yma an Kananysi trigys ryb an mor, ha war lann an Yordan.’

Niverow 23:19

Nyns yw Duw gour, may wowleverro, na mab-den, may koettho yn edrek. A wrug ev leverel, ha ny'n gwra? Po a gewsis, ha ny'n kowlwra?

Oberow 13:22

Ha wosa y remova, ev a dhrehevis Davydh dhe vos aga myghtern; anodho ev a leveris, ow tustunia, “My re gavas bos Davydh mab Yesse gour war-lergh ow holonn, neb a vynn gul oll ow bodh.”

Dewteronomi 26:3

ha dos dhe'n oferyas a serv y'n dydhyow na, ha leverel dhodho, ‘My a dhiskler hedhyw dhe'n Arloedh dha Dhuw, devedhys ov dhe'n tir a wrug an Arloedh ti dh'agan tasow y ri dhyn.’

Dewteronomi 32:4

An Garrek – perfydh yw y ober, rag oll y fordhow yw ewn; Duw a lenduri, heb kammhynseth, gwiryon ha kompes yw ev.

Dewteronomi 7:1

Pan wra an Arloedh dha Dhuw dha dhri bys y'n tir mayth esos ow tos ena dh'y erita, ha fesya lies kenedhel a-ragos, an Hittysi, an Girgashysi, an Amorysi, an Kananysi, an Perizzysi, an Hivysi, ha'n Yebusysi, seyth kenedhel brassa ha kreffa agesos,

Dewteronomi 9:5

Nyns yw drefenn dha ewnder, na drefenn ewnhynseth dha golonn, yth esos ow tos dhe erita aga thir; mes yth yw drefenn sherewynsi an kenedhlow ma y hwra an Arloedh dha Dhuw aga fesya a-ragos, rag may fastyo an ger a dos an Arloedh dhe'th tasow, dhe Abraham, dhe Ysak, ha dhe Yakob.

Titus 1:2

yn govenek bewnans heb worfenn a ambosas Duw, neb na wowlever, kyns termyn heb worfenn.

Ebrowyon 11:17

Dre fydh Abraham, pan veu prevys, a offrynnas Ysak hag ev neb re dhegemmersa an ambosow o parys dhe offrynna y unn vab dineythys,

Ebrowyon 6:18

may fen kennerthys yn krev, pan fiyn rag skovva, dhe dhalghenna an govenek gorrys a-ragon, dre reson dew dra na yll Duw gowleverel ynna.

Yoshua 11:23

Ytho Yoshua a gemmeras an tir oll, war-lergh oll re lavarsa an Arloedh dhe Moyses: ha Yoshua a'n ros avel eretons dhe Ysrael war-lergh rannow aga loethow. Ha'n tir a'n jeva kres dhiworth bresel.

Yoshua 11:3

ha dhe'n Kananysi a'n howldrevel hag a'n howlsedhes, an Amorysi, an Hittysi, an Perizzysi, ha'n Yebusysi y'n vro venydhyek, ha dhe'n Hivysi yn-dann Hermon yn pow Mispa.

Yoshua 23:14

‘Lemmyn yth esov ow mos y'n jydh ma yn fordh oll an tir, ha hwi a woer yn oll agas kolonn ha'gas enev, na goedhas travyth a oll an traow da a ambosis an Arloedh agas Duw dhywgh. Pup-tra re hwarva ragowgh, ha ny fyllis unn ger anodho.

Yoshua 9:1

Lemmyn pan glewas oll an vyghternedh esa a'n howlsedhes dhe'n Yordan y'n vro venydhyek hag y'n Shefela ha ryb oll arvor an Mor Bras war-tu ha Lebanon – an Hittysi, an Amorysi, an Kananysi, an Perizzysi, an Hivysi, ha'n Yebusysi,

1 Yowann 1:9

Mar aswonnyn agan peghosow, lel yw ev hag ewnhynsek, hag ev a av dhyn agan peghosow, ha'gan glanha a bub kammhynseth.