Nehemia 8:6 - An Bibel Kernewek 20234 (Kernewek Kemmyn)

⁶ Hag Ezra a vennigas an Arloedh, an Duw meur. Hag oll an bobel a worthybis, ‘Amen, Amen’, ow trehevel aga diwleuv: hag i a blegyas aga fenn, ha gordhya an Arloedh gans aga fas dhe'n dor.

Nehemia 8:6 Iomraidhean Croise

Jenesis 14:22

Mes Abram a leveris dhe vyghtern Sodom, ‘My re dhrehevis ow leuv dhe'n Arloedh, Duw Ughella, Gwrier nev ha nor,

Jenesis 24:26

Ha'n gour a omblegyas ha gordhya an Arloedh,

1 Kroniklys 16:36

Benniges re bo an Arloedh, Duw Ysrael, trank heb worfenn.’ Hag oll an bobel a leveris, ‘Amen’ ha gormel an Arloedh.

1 Kroniklys 29:10

Davydh a vennigas an Arloedh a-dherag an kuntelles oll. Ha Davydh a leveris, ‘Benniges os, A Arloedh, Duw Ysrael agan tas, bys vykken ha bynnari.

1 Kroniklys 29:20

Ena Davydh a leveris dhe oll an kuntelles, ‘Bennigewgh an Arloedh agas Duw.’ Hag oll an kuntelles a wormolas an Arloedh, Duw aga thasow, hag omblegya, ow plegya dhe'n dor a-rag Arloedh ha'n myghtern.

2 Kroniklys 20:18

Ena Yehoshafat a blegyas ha'y fas dhe'n dor, hag oll Yuda ha trigoryon Yerusalem a goedhas dhe'n dor a-rag an Arloedh, ow kordhya an Arloedh.

2 Kroniklys 29:10

Yndella yma y'm kolonn gul kevambos gans an Arloedh Duw Ysrael, rag may treyllyo y sorr dhiworthyn.

2 Kroniklys 29:30

Myghtern Hezekia ha'n soedhogyon a worhemmynnis dhe'n Levysi may kannens gormola dhe'n Arloedh gans geryow Davydh ha'n gwelesydh Asaf. I a ganas gormola gans lowena, hag i a blegyas dhe'n dor hag a wormolas.

2 Kroniklys 6:4

Ev a leveris, ‘Benniges re bo an Arloedh, Duw Ysrael, neb gans y leuv re geweras an pyth a ambosas gans y anow dhe Davydh ow thas, ow leverel,

Nehemia 5:13

Ynwedh my a shakyas pleg ow fows ha leverel, ‘Yndellma re shakkyo Duw yn-mes dhiworth y ji ha dhiworth y lavur pub gour na with an ambos ma. Yndella re bo shakys yn-mes ha gwakhes.’ Hag oll an gesva a leveris ‘Amen’ ha gormel an Arloedh. Ha'n bobel a wrug war-lergh an ambos ma.

Nehemia 8:7

Ynwedh Yeshua, Bani, Sherebia, Yamin, Akkub, Shabbethay, Hodia, Maaseya, Kelita, Azaria, Yozabad, Hanan, ha Pelaya, an Levysi, a weresas an bobel dhe gonvedhes an lagha, ha'n bobel ow kortos yn aga thyller.

Salmow 134:2

Drehevewgh agas diwleuv y'n sentri, ha bennigewgh an Arloedh.

Salmow 141:2

Re bo ow fysadow a-dheragos avel ynkys, ha'm diwleuv drehevys avel offrynn gwesper.

Salmow 28:2

Klew lev ow govynnadow, pan griav dhis rag gweres, pan dhrehavav ow diwleuv troha'th tempel sans.

Salmow 41:13

Benniges re bo an Arloedh, Duw Ysrael, bys vykken ha bynnari. Amen, hag Amen.

Salmow 63:4

Ytho my a'th vennik hedre vewiv; my a dhrehav ow diwleuv dhe'th hanow.

Salmow 95:3

Rag an Arloedh yw Duw meur, ha Myghtern meur dres oll duwow.

Eksodus 12:27

hwi a lever, “Yth yw sakrifis pask an Arloedh, rag ev a dremenas dres chiow mebyon Ysrael yn Ejyp, pan weskis an Ejyptianys, mes gasa agan chiow.” ’ Ha'n bobel a omblegyas ha gordhya.

Eksodus 4:31

Ha'n bobel a grysis; ha pan glewsons an Arloedh dhe wul vri a vebyon Ysrael ha gweles aga galar, i a omblegyas ha gordhya.

Yeremia 28:6

ha'n profoes Yeremia a leveris, ‘Amen! Re wrello an Arloedh yndella; re gollanwo an Arloedh an geryow re brofoessys, ha daskorr lestri chi an Arloedh, hag oll an dhivresow, a-dhiworth Babylon dhe'n tyller ma.

Kynvannow 3:41

Drehevyn ni agan kolonn ha'gan diwleuv dhe Dhuw y'n nevow.

Levitikus 9:24

Ha tan a dheuth yn-mes dhiworth an Arloedh ha kowlleski an offrynn leskys ha'n blonek war an alter. Pan y'n gwelas oll an bobel, i a armas yn lowen ha koedha war aga fasow.

Matthew 26:39

Hag ow mones nebes yn-rag, ev a goedhas war y fas ha pysi ow leverel, ‘Ow Thas, mara kyll henna bos, tremenes an hanaf ma dhiworthiv; mes na vo henna herwydh ow bodh vy saw dha vodh tejy.’

Matthew 6:13

Ha na wra agan dri yn temptasyon, mes delirv ni dhiworth drog.

1 Korinthianys 14:16

Poken mar pennigydh y'n spyrys, fatell yll nebonan usi ynter an re heb dyskans leverel ‘Amen’ dhe'th grasyans, pan na woer an pyth a leverydh?

Efesianys 1:3

Benniges re bo Duw ha Tas agan Arloedh Yesu Krist, neb re'gan bennigas gans pub bennath spyrysel y'n tylleryow nevek yn Krist,

1 Timothi 2:8

Ytho, my a vynn may hwrello pysi an wer yn pub le, ow trehevel diwla sans heb sorr na disputyans.

1 Peder 1:3

Benniges re bo Duw ha Tas agan Arloedh Yesu Krist, neb a'gan dastineythis, war-lergh y dregeredh vras, dhe wovenek bew dre dhasserghyans Yesu Krist a'n re varow,

Diskwedhyans 7:11

Hag oll an eledh a sevis a-dro dhe'n tron, hag a-dro dhe'n henavogyon ha'n peswar kreatur bew, hag i a goedhas a-dherag an tron war aga fasow ha gordhya Duw,