Nehemia 9:4 - An Bibel Kernewek 20234 (Kernewek Kemmyn)

⁴ Ena Yeshua ha Bani, Kadmiel, Shebania, Bunni, Sherebia, Bani arall ha Kenani a sevis war risyow an Levysi, hag i a grias ughel aga lev dhe'n Arloedh aga Duw.

Nehemia 9:4 Iomraidhean Croise

2 Kroniklys 20:19

Ena re a'n Levysi dhiworth an Kohathysi ha'n Koraghysi, a sevis yn-bann rag gormel an Arloedh, ha Duw Ysrael, gans lev fest ughel.

Nehemia 12:8

Ha'n Levysi: Yeshua, Binnuy, Kadmiel, Sherebia, Yuda, ha Mattania neb, gans y vreder, o yn charj a ganow an gormola.

Nehemia 3:17

War y lergh, an Levysi a wrug ewnheansow: Rehum mab Bani, ha nessa dhodho Hashabia an rewler a hanter ranndir Keila, a wrug ewnheansow rag y ranndir.

Nehemia 8:4

Hag Ezra an skriba a sevis war arethva a brenn re wrussons rag an porpos; ha rybdho y sevis Mattithia, Shema, Anaya, Uria, Hilkia, ha Maaseya, a dhyghow dhodho; hag a-gledh dhodho, Pedaya, Mishael, Malkia, Hashum, Hashbaddana, Zekaria ha Meshullam

Nehemia 8:7

Ynwedh Yeshua, Bani, Sherebia, Yamin, Akkub, Shabbethay, Hodia, Maaseya, Kelita, Azaria, Yozabad, Hanan, ha Pelaya, an Levysi, a weresas an bobel dhe gonvedhes an lagha, ha'n bobel ow kortos yn aga thyller.

Nehemia 9:5

Yn eur na an Levysi, Yeshua ha Kadmiel, Bani, Hashabneya, Sherebia, Hodia, Shebania ha Pethahia, a leveris, ‘Sevewgh yn-bann ha bennigewgh an Arloedh agas Duw bys vykken ha bynnari; ha benniges re bo dha hanow gloryus, yw ughelhes dres pub bennath ha gormola.

Salmow 130:1

Yn-mes a'n downderyow y helwis vy warnas, A Arloedh.

Salmow 3:4

My a elwis war an Arloedh gans ow lev, hag ev a worthybis dhymm mes a'y venydh sans. Sela.

Salmow 77:1

My a elwis war Dhuw gans ow lev, war Dhuw y helwis gans ow lev, hag ev a ros skovarn dhymm.

Kynvannow 3:8

Ynwedh pan griav ‘Harow!’ ev a dhege yn-mes ow fysadow.

Yowann 11:43

Ha wosa kewsel yndella, ev a grias gans lev ughel, ‘Lazarus, deus mes!’

Oberow 7:60

hag ow mos war benn-dewlin ev a grias, ughel y lev, ‘Arloedh, na syns an pegh ma er aga fynn.’ Pan lavarsa hemma, ev a goedhas yn kosk.