Nehemia 9:25 - An Bibel Kernewek 20234 (Kernewek Kemmyn)

²⁵ I a gemmeras sitys kerys ha tir feyth hag i a eritas chiow leun a bup-tra da, puthow pelys, gwinlannow, hag olewbrennyer, ha gwydh froeth pals. Ytho i a dhybris, hag a veu lenwys, hag a dheuth ha bos tew hag i a lowenhas y'th tader bras.

Nehemia 9:25 Iomraidhean Croise

1 Myghternedh 14:9

mes ty re wrug drog a-ugh oll dha ragresegydhyon; ty re wrug duwow erell ragos, ha delowyow teudh, orth ow frovokya dhe sorr, orth ow thewlel a-dryv dha geyn.

1 Myghternedh 8:66

Y'n ethves dydh ev a dhannvonas an bobel dhe-ves; hag i a vennigas an myghtern, ha mos dh'aga thyldow, lowenek hag yn spyrys da drefenn an dader oll a dhiskwedhas an Arloedh dh'y was Davydh ha dh'y bobel Ysrael.

Nehemia 9:35

Hwath yn aga gwlaskor aga honan, hag y'th tader bras a resys dhedha y'n tir efan ha feyth, ny'th servsons na ny dreylsons dhiworth aga drog weythresow.

Salmow 105:44

Hag ev a ros dhedha tiryow an kenedhlow, hag i a eritas lavur an poblow,

Salmow 65:11

Ty a gurun an vlydhen gans dha dhader, ha'th fordhow a dhever gans feythter.

Lavarow Koth 30:9

poken lenwys vydhav hag y'th naghav hag y lavarav, ‘Piw yw an Arloedh?’ Po y fydhav boghosek ha ladra, ha disakra hanow ow Duw.

Ysay 6:10

Gwra kolonn an bobel ma tew, ha gwra aga diwskovarn poes, ha sel aga dewlagas, ma na glewons der aga dewlagas ha gweles der aga diwskovarn ha konvedhes der aga holonn, hag i a dreyl ha bos sawys.’

Ysay 63:7

Meneges tregeredhow an Arloedh a wrav, ha gormoledhow an Arloedh, war-lergh pup-tra a wrug an Arloedh ragon, ha lies tra dha rag chi Ysrael a wrug ev ragdha war-lergh y druedhow ha war-lergh palster y dregeredh.

Yeremia 2:7

Ha my a'gas dros yn tir feyth, dhe dhybri an frut anodho ha'n dader anodho; mes pan entersowgh, hwi a dhefolas ow thir, ha gul ow eretons tra gasadow.

Yeremia 31:14

Ha my a lenow enev an oferysi gans blonek ha'm pobel a vydh gwalghys gans ow dader, yn-medh an Arloedh.

Yeremia 32:23

hag i a dheuth a-ji ha'y erita. Mes ny woslowsons orth dha lev na kerdhes y'th lagha; ny wrussons travyth a'n pyth oll a worhemmynnsys dhedha. Ytho ty a wrug oll an anfeusi dhe dhos warnedha.

Ezekiel 20:6

Y'n jydh na my a dhrehevis ow leuv dhedha ha ti, my dh'aga dri yn-mes a bow Ejyp dhe dir a aspiis ragdha, a dhinwa leth ha mel, an tekka a'n tiryow oll.

Daniel 11:24

Dison y hwra dos yn tiredhow feyttha an rannvro, hag y hwra an pyth na wrug y dasow na tasow y dasow. Ev a lesrann yntredha preydh, pyllansow ha pythow. Tewlel y dowlow a wra erbynn keryow, saw unnsel bys yn unn prysweyth.

Hosea 13:6

Herwydh an peurwels yw dhedha y fons lenwys; lenwys vons, ha'ga holonn a veu goethus; rakhenna i a'm ankevis.

Hosea 3:5

A-wosa, mebyon Ysrael a wra dehweles ha hwilas an Arloedh aga Duw, ha Davydh aga myghtern. I a dheu gans own dhe'n Arloedh ha dh'y dhader y'n dydhyow diwettha.

Romanyon 2:4

Po dispresya a wredh jy rychys y guvder ha'y wodhevyans ha'y berthyans? A ny wodhes jy kuvder Duw dhe'th hembronk dhe edrek?

Dewteronomi 3:5

Oll an trevow ma a veu kerys gans fosow ughel, yetys ha barrys, ha dres henna fest lies tre heb fosow.

Dewteronomi 32:13

Ev a wrug dhodho marghogeth war dylleryow ughel an tir, hag ev a dhybris askorr an gwel; ev a wrug dhodho sugna mel yn-mes a'n garrek, hag oyl a ven flynt;

Dewteronomi 32:14

leth kowlys a vughes ha leth a dheves, gans blonek eyn, ha hordhes megys yn Bashan, ha gever, gans an gwella gwaneth, hag a woes grappys ty a evas gwin ewynek.

Dewteronomi 32:15

Yakob a dhybris hag a veu gwalghys, Yeshurun a dheuth ha bos tew hag a botyas; ty a dheuth ha bos tew ha berrik, ha bos gorth; ev a forsakyas Duw neb a'n gwrug, ha despitya Karrek y selwyans.