Nehemia 9:28 - An Bibel Kernewek 20234 (Kernewek Kemmyn)

²⁸ Mes wosa i dhe gavoes powes, i a wrug drog arta a-dheragos; ytho ty a's gasas yn leuv aga eskerens, hag i a rewlyas warnedha. Pan grisons dhis arta, ty a's klewas dhiworth nev, ha lieskweyth ty a's delivras herwydh dha versi.

Nehemia 9:28 Iomraidhean Croise

1 Myghternedh 8:39

ena klew yn nev dha drigva, gav, gweythres, ha ri dhe bub a aswonnydh y golonn herwydh y fordhow, rag ty unnsel a woer an pyth eus yn kolonn mab-den oll;

Salmow 106:42

Ha'ga eskerens a's gwaskas, hag i a veu fethys yn-dann aga diwleuv.

Salmow 136:24

ha'gan delivra dhiworth agan eskerens, rag y dregeredh a dhur bys vykken;

Ysay 63:15

Mir dhiworth nev, ha gwel dhiworth trigva ughel dha sansoleth ha'th glori. Ple'ma dha dhiwysykter ha'th krevder, amovyans dha golodhyon ha'th truedh? Skonys yns dhymm.

Breusysi 2:19

Mes pan verwis breusyas, i a dreylya war-dhelergh ha bos moy tebel es aga thasow, owth holya duwow erell, orth aga servya ha plegya dhedha. Ny wrussons gasa aga gwriansow na'ga fordhow gorth.

Breusysi 3:30

Ytho Moab a veu fethys y'n jydh na yn-dann leuv Ysrael. Ha'n tir a'n jevo powes peswar-ugens blydhen.

Breusysi 4:1

Mebyon Ysrael a wrug an pyth o drog yn golok an Arloedh wosa Ehud dhe verwel.

Breusysi 5:31

‘Yndella re varwo oll dha eskerens, A Arloedh! Mes re bo oll dha gowetha avel an howl dell sev yn-bann yn y nerth.’ Ha'n tir a'n jevo kres dew-ugens blydhen.