Nehemia 9:29 - An Bibel Kernewek 20234 (Kernewek Kemmyn)

²⁹ Ha ty a's gwarnyas rag aga threylya arta dhe'th lagha. Hwath i a faryas gans bedhekter ha ny obaysons dha worhemmynnow, mes i a beghas erbynn dha vreusow, a re bewnans dhe'n re a's gwith. Mes i a gildennas an skoedh, ha kaleshe aga hilbenn ha ny obaysons.

Nehemia 9:29 Iomraidhean Croise

2 Myghternedh 17:13

Byttegyns an Arloedh a warnyas Ysrael ha Yuda dre bub profoes ha pub gwelesydh, ow leverel, ‘Treylyewgh dhiworth agas drog fordhow ha gwithewgh ow gorhemmynnow ha'm ordenansow, herwydh oll an lagha a worhemmynnis dh'agas tasow hag a dhannvenis dhywgh der ow gwesyon ha'm profoesi.’

2 Myghternedh 17:14

Ny vynnsens goslowes mes kales aga hilbenn ens, dell ens aga thasow na grysi y'n Arloedh aga Duw.

2 Kroniklys 24:19

Byttegyns ev a dhannvonas profoesi yn aga mysk rag aga dri arta dhe'n Arloedh; i a dhug dustuni orta, mes ny woslowsons.

2 Kroniklys 33:10

An Arloedh a gewsis dhe Manasse ha dh'y bobel, mes ny woslowsons.

2 Kroniklys 36:15

An Arloedh, Duw aga thasow, a dhannvonas ger dre leuv y gannasow arta hag arta, drefenn ev dhe berthi tregeredh war-tu ha'y bobel ha war-tu ha'y drigva;

Nehemia 13:15

Y'n dydhyow na my a welas tus yn Yuda ow trettya gwinwaskow y'n sabot, hag ow tri a-ji bernyow ys hag orth aga beghya war asenes; hag ynwedh gwin, gwinreun, figys, ha pub eghenn arall a veghyow. I a's dhros yn Yerusalem yn dydh sabot; ytho my a's gwarnyas erbynn kwertha boes y'n jydh na.

Nehemia 9:10

ha ri toknys hag anethow erbynn Faro hag erbynn oll y servysi, hag oll pobel y wlaskor; rag ty a wodhya i dhe dhyghtya agan tasow yn tont. Ytho ty a waynyas an ger-da a'th eus, par dell yw y'n jydh hedhyw.

Nehemia 9:16

‘Mes i ha'gan tasow, a dheuth ha bos goethus ha kales aga hilbenn ha ny woslowsons orth dha worhemmynnow.

Nehemia 9:26

‘Byttegyns diwostydh ens, hag i a rebellyas er dha bynn ha tewlel dha lagha a-dryv aga heyn ha ladha dha brofoesi, a wrussons aga gwarnya, dh'aga threylya dhis arta; hag i a wrug blasfemiow bras.

Nehemia 9:30

Ty a's perthi lies blydhen, ha ty a's gwarnyas gans dha spyrys dre dha brofoesi; hwath ny woslowsons. Ytho ty a's ros yn leuv poblow tiryow erell.

Eksodus 10:3

Ytho Moyses hag Aron eth a-ji dhe Faro, ha leverel dhodho, ‘Yndellma y lever an Arloedh, Duw an Ebrowyon, “Pygemmys prys y neghydh omuvelhe a-ragov? Gas ow fobel dhe vones ma'm serfyons.

Yeremia 17:23

Mes ny woslowsons, na plegya aga skovarn, mes kaleshe aga hilbenn, ma na glewsons, na degemmeres dyskybleth.

Yeremia 19:15

Yndellma y lever Arloedh an luyow, Duw Ysrael: Otta, my a dhre war an sita ma hag oll hy threvow oll an drogedh re gewsis er hy fynn, drefenn i dhe galeshe aga hilbenn ma na glewvens ow geryow.

Yeremia 42:19

An Arloedh re leveris dhywgh, hwi remenant Yuda, Nag ewgh dhe Ejyp. Godhvydhewgh my dh'agas gwarnya hedhyw

Yeremia 43:2

Azaria mab Hoshaia ha Yohanan mab Kareagh hag oll an wer valgh a leveris dhe Yeremia, ‘Ty a wowlever. Ny'th tannvonas an Arloedh agan Duw dhe leverel, “Nag ewgh dhe Ejyp dhe driga ena”;

Yeremia 44:10

Ny's teva edrek, na ny borthsons own, na ny gerdhsons y'm lagha ha'm ordenansow a worris a-ragowgh hag a-rag agas tasow.

Yeremia 7:26

mes ny woslowsons orthiv, na ny blegsons aga skovarn, mes i a galeshas aga hilbenn. I a wrug gweth ages aga thasow.

Ezekiel 20:11

My a ros dhedha ow ordenansow, ha diskwedhes dhedha ow breusow, rag den mar kwra aga gwitha, ev a vew ynna.

Daniel 5:20

Mes pan veu ughelhes y golonn ha kaleshes y spyrys, may tyghtyas gans goeth, y feu tennys a'y dron ryel, ha'y enor a veu degemmerys dhiworto.

Hosea 6:5

Ytho my a's nadhas dre'n brofoesi, my a's ladhas dre eryow ow ganow; ow breusow eth war-ves avel golow.

Levitikus 18:5

Ytho, hwi a syns ow ordenansow vy ha'm breusow vy. Den mar kwra hemma, ev a vew ynna. An Arloedh ov vy.

Matthew 19:17

Yn-medh ev dhodho, ‘Prag y hwovynnydh orthiv a-dro dhe'n dra yw mas? Onan yma neb yw mas. Mar mynnydh mos a-bervedh y'n bewnans na, gwith an gorhemmynnow.’

Luk 10:28

Hag ev a leveris dhodho, ‘Ewn y hworthybsys; hemma gwra, ha ty a vew.’

Romanyon 10:5

Rag Moyses a skrif a-dro dhe ewnder an lagha, ‘An den a wra an taklow ma a vew dredha.’

Galatianys 3:12

Nyns yw an lagha selys war fydh, mes, ‘Neb a wrello an oberow a vew ynna.’

Dewteronomi 31:21

Ha pan wra lies drog hag ahwer aga havoes, an gan ma a worthyp yn test; rag ny vydh ankevys mes a anow aga henedh. My a woer mynnas aga brys usi dhedha hedhyw, hwath kyns my dh'aga dri dhe'n tir a wrugavy y di.’

Dewteronomi 31:27

Rag my a woer fatell osta diwostydh ha kales dha gilbenn. Ha my hwath yn few genowgh hedhyw, hwi re beu diwostydh erbynn an Arloedh: pyseul dhe voy wosa ow mernans.

Dewteronomi 4:26

my a elow nev ha nor hedhyw dhe dhoen dustuni er agas pynn, hwi dhe vos dhe goll dhiworth an tir mayth esowgh ow treusi an Yordan di dh'y erita. Ny hirhowgh agas dydhyow warnodho, mes y fydhowgh distruys sur.

Breusysi 6:10

ha my a leveris dhywgh hwi, “An Arloedh agas Duw yth ov; na wordhyowgh duwow an Amorysi mayth esowgh trigys yn aga thir.” Mes ny woslewsowgh dhe'm lev.’