Nehemia 9:12 - An Bibel Kernewek 20234 (Kernewek Kemmyn)

¹² Gans koloven a gommol ty a's hembronkas y'n jydh ha gans koloven a dan y'n nos, dhe wolowi ragdha an fordh mayth ellens.

Nehemia 9:12 Iomraidhean Croise

Nehemia 9:19

ty, yn dha dregeredh vras, ny's forsaksys y'n gwylvos; ny dhibarthas an goloven a gommol dhiworta y'n jydh rag aga hembronk y'n fordh, na'n goloven a dan y'n nos rag ri golow dhedha war a'n fordh mayth ellens.

Salmow 105:39

Ev a lesas kommolenn yn kudhans, ha tan dhe ri golow nosweyth.

Salmow 107:7

Hag ev a's hembronkas war an fordh ewn, mayth ellens dhe sita dhe driga ynni.

Salmow 143:8

Gwra dhymm klewes dha dregeredh myttinweyth, rag ynnos jy y trestyav. Gwra dhymm godhvos an fordh y koedh dhymm kerdhes ynni, rag dhiso jy y trehavav ow enev.

Salmow 78:14

Ha dydhweyth ev a's hembronkas gans kommolenn, ha dres an nos gans golow tan.

Eksodus 15:13

‘Ty re hembronkas y'th tregeredh an bobel re dhasprensys, ty re's kevarwoedhas dre dha nerth dhe'th trigva sans.

Ezekiel 20:6

Y'n jydh na my a dhrehevis ow leuv dhedha ha ti, my dh'aga dri yn-mes a bow Ejyp dhe dir a aspiis ragdha, a dhinwa leth ha mel, an tekka a'n tiryow oll.

Niverow 9:16

Hag yndella prest yth o; an gommolenn a'n kudha dydhweyth, ha semlans an tan nosweyth.

Niverow 9:21

Ha treweythyow an gommolenn esa ena a'n gorthugher bys vyttin; ha pan vedha kemmerys an gommolenn myttinweyth, yth ens yn-kerdh; dydhweyth po nosweyth, mar pe an gommolenn kemmerys yn-bann, yth ens yn-kerdh.

Dewteronomi 1:33

ow kerdhes a-ragowgh y'n fordh dhe hwilas le rag agas kampya, yn tan nosweyth dhe dhiskwedhes dhywgh an fordh a gerdhowgh ynni, hag yn kommol dydhweyth.’