Nehemia 9:19 - An Bibel Kernewek 20234 (Kernewek Kemmyn)

¹⁹ ty, yn dha dregeredh vras, ny's forsaksys y'n gwylvos; ny dhibarthas an goloven a gommol dhiworta y'n jydh rag aga hembronk y'n fordh, na'n goloven a dan y'n nos rag ri golow dhedha war a'n fordh mayth ellens.

Nehemia 9:19 Iomraidhean Croise

Nehemia 9:12

Gans koloven a gommol ty a's hembronkas y'n jydh ha gans koloven a dan y'n nos, dhe wolowi ragdha an fordh mayth ellens.

Nehemia 9:27

Ytho ty a's ros yn leuv aga eskerens, hag i a's arwaskas. Mes yn termyn aga ahwer, i a grias dhis, ha ty a's klewas dhiworth nev, ha herwydh dha druedh bras ty a ros dhedha selwadoryon neb a's sawyas dhiworth leuv aga eskerens.

Nehemia 9:31

Byttegyns, y'th truedh bras ny wrussys aga leun dhistrui na'ga forsakya, rag ty yw Duw grassyes ha truedhek.

Salmow 106:45

Hag ev a borthas kov a'y gevambos a'ga govis i, hag edrek a'n jeva herwydh y dregeredh meur;

Salmow 136:16

neb a hembronkas y bobel der an difeyth, rag y dregeredh a dhur bys vykken;

Eksodus 40:36

Pan vedha an gommolenn drehevys dhiwar an tabernakel, mebyon Ysrael e war-rag yn oll aga herdhow;

Eksodus 40:38

Rag yn oll aga herdhow yth esa kommolenn an Arloedh war an tabernakel dydhweyth, hag yth esa tan ynni nosweyth, a-wel chi Ysrael oll.

Ysay 44:21

Porth kov a'n re ma, A Yakob, hag Ysrael, rag ty yw ow gwas; my a'th formyas, ty yw ow gwas; A Ysrael, ny vydhydh ankevys genev.

Kynvannow 3:22

Yn hwir, ny fyll tregeredhow an Arloedh, ha nyns yw y druedhow gorfennys.

Ezekiel 20:14

My a wrug hemma a-barth ow hanow, ma na ve disakrys a-wel dhe'n kenedhlow, neb a's dres dhe-ves a-wel dhedha.

Ezekiel 20:17

Byttegyns ow lagas a's sparyas, ha ny wrug vy aga diswul, na'ga howldhistrui y'n difeythtir.

Ezekiel 20:22

Mes my a gildennas ow leuv dhe-ves, hag oberi a-barth ow hanow, ma na ve disakrys a-wel dhe'n kenedhlow, may hwrug vy aga dri yn-mes yn aga gwel.

Daniel 9:18

Ow Duw, ro dha skovarn ha klewes; igor dha dhewlagas ha mir orth agan ahwer, hag orth an sita may feu dha hanow gelwys warnedhi; nyns yw drefenn agan gwiryonsys ni may profyn agan aspysadow a-ragos, mes drefenn dha druedh bras.

Daniel 9:9

Dhe'n Arloedh agan Duw yma truedh ha gevyans; rag ni re rebellyas er y bynn,

Malaki 3:6

Rag my yw an Arloedh, ny wrav vy chanjya, ha hwi fleghes Yakob, nyns owgh hwi devedhys dhe dhiwedh.

Niverow 14:14

hag i a lever hemma dhe drigoryon an tir ma. I re glewas ty dhe vos, A Arloedh, yn mysk an bobel ma; rag ty, A Arloedh, yw gwelys fas orth fas, ha dha gommolenn a sev a-ughta ha ty a a-dheragdha, yn koloven kommol dydhweyth hag yn koloven tan nosweyth.

Dewteronomi 8:2

Ha ty a berth kov a oll an fordh a wrug an Arloedh dha Dhuw dhis kerdhes ynni an dew-ugens blydhen ma y'n gwylvos, rag ma'th uvelhaho ha'th previ, dhe wodhvos an pyth esa y'th kolonn, mar kwitthes y worhemmynnow po na witthes.

1 Samuel 12:22

Rag ny wra an Arloedh forsakya y bobel, a-barth y hanow meur, drefenn bos plegadow dhe'n Arloedh agas gwruthyl y bobel.