Nehemia 9:37 - An Bibel Kernewek 20234 (Kernewek Kemmyn)

³⁷ Drefenn ni dhe begha, y drevas rych a dhe'n myghternedh re worrsys warnan; ynwedh i a's teves galloes war agan korf, ha'gan bestes, herwydh aga bodh, ha ni yw yn ahwer bras.’

Nehemia 9:37 Iomraidhean Croise

Ezra 4:13

Re bo godhvedhys lemmyn dhe'n myghtern, mar pydh drehevys an sita ma, ha'n fosow gorfennys, alena ny dalvydhons na toll-benn, na toll-wara, na toll-dir, ha les an myghternedh a vydh aperys yn sur.

Ezra 6:8

Gans henna, my a dhyllo arghadow dhywgh, pyth dhe wul dhe'n henavogyon ma a'n Yedhewon rag dastrehevyans an chi ma a Dhuw: bedhes an kost res yn leun dhe'n wer ma a-boynt, ma na vons lestys, dhiworth tresorva an myghtern, toll an rannvro Dres-an-Avon.

Ezra 7:24

Bedhewgh avisys ynwedh, na vydh laghel beghya na toll-benn, na toll-wara, na toll-dir war dhenvyth a'n oferysi an Levysi, an ganoryon, an borthoryon, gwesyon an tempel, na servysi erell a'n chi ma a Dhuw.

Nehemia 5:8

Hag yn-medhav dhedha, ‘Oll dh'agan galloes, ni re dhasprenas agan breder, an Yedhewon, a veu gwerthys dhe'n kenedhlow; mes yth esowgh hwi ow kwertha agas breder, may fons gwerthys dhyn!’ Yth ens tawesek ha ny allsons kavoes ger dhe leverel.

Kynvannow 5:5

An yew war agan konna yw poes warnan; ni a lavur, nyns eus dhyn powes vyth.

Levitikus 26:17

Ha my a sett ow fas er agas pynn, ha hwi a vydh gweskys dherag agas eskerens. An re a'gas kas a rewl warnowgh, ha hwi a fi pan na'gas siw denvyth.

Yowann 8:33

I a worthybis dhodho, ‘Has Abraham on ni, ha nyns en ni bythkweth kethyon dhe dhenvyth. Fatell leverydh, “Hwi a vydh rydhhes”?’

Dewteronomi 28:33

Pobel na aswonnsys a dheber frut dha dir hag oll askorr dha lavur, ha ny vydhydh saw arweskys ha tebeldhyghtys oll dha dhydhyow.

Dewteronomi 28:39

Ty a blans gwinlannow ha gonedha, mes ny evydh gwin na guntell grappys, drefenn an pryv dh'aga dybri.

Dewteronomi 28:48

ty a serv dha eskerens a wra an Arloedh dha Dhuw dannvon er dha bynn, yn nown, hag yn syghes, hag yn noethedh, hag yn esow a bup-tra oll; hag ev a worr yew a horn war dha gonna, bys may hwrello dha dhistrui.

Dewteronomi 28:51

hag ev a dheber leughi dha vestes hag askorr dha dir bys may hwrello dha dhistrui; ny as ragos ys, gwin nag olew, leughi dha jatel nag eyn dha flokk bys may hwrello dha dhistrui.