Nehemia 9:33 - An Bibel Kernewek 20234 (Kernewek Kemmyn)

³³ Hwath ty re beu gwiryon yn pup-tra re dheuth warnan, rag ty dhe dhyghtya yn lel genen ha ni re beghas.

Nehemia 9:33 Iomraidhean Croise

Jenesis 18:25

Pell bedhes dhiworthis gul war-lergh an gis ma, ladha an re wiryon gans an re dhrog, may fo an re wiryon kepar ha'n re dhrog; bedhes pell dhiworthis! A ny vynn Breusyas oll an nor gul gwirvreus?’

Ezra 9:15

A Arloedh, Duw Ysrael, ty yw gwiryon: rag ni yw gesys hedhyw avel remenant a skapyas. Ottani a-ragos yn agan kammweyth: drefenn ny yllyn ni sevel a-ragos drefenn hemma.’

Nehemia 9:34

Ny withas agan tasow, agan myghternedh, agan hembrenkysi ha'gan oferysi dha lagha, na woslowsons orth dha worhemmynnow ha'th warnyansow a resys dhedha.

Nehemia 9:8

ha ty a gavas y golonn lel a-dheragos ha gul an kevambos ganso dhe ri dh'y has tir an Kananysi, an Hittysi, an Amorysi, an Perizzysi, an Yebusysi ha'n Girgashysi. Ty re geweras dha eryow, rag gwiryon os.

Job 33:27

Ev a gan a-rag dus ha leverel, “My re beghas ha kammdreylya an pyth a veu ewn, mes ny dhegemmeris an pyth a dhendilis.

Job 34:23

Ny worras Duw termyn apoyntys rag gour, dhe vos a-dheragdho rag breus.

Salmow 106:6

Ni re beghas gans agan tasow; ni re wrug kammweythres ha sherewneth.

Salmow 119:137

Gwiryon osta, A Arloedh, hag ewnhynsek yw dha vreusow.

Salmow 145:17

An Arloedh yw gwiryon yn oll y fordhow, ha len yn oll y wriansow.

Eksodus 32:31

Ytho Moyses a dhehwelis dhe'n Arloedh ha leverel, ‘Ogh, an bobel ma re beghas pegh meur; i re wrug dhedha duwow a owr.

Yeremia 12:1

Gwiryon osta, A Arloedh, pan bledyav genes: mes gas vy dhe gewsel genes a'th varnow: Prag y hwra fordh an debeles seweni? Prag yth yns attes oll an re yw traytus?

Yeremia 44:3

drefenn an drogedh a wrussons orth ow frovokya dhe sorr, drefenn i dhe vones dhe leski offrynnow ha servya duwow erell na aswonnens, na i, na hwi, na'gas tasow.

Kynvannow 1:18

Gwiryon yw an Arloedh, drefenn ow bos diwostydh erbynn y anow; klewewgh, my a'gas pys, hwi boblow oll, ha mirewgh orth ow galar; ow gwyrghesow ha'm gwer yowynk res eth yn kethneth.

Ezekiel 11:12

Ena hwi a woer my dhe vos an Arloedh; rag ny gerdhsowgh y'm ordenansow, na ny wrussowgh ow breusow, mes hwi re wrug war-lergh breusow an kenedhlow esons a-dro dhywgh.’