Nehemia 9:17 - An Bibel Kernewek 20234 (Kernewek Kemmyn)

¹⁷ I a skonyas a woslowes, ha ny borthsons kov a'n marthusyon a wrussys yn aga mysk; mes i a dheuth ha bos kales aga hilbenn, hag y feu bodh aga brys dhe dhehweles dh'aga hethneth yn Ejyp. Mes ty yw Duw neb yw parys dhe ava, grassyes ha truedhek, lent ow serri, hag ow palshe yn tregeredh, ha ny wrussys aga forsakya.

Nehemia 9:17 Iomraidhean Croise

1 Myghternedh 6:13

My a vydh trigys yn mysk fleghes Ysrael ha ny eskasav ow fobel Ysrael.’

1 Myghternedh 8:57

Bedhes genen an Arloedh agan Duw, par dell o gans agan tasow; bynner re wrello agan gasa na'gan forsakya,

2 Kroniklys 36:13

Ev a rebellyas ynwedh erbynn myghtern Nebukadnessar, neb re wrussa dhodho gul ti re Dhuw; ev a galeshas y gilbenn ha kaleshe y golonn erbynn treylya dhe'n Arloedh, Duw Ysrael.

Ezra 9:9

Rag kethyon on ni; byttegyns ny'n eskasas agan Duw yn agan kethneth, mes ystynn tregeredh dhyn a-wel dhe vyghternedh Persia, may rollo dhyn dasvewnans, dhe dhasdrehevel chi agan Duw, hag ewnhe y vagoryow, hag ev re ros dhyn fos yn Yuda hag yn Yerusalem.

Nehemia 9:31

Byttegyns, y'th truedh bras ny wrussys aga leun dhistrui na'ga forsakya, rag ty yw Duw grassyes ha truedhek.

Salmow 106:13

Hware yth ankovsons y wriansow; ny wortsons y gusul.

Salmow 106:7

Agan tasow yn Ejyp ny gonvedhsons dha varthusyon, na perthi kov a'th tregeredh veur, mes i a rebellyas ryb an mor, ryb an Mor Rudh.

Salmow 130:4

Mes yma gevyans genes jy, ytho ty yw ownys.

Salmow 78:10

Ny synsons kevambos Duw, mes i a skonyas a gerdhes yn y lagha ev;

Salmow 78:11

Owth ankevi y wriansow ev, ha'y varthusyon a dhiskwedhsa orta.

Salmow 78:38

Mes ev, leun a druedh, a avas aga hammweyth ha ny's distruis. Ha lieskweyth ev a dreylyas dhe-ves y sorr ha ny wrug dhe oll y gonnar difuna.

Salmow 86:15

Mes ty, A Arloedh, yw Duw truedhek ha grassyes, lent ow serri, ha meur dha dregeredh ha'th wirder.

Salmow 86:5

Rag ty, A Arloedh, yw kuv ha parys dhe ava, meur dha dregeredh orth oll an re a elow warnas.

Eksodus 32:9

Ha'n Arloedh a leveris dhe Moyses, ‘My re welas an bobel ma, hag otta, yth yw pobel kales hy hilbenn;

Lavarow Koth 1:24

Drefenn my dhe elwel, ha hwi re naghas, my re ystynnas ow leuv ha ny woslowas denvyth,

Yeremia 18:15

Mes ow fobel re'm ankovas, i a lesk offrynnow dhe dhuwow koeg neb a wrug dhedha trebuchya yn aga fordhow, y'n hynsyow koth, dhe gerdhes yn hynsyow nag yns drehevys yn-bann,

Yeremia 19:15

Yndellma y lever Arloedh an luyow, Duw Ysrael: Otta, my a dhre war an sita ma hag oll hy threvow oll an drogedh re gewsis er hy fynn, drefenn i dhe galeshe aga hilbenn ma na glewvens ow geryow.

Yeremia 7:26

mes ny woslowsons orthiv, na ny blegsons aga skovarn, mes i a galeshas aga hilbenn. I a wrug gweth ages aga thasow.

Ezekiel 5:6

Mes hi re rebellyas erbynn ow breusow moy ages sherewynsi an kenedhlow, hag erbynn ow ordenansow moy ages an gwlasow usi a-dro dhedhi; rag i re dhenaghas ow breusow ha ny gerdhsons y'm ordenansow.

Daniel 9:9

Dhe'n Arloedh agan Duw yma truedh ha gevyans; rag ni re rebellyas er y bynn,

Yoel 2:13

Skwardyewgh agas kolonn, a-der agas dillas, ha treylyewgh arta dhe'n Arloedh agas Duw, rag grassyes ha truedhek yw, lent ow serri, ha meur y dregeredh, hag ev a gemmer edrek a'n drog.

Levitikus 26:44

Mes yn despit dhe henna oll, pan vons yn tir aga eskerens, ny wrav aga skonya, na'ga aborrya, dh'aga diswul yn tien ha terri ow hevambos gansa; rag an Arloedh aga Duw ov vy.

Nahum 1:3

An Arloedh yw lent ow serri, ha meur y nerth, ha'n Arloedh ny gas mann an debeles heb kessydhyans. Yma y fordh y'n korwyns hag y'n annawel, ha'n kommol yw doust y dreys.

Niverow 14:11

Ha'n Arloedh a leveris dhe Moyses, ‘Pes termyn y hwra an bobel ma ow disenora? Ha pes termyn ny wrons krysi ynnov, yn spit dhe'n toknys oll a wrug yn aga mysk?

Niverow 14:41

Mes Moyses a leveris, ‘Prag yth esowgh ow kammdremena erbynn arghadow an Arloedh? rag ny wra henna seweni.

Niverow 16:14

Moy es henna ny wrussys agan dri yn tir a dhinwa leth ha mel, na ri dhyn eretons a barkow na gwinlannow. A vynnydh genna yn-mes lagasow an wer ma? Ny vynnyn dos yn-bann.’

Oberow 7:39

dhe neb ny vynnas agan tasow bos gostydh, mes i a'n herdhyas dhe-ves ha treylya dhe Ejyp yn aga holonnow,

Romanyon 9:15

Rag ev a lever dhe Moyses, ‘My a gemmer mersi warnodho ev may kemmerav mersi warnodho, ha my a gemmer pita anodho ev neb may kemmerav pita anodho.’

Ebrowyon 12:25

Gwaytyewgh na'n nagghewgh neb a gews. Rag mar ny wrussons an re na dhiank pan naghsons neb a's gwarnyas war an nor, hwath dhe le y hwren ni diank anodho neb a'gan gwarn a nev.

1 Samuel 12:22

Rag ny wra an Arloedh forsakya y bobel, a-barth y hanow meur, drefenn bos plegadow dhe'n Arloedh agas gwruthyl y bobel.