Nehemia 8:2 - An Bibel Kernewek 20234 (Kernewek Kemmyn)

² Hag Ezra an oferyas a dhros an lagha a-dherag an kuntelles, keffrys gwer ha benynes, ha peub a allas klewes gans konvedhes, yn kynsa dydh an seythves mis.

Nehemia 8:2 Iomraidhean Croise

Nehemia 10:29

a jun gans aga breder an ugheloryon hag omgelmi gans molleth ha ti dhe gerdhes yn lagha Duw a veu res dre Moyses gwas Duw, ha dhe witha ha dhe wul oll gorhemmynnow an Arloedh agan Arloedh ha'y vreusow ha'y ordenansow.

Nehemia 13:1

Y'n jydh na, i a lennas yn-mes a lyver Moyses yn klewans an bobel; hag ynno y feu kevys skrifys na dal entra nevra naneyl Ammonyas na Moabyas a-ji dhe guntelles Duw,

Nehemia 8:18

Ha pub-dydh, a-dhia'n kynsa dydh dhe'n jydh diwettha, ev a lennas yn-mes a lyver lagha Duw. Hag i a withas an goel seyth dydh; ha'n ethves dydh yth esa kuntelles solem, war-lergh an ordenans.

Nehemia 8:9

Ena Nehemia, an governour, hag Ezra an oferyas ha'n skriba, ha'n Levysi a dhyski an bobel, a leveris dhe oll an bobel, ‘Sans yw an jydh ma dhe'n Arloedh agas Duw; na gynewgh, na nag oelewgh.’ Rag oll an bobel a oelas, pan glewsons geryow an lagha.

Nehemia 9:1

Lemmyn y'n peswora dydh warn ugens a'n mis ma mebyon Ysrael a veu kuntellys war-barth gans penys, hag yn yskar ha gans pri war aga fenn.

Ysay 28:9

‘Dhe biw y tysk ev skians? ha dhe biw y styr ev an messaj? An re didhenys dhiworth leth, an re diberthys dhiworth an dhiwvronn?

Levitikus 23:24

Kows orth mebyon Ysrael, ow leverel: Y'n seythves mis, yn kynsa dydh an mis, y fydh dhywgh sabot solem, kovadh deklarys gans hwytha hirgern, kuntelles sans.

Malaki 2:7

Rag y koedh dhe dhiwweus an oferyas gwitha skians, hag y tal dhe dus hwilas dyskans a'y anow, drefenn y vos kannas Arloedh an luyow.

Niverow 29:1

Y'n kynsa dydh a'n seythves mis hwi a'gas bydh kuntelles sans; ny wrewgh ober arvethys. Dydh yw ragowgh dhe hwytha kern.

Oberow 15:21

Rag Moyses a-dhia henedhow koth a'n jeves an re neb a'n pregoth yn pub sita, ha lennys yw y'n synagys pub sabot.’

Dewteronomi 17:18

Pan vydh esedhys war dron y ruvaneth, ev a skrif ragdho y honan dasskrif a'n lagha ma war lyver, dhiworth an lyver usi dhe'n oferysi leviek.

Yoshua 8:35

Nyns esa ger a oll a worhemmynnis Moyses na lennas Yoshua a-rag oll kuntelles Ysrael, gans an benynes, an re vyghan, ha'n alyons esa trigys yn aga mysk.