Nehemia 8:9 - An Bibel Kernewek 20234 (Kernewek Kemmyn)

⁹ Ena Nehemia, an governour, hag Ezra an oferyas ha'n skriba, ha'n Levysi a dhyski an bobel, a leveris dhe oll an bobel, ‘Sans yw an jydh ma dhe'n Arloedh agas Duw; na gynewgh, na nag oelewgh.’ Rag oll an bobel a oelas, pan glewsons geryow an lagha.

Nehemia 8:9 Iomraidhean Croise

2 Myghternedh 22:11

Pan glewas an myghtern geryow lyver an lagha, ev a skwardyas y dhillas.

2 Myghternedh 22:19

drefenn bos dha golonn medhel, ha ty dhe vos uvel a-dherag an Arloedh, pan glewsys an pyth a leveris vy erbynn an tyller ma, hag erbynn y annedhysi, mayth ellens ha bos euth ha molleth, ha skwardya dha dhillas, hag oela a-dheragov, my ynwedh re glewas, a lever an Arloedh.

2 Kroniklys 15:3

Termyn hir y feu Ysrael heb an gwir Dhuw, ha heb oferyas dhe dhyski, ha heb lagha,

2 Kroniklys 30:22

Hezekia a gewsis ow kennertha an Levysi a dhiskwedhas konvedhes da yn servis an Arloedh. Seyth dydh i a dhybris aga rann apoyntys, ow sakrifia offrynnow kres, hag owth aswonn grasow dhe'n Arloedh, Duw aga thasow.

2 Kroniklys 34:19

Pan glewas an myghtern geryow an lagha, ev a skwardyas y dhillas.

2 Kroniklys 34:21

‘Kewgh, hwila orth an Arloedh ragov vy ha rag an re yw gesys yn Ysrael hag yn Yuda, a-dro dhe eryow an lyver re beu kevys. Rag meur yw konnar an Arloedh yw diverys warnan, drefenn na withas agan tasow ger an Arloedh, dhe wul herwydh oll yw skrifys y'n lyver ma.’

2 Kroniklys 35:3

Ev a leveris dhe'n Levysi esa ow tyski oll Ysrael hag o sakrys dhe'n Arloedh, ‘Gorrewgh an argh sans y'n chi a dhrehevis Solomon mab Davydh. Nyns yw res dhywgh y dhoen war agas diwskoedh. Lemmyn servyewgh an Arloedh agas Duw ha'y bobel Ysrael.

Ezra 2:63

Ha'n governour a leveris dhedha, na dhepprens a'n taklow an moyha sans, bys pan ve oferyas gans Urim ha gans Thummim.

Ezra 7:11

Ytho, ottomma dasskrif a'n lyther a wrug myghtern Artakserkses y ri dhe Ezra an oferyas, an skriba, dyskys yn mater gorhemmynnow an Arloedh, ha'y ordenansow rag Ysrael:

Nehemia 10:1

An re neb a worras aga sel a veu Nehemia an governour, mab Hakalia, ha Sedekia;

Nehemia 12:26

An re ma a veu yn dydhyow Yoyakim mab Yeshua mab Yosadak, hag yn dydhyow Nehemia an governour, hag Ezra an oferyas, an skriba.

Nehemia 7:65

An governour a leveris dhedha, na dhegoedh dhedha dybri a'n taklow moyha sans bys pan saffa yn-bann oferyas gans Urim ha Thummim.

Nehemia 7:70

Lemmyn re a bennow chiow an tasow a ros dhe'n ober. An governour a ros dhe'n dresorva mil dharik a owr, deg bason ha dew-ugens, pymp kans mantell oferyas warn ugens.

Nehemia 8:2

Hag Ezra an oferyas a dhros an lagha a-dherag an kuntelles, keffrys gwer ha benynes, ha peub a allas klewes gans konvedhes, yn kynsa dydh an seythves mis.

Ekklesiastes 3:4

Prys dagrewi ha prys hwerthin; prys kyni ha prys donsya.

Ysay 61:3

dhe brovia rag an re a gyn yn Sion ha dhe ri dhedha tulyfant teg yn le lusu, oyl lowena yn le kynvann, ha mantell gormola yn le spyrys digolonnek; may fons gelwys derow gwiryonedh, plansva an Arloedh, may fo y glori diskwedhys.

Hosea 4:6

Ow fobel yw kisys drefenn fowt a skians. Drefenn ty dhe nagha skians, my a wra dha nagha ma na vi oferyas ragov; drefenn ty dhe ankevi lagha dha Dhuw, my ynwedh a wra ankevi dha vebyon.

Levitikus 23:24

Kows orth mebyon Ysrael, ow leverel: Y'n seythves mis, yn kynsa dydh an mis, y fydh dhywgh sabot solem, kovadh deklarys gans hwytha hirgern, kuntelles sans.

Malaki 2:13

An nessa dra ma hwi a wra: hwi a worher alter an Arloedh gans dagrow, gans oelva ha galar, a-ban na vir orth an offrynn namoy, na'n kemmer gans plesour dhiworth agas diwleuv.

Romanyon 3:20

Rag ny vydh denvyth justifiys der oberow an lagha, a-ban dheu aswonnvos pegh der an lagha.

Romanyon 7:9

Ow pewa yth esen a-der an lagha, mes pan dheuth an gorhemmynn, dasserghi a wrug pegh,

Dewteronomi 12:12

Hwi a lowenha a-rag an Arloedh agas Duw, hwi, ha'gas mebyon, ha'gas myrghes, ha'gas servysi, ha'gas maghtethyon, ha'n Levyas usi a-ji dh'agas yetys drefenn nag eus dhodho kevrenn nag eretons genowgh hwi.

Dewteronomi 12:7

hag ena hwi a dheber a-rag an Arloedh agas Duw, ha lowenhe yn pup-tra may hworrowgh agas leuv warnodho, hwi ha'gas tiogethyow, may hwrug an Arloedh dha Dhuw dha venniga dredho.

Dewteronomi 16:11

Ty a lowenha a-rag an Arloedh dha Dhuw, ty, ha'th vab, ha'th vyrgh, ha'th was, ha'th vaghteth, ha'n Levyas usi y'th yetys, ha'n alyon, ha'n omdhivas, ha'n wedhwes usi yntredhowgh y'n tyller a wra an Arloedh dha Dhuw y dhewis, dhe wul dh'y hanow triga ena.

Dewteronomi 26:14

Ny dhybris dhiworto pan esen ow kyni, na remova travyth anodho pan en vy avlan, na ri travyth anodho dhe dhen marow. My re woslowas lev an Arloedh ow Duw ha gul war-lergh pup-tra a worhemmynnsys dhymm.

Jamys 4:9

Gwrewgh galari, ha kyni hag oela. Bedhes agas hwarth treylys dhe gynvann, ha'gas lowena dhe dristyns.