Nehemia 8:12 - An Bibel Kernewek 20234 (Kernewek Kemmyn)

¹² Hag oll an bobel eth yn-kerdh dhe dhybri ha dhe eva, ha dhe dhannvon rannow ha dhe wul lowender bras, drefenn i dhe gonvedhes an geryow a veu disklerys dhedha.

Nehemia 8:12 Iomraidhean Croise

1 Kroniklys 29:22

I a dhybris hag eva a-rag an Arloedh y'n jydh na gans lowena vras. Ena i a wrug Solomon mab Davydh myghtern rag an nessa treveth hag i a'n untyas avel rewler rag an Arloedh ha Sadok avel oferyas.

Nehemia 8:10

Yn eur na ev a leveris dhedha, ‘Kewgh, dybrewgh an blonek, hag evewgh an gwin hweg ha dannvenewgh rannow dhodho ev na'n jeves travyth parys ragdho. Sans yw an jydh ma dh'agan Arloedh: na bedhewgh grevys, rag lowena an Arloedh yw agas nerth.’

Nehemia 8:11

Ytho an Levysi a goselhas oll an bobel, ow leverel, ‘Taw taves, rag sans yw an jydh; na vedhewgh grevys.’

Nehemia 8:13

Y'n nessa dydh pennow teyluyow oll an bobel gans an oferysi ha'n Levysi a dheuth war-barth dhe Ezra rag konvedhes geryow an lagha.

Ester 9:22

avel an dydhyow may feu dhe'n Yedhewon powes dhiworth aga eskerens, ha'n mis hag a veu treylys ragdha dhiworth ahwer dhe heudhder, ha dhiworth kynvann dhe dhydh da: ma's gwrellens dydhyow a gevewya hag a heudhder, hag a dhannvon rohow a voes an eyl dh'y gila, hag a dhannvon rohow dhe'n voghosogyon.

Job 23:12

Ny dhiberthis dhiworth gorhemmynnow y dhiwweus; my re dresoryas geryow y anow y'm askra.

Salmow 119:111

My re gemmeras dha dhustuniow yn ertach bys vykken, rag lowena ow holonn yns i.

Salmow 119:127

Rakhenna my a gar dha worhemmynnow moy ages owr, moy ages owr fin.

Salmow 119:130

Diskwedhyans dha eryow a re golow; ev a re skians dhe'n re sempel.

Salmow 119:14

My re lowenhas yn fordhow dha dhustuniow kemmys hag yn kevoeth pub oll.

Salmow 119:16

My a lowenha y'th ordenansow; ha ny wrav ankevi dha er.

Salmow 119:171

Ow diwweus a lever gormola, drefenn ty dhe dhyski dhymm dha ordenansow.

Salmow 119:174

My re yeunis war-lergh dha selwyans, A Arloedh, ha'th lagha yw ow lowena.

Salmow 119:72

Gwell genev yw lagha dha anow ages milyow a owr hag a arghans.

Salmow 119:97

Assa wrav vy kara dha lagha; oll an jydh my a breder anodho!

Yeremia 15:16

Dha eryow a veu kevys, ha my a's dybris: ha'th heryow o lowender dhymm ha heudhder ow holonn: rag dha hanow re beu gelwys warnav, A Arloedh, Duw an luyow.

Luk 24:32

Ena yn-medhons an eyl dh'y gila, ‘A nyns esa agan kolonn ow leski ynnon hag ev ow kewsel genen y'n fordh hag owth igeri an skryptors dhyn?’

Romanyon 7:18

Rag y hwonn na drig ynnov travyth da, henn yw y'm kig. Yma parys genev an mynnas, mes kowlwul an da – ny allav.

Diskwedhyans 11:10

Ha'n re a drig war an nor a wra lowenhe warnedha, ha heudhhe, ha dannvon rohow an eyl dh'y gila, rag an dhew brofoes ma a dormentyas an re usi trigys war an nor.